ស្ត្រីអភព្វអាយុ ២៣ ឆ្នាំ នេះ ត្រូវបានថៅកែបញ្ជូនទៅកាន់មន្ទីរ ដើម្បីព្យាបាលមុខរបួសរបស់នាង ដែលរងការជះទឹកក្តៅស្រោចពេញខ្នង និងជើង សម្រាប់តែអស់រយៈពេលប៉ុន្មានម៉ោងប៉ុណ្ណោះ ។
គ្រានៅមន្ទីរពេទ្យ, នាងបានឲ្យលេខទូរស័ព្ទបងប្អូនជីដូនមួយរបស់នាង ទៅបុគ្គលិកពេទ្យ និងទទួចឲ្យពួកគេជួយនាងផង ។ ឥឡូវនេះ នាងកំពុងទទួលការថែទាំពីស្ថានទូតហ្វីលីពីន ។
ដោយសារតែពុំអាចទប់កំហឹងបាន បងប្អូនជីដូនមួយរបស់នាង ក៏បានចែករំលែករូបភាពរបស់ ‘Fatma’ (ឈ្មោះមិនពិតរបស់នាង) នៅលើបណ្តាញសង្គម Facebook តែម្តង ។ ស្ត្រីបញ្ចេញកំហឹងរូបនោះ ក៏បានសរសេរអះអាងថា Fatma ត្រូវបានវាយដុំច្រំធាក់ដោយថៅកែរបស់នាង និងបង្អត់អហារ ទៀតផង ។
ស្ត្រីជីដូនមួយនោះ នៅបានសរសេរឲ្យដឹងទៀតថាៈ “ថៅកែស្រីជនជាតិអារ៉ាប៊ីសាអូឌីតរបស់នាង បានស្រោចទឹកក្តៅលើនាង ។ នាងទើបតែមកធ្វើការនៅក្នុងទីក្រុង Riyadh រយៈពេល ២ ខែ ប៉ុណ្ណោះ ” ។ “នាងត្រូវបានវាយដុំក្នុងរយៈពេល ៥ ថ្ងៃ នៅពេលថៅកែប្រុសរបស់នាងមកដល់ និងជូនកាលបង្អត់អាហារ” ។
“នាងត្រូវបានបញ្ជូនទៅព្យាបាលរបួសនៅឯមន្ទីរពេទ្យ ៦ ម៉ោង ក្រោយពីរងការចាក់ស្រោចទឹកក្តៅ” ។
“បន្ទាប់មក នាងត្រូវបាននាំយកទៅផ្ទះវិញ ដើម្បីបន្តធ្វើការ ថ្វីបើមុខរបួសរបស់នាងស្ថិតក្នុងសភាពធ្ងន់ធ្ងរយ៉ាងក៏ដោយ” ។
បច្ចុប្បន្ន នាយកដ្ឋានសុខុមាលភាពសង្គម និងកាអភិវឌ្ឍន៍ នៃប្រទេសនេះ បានកំពុងផ្តល់ការថែទាំថ្នាំសង្កូវ និងទីកន្លែងស្នាក់នៅ ។
ប៉ុន្តែ ចំពោះជនល្មើសជាថៅកែចិត្តខ្មៅនេះ គេពុំទាន់ដឹងថា សមត្ថកិច្ចនៅប្រទេសនេះនឹងចាត់វិធានការផ្លូវច្បាប់យ៉ាងណានោះទេ ៕
No comments:
Post a Comment
yes