ថ្នាក់ដឹកនាំគណបក្សសង្រោះជាតិ ធ្វើដំណើរទៅកាន់ប្រទេសហ្វីលីពីន ដើម្បី ជួបពិភាក្សាការងារជាមួយលោកប្រធាន សម រង្ស៊ី និងលោកអនុប្រធាន កឹម សុខា

ដោយ៖ សឿង ស្រីនី

ថ្នាក់ដឹកនំាគណបក្សសង្គ្រោះជាតិ នៅថ្ងៃទី១៩ វិច្ឆិកា បានចាកចេញពីប្រទេសកម្ពុ​ជា ដើម្បី​ទៅ​ជួប​​ពិ​ភាក្សាការងារ ជាមួយលោក​ប្រធាន សម រង្ស៊ី និងលោក​អនុប្រធាន កឹម សុខា​ នៅប្រទេស​ហ្វី​​លី​​ពី​ន ក្នុងការរកដំណោះស្រាយសមរម្យ មុនការវិលមកកាន់មាតុប្រទេសវិញ របស់​លោក​ប្រធាន ដោយគ្មានហិង្សាណាមួយកើតឡើង ។

ថ្នាក់ដឹកនាំគណបក្សសង្ក្រោះជាតិ ដែលអញ្ជើញទៅជួបពិភាក្សាការងារ​ ​នៅប្រទេសហ្វីលីពីន ​ជា​មួយ​​លោកប្រធាន សម​រង្ស៊ី និងលោកអនុប្រធា កឹម សុខា រួមមាន លោក អេង ឆៃអ៊ាង, លោក យ៉ែម បុញ្ញឫទ្ធិ លោក សុន ឆ័យ និងលោក សេង ម៉ារ៉ាឌី ដែលត្រូវ​បានគណៈ​កម្មាធិ​ការ​អចិន្ត្រៃ​យ៏​គណបក្ស សម្រេច​ជ្រើស​រើស និងចាត់តាំងរូបលោក ​ក្នុ​ងការប្រាស្រ័យការងា​រជាមួយ​លោក​ប្រ​ធាន និងលោក​អនុ​ប្រ​ធាន ។

លោក អេង ឆៃអ៊ាង ក្រោយកិច្ចប្រជុំគណៈកម្មាធិការអចិន្ត្រៃយ៏គណបក្ស កាលពីថ្ងៃទី១៨ វិច្ឆិកា ឱ្យ​​ដឹ​​ង​​ថា គណៈកម្មាធិការអចិន្រ្តៃយ៍គណ​បក្ស បានសម្រេច នឹងធ្វើយ៉ាងណា​ខិតខំ​ស្វែង​រក​ដំ​ណោះ​ស្រាយ ដើម្បីឱ្យលោកប្រធា​ន​ បានវិលត្រឡប់មកប្រទេសកម្ពុជាវិញ ដោយគ្មានហិង្សា និង​ស្ថេរភាពនយោបាយល្អ​ប្រសើរ ។

លោក អេង ឆៃអ៊ាង បញ្ជាក់ទៀតថា ការវិលត្រឡប់មកកម្ពុជាវិញ របស់លោកប្រធាន សម រង្ស៊ី លុះត្រាណាមានការស្រុះស្រួលនយោបាយណាមួយ ដើម្បីបញ្ចៀសភាពល្អក់​កករ​នយោ​បាយ និងពីសេសហិង្សារវាងខ្មែរនិងខ្មែរ ។

គួររំលឹកថា លោកប្រធាន សម រង្ស៊ី ត្រូវបានតុលាការក្រុងភ្នំពេញ ចេញដីកាបង្គាប់ឲ្យ​ចាប់ខ្លួន ដាក់​​ពន្ធ​នាគារ២ឆ្នាំ ពីបទបរិហាកេរ្តិ៍ជាសាធារណៈ និងញុះញង់ឲ្យមានការរើសអើងកាល​ពីឆ្នំា

២​០​០៨​ តាមបណ្តឹងរបស់លោក ហោ ណាំហុង រដ្ឋមន្រ្តីក្រសួងការបរទេស និងសហប្រតិបត្តិការ ដែលត្រូវបានមជ្ឈដ្ឋាននានាលើកឡើងថា បណ្តឹងនោះជាបណ្តឹងនយោបាយ ព្រោះករណីខាង​លើ ត្រូវបានរត់ចាប់តាំងពីឆ្នាំ២០១៣ ក្រោយព្រះមហាក្សត្រ ទ្រង់ព្រះរាជទានទោលដល់លោក ប្រធានមកម្លេះ ។

ដូចគ្នានេះ ក្រោយដីការតាមចាប់ខ្លួនលោកប្រធាន សម រង្ស៊ី មានការរិះគន់ធ្ងន់ៗ ពីសហរដ្ឋ

អា​​មេរិក​ អគ្គលេខាធិការអង្គការសហប្រជាជាតិ លោក​ បាន គីមូន និងសង្គមស៊ីវិលជាតិ អន្តរ​ជាតិ​​ ហើយនៅថ្ងៃទី១៩ វិច្ឆិកា លោក ហោ ណាំហុង បានថ្លែងប្រាប់អ្នកសារព័ត៌មានថា លោក​មិន​មែនជាអ្នកផ្តួចផ្តើម ឲ្យមានការអនុវត្ត​សាល​​​​ដីកាជាស្ថាពរប្រឆាំងនឹង​លោកប្រធាន សម រង្ស៊ី​ ទេ​ លោកថាវាជាការសម្រេចរបស់​មេធាវី​ការពារក្តី​របស់លោកផ្ទាល់ ។

ការលើកឡើងរបស់លោក ហោ ណាំហុង ដូចនេះ ធ្វើអោយមហាជន មានការងឺងឆ្ងល់យ៉ាងខ្លាំង និង​ថា វាក៏អាចជាសញ្ញាវិជ្ជមានណាមួយ ក្នុងការសម្របសម្រួលផ្នែកនយោបាយ ដើម្បីបើកផ្លូវ ឲ្យលោកប្រធាន សម រង្ស៊ី បានវិលមកកម្ពុជាវិញ ដោយសន្តិភាព ស្ថេរភាពនយោបាយល្អ ប្រសើរ ពិសេសការបញ្ជៀស និងការនិទ្ទាគ្រប់ទិសទីមកលើរដ្ឋាភិបាលលោក ហ៊ុន សែន មុន​កិច្ច​ប្រជុំអាស៊ាននៅប្រទេសហ្វីលីពីន ជាដើម ៕