លោក កែប ជុតិមា អះអាងប្រាប់ប្រជាពលរដ្ឋបឹងកក់
ថា មិនមានគោលការណ៏បណ្តេញចេញទេ
កាតតវ៉ារបស់ប្រជាពលរដ្ឋបឹងកក់នៅមុខសាលារាជធានីភ្នំពេញនាពេលកន្លងមក
អភិបាលសាលារាជធានីភ្នំពេញលោក កែប ជុតិមា បានបញ្ឆាក់ប្រាប់ទៅកាន់
តំណាងប្រជាពលរដ្ឋនៅតំបន់បឹងកក់ថា សាលារាជធានីភ្នំពេញមិនមានគោលការណ៏បណ្តេញប្រជាពលរដ្ឋនៅតំបន់បឹងកក់ផ្នែកគោកនោះទេ និងមិនមានគោលការណ៏ដោះស្រាយប្រាក់៨ពាន់ដុល្លារ និង២លានរៀលនោះទេ។
ការបញ្ឆាក់របស់អភិបាលសាលារាជធានីភ្នំពេញបែបនេះ បានធ្វើឡើង នៅរសៀលថ្ងៃទី៣០ មិនា ក្នុងការជួបពិភាក្សាជាមួយតំណាងប្រជាពលរដ្ឋ
ចំនួន៧ភូមិ នៅតំបន់បឹងកក់ដើម្បីរកដំណោះស្រាយ ដែលបានធ្វើនៅក្នុង
សូមជម្រាបថា ការជួបរវាងតំណាងប្រជាពលរដ្ឋចំនួន៧ភូមិនៅតំបន់ បឹងកក់ ជាមួយលោកអភិបាលសាលារាជធានីភ្នំពេញ គឺបន្ទាប់ពីប្រជាពលរដ្ឋ
បានដាក់លិខិតស្នើសុំជួបលោក កែប ជុតិមា កាលពីថ្ងៃទី២៥ មិនា ក្នុងការស្នើ
សុំដីទំហំ១៥ហិកតាធ្វើការអភិវឌ្ឍន៏ដោយខ្លួនឯងតំណាងប្រជាពលរដ្ឋនៅ
តំបន់បឹងកក់អ្នកស្រី លី មុំ បានអោយដឹងថានៅក្នុងការជួបជាមួយលោក កែប ជុតិមា អភិបាលសាលារាជធានីភ្នំពេញតំណាងប្រជាពលរដ្ឋបានស្នើសុំដី
ទំហំ១៥ហិកតាធ្វើការអភិវឌ្ឍន៏ដោយខ្លួនឯង ប៉ុន្តែអភិបាលសាលារាជធានីភ្នំពេញបានឆ្លើយតបមកវិញថា មិនបានទេ តែបើចង់អភិវឌ្ឍន៏ដោយខ្លួនឯងនៅនឹងកន្លែងបាន។តំណាងប្រជាពលរដ្ឋទាំង៧ភូមិនៅតំបន់បឹងកក់
ក៏បានសុំអោយលោកអភិបាលសាលារាជធានីភ្នំពេញបញ្ឆូនសំណើរបស់
ពួកគាត់ដែលស្នើសុំដីទំហំ១៥ហិកតា ដើម្បីធ្វើការអភិវឌ្ឍន៏នៅនឹងកន្លែងដោយខ្លួនឯងទៅលោក ហ៊ុន សែន ។
គួរបញ្ឆាក់ថា ប្រជាពលរដ្ឋនៅតំបន់បឹងកក់ដែលទទួលរងការបាញ់ ខ្សាច់ពន្លិចផ្ទះសម្បែងពីសំណាក់ក្រុមហ៊ុន ស៊ូកាគូអ៊ីន ធ្លាប់បានធ្វើការតវ៉ា
ជាច្រើនលើក ច្រើនសារនៅមុខសាលារាជធានីភ្នំពេញ និងនៅមុខភូមិគ្រឹះ
លោក ហ៊ុន សែន ដើម្បីស្វែងរកការជួយអន្តរាគមន៏ និងផ្តល់ដំណោះស្រាយ
ដល់ពួកគាត់។ ប៉ុន្តែតែងតែទទួលរងការរារាំង និងបង្រ្កាបពីសំណាក់
អាជ្ញាធរមានសមត្ថកិច្ច៕
No comments:
Post a Comment
yes