ទៀ បាញ់ ថា សៀមបានយល់ព្រមទទួលយក
ក្រុមវាយតម្លៃរបស់ឥណ្ឌូណេស៊ីហើយ
ពីឆ្វេងទៅស្តាំ រដ្ឋមន្រ្តីការពារជាតិវៀតណាម Gen. Phung Quang Thanh, រដ្ឋមន្រ្តីការពារជាតិសៀម Prawit Wongsuwon, រ
ដ្ឋមន្រ្តីការពារជាតិឥណ្ឌូណេស៊ី Purnomo Yusgiantoro
និងរដ្ឋមន្រ្តីការពារជាតិកម្ពុជា ទៀ បាញ់ (រូប៖AP)
ភ្លាមៗនៅពីព្រឹកថ្ងៃសៅរ៍នេះ បន្ទាប់ចុះពីលើយន្តហោះវិលត្រឡប់ពីការចូលរួមកិច្ចប្រជុំថ្នាក់ រដ្ឋមន្រ្ដីក្រសួងការពារជាតិអាស៊ាននៅទីក្រុងហ្សាការតាប្រទេស ឥណ្ឌូណេស៊ី ទៀ បាញ់ រដ្ឋមន្រ្ដីក្រសួងការពារជាតិរបស់កម្ពុជាបានប្រាប់ក្រុមអ្នកកាសែត ថា ភាគីសៀមបានយល់ព្រមទទួលយកក្រុមវាយតម្លៃរបស់ឥណ្ឌូណេស៊ីទៅកាន់ តំបន់ព្រំដែនដែលមានជម្លោះរបស់ប្រទេសទាំងពីរហើយ។
ជាមួយសេចក្ដីថ្លែងលើកឡើងពីជោគជ័យនៃកិច្ចប្រជុំថ្នាក់រដ្ឋមន្រ្ដី ក្រសួងការពារជាតិអាស៊ានលើកទី៥ដែលមានការព្រមព្រៀងគ្នាបង្កើតឲ្យ មានប្រព័ន្ធសន្តិសុខក្នុងតំបន់ទប់ស្កាត់អំពើឆ្លងដែននិងកិច្ចសហ ប្រតិបត្តិការលើផ្នែកយោធារវាងប្រទេសអាស៊ានទាំង១០ជាសមាជិកនោះ រដ្ឋមន្រ្ដីក្រសួង
ការពារជាតិខ្មែររូបនេះក៏នូវបានលើកឡើងផងដែរ ពីការជួបពិភា
ក្សាគ្នាដោយឡែកជាមួយរដ្ឋមន្រ្ដីក្រសួងការពារជាតិ សៀម ប្រាវីត វង្សសាវ៉ុន ស្ដីពីជម្លោះព្រំដែនរវាងប្រទេសទាំងពីរ។
ទៀ បាញ់ បានថ្លែងប្រាប់ក្រុមអ្នកកាសែតថា ភាគីសៀមនៅពេលនេះបានយល់ព្រមទទួលយកក្រុមវាយតម្លៃរបស់ឥណ្ឌូណេស៊ី ទៅកាន់តំបន់ព្រំដែនដែលមានជម្លោះរបស់ប្រទេសទាំងពីរហើយ។ ប៉ុន្ដែត្រង់ការបញ្ជូនមកនៅពេលណានោះវាជារឿងរបស់ឥណ្ឌូណេស៊ី។ ពាក់ព័ន្ធបញ្ហានៅប្រាសាទតាមាន់និងតាក្របី នៃខេត្ដឧត្ដរមានជ័យជាប់ខេត្ដសុរិន្ទសៀម ទីដែលមានការវាយប្រហារគ្នាខ្លាំងក្លារវាងកងទ័ព នៃប្រទេសទាំងពីរកាលពីចុងខែមេសាកន្លងទៅថ្មីៗ ត្រូវបានរដ្ឋមន្រ្ដីក្រសួងការពារជាតិខ្មែររូបនេះលើកឡើងថា ចំពោះសំណុំរឿងនេះនឹងលើកយកទៅពិភាក្សាគ្នាដោយឡែករវាងប្រទេសទាំង ពីរក្នុងកិច្ចប្រជុំព្រំដែនទូទៅ (JBC) នាពេលខាងមុខ៕
ពីសារប័ត៌មានសេរី
No comments:
Post a Comment
yes