កាសែតស្ត្រេត ថែម របស់សិង្ហបុរីបានផ្សាយកាលពីថ្ងៃទី១១ តុលា ថា អ្នកនាំចូលអង្ករមួយចំនួននៅសិង្ហបុរីកំពុងត្រៀមដំឡើងថ្លៃអង្ករប្រភេទលេខ១ក្រោយពីមានទឹកជំនន់ដ៏ធ្ងន់ធ្ងរក្នុងប្រទេសថៃ។ មានការព្យាករទុកថា អាជីវករនាំចូលអង្ករថ្នាក់លេខ១ចំនួន១០ប្រភេទនឹងដំឡើងថ្លៃនៅដើមសប្តាហ៍ក្រោយ ដោយអង្ករទាំង១០ប្រភេទនោះមានប្រហែល៤០%នៃអង្ករក្នុងទីផ្សារលក់រាយរបស់សិង្ហបុរី។
ទឹកជំនន់ដ៏ធ្ងន់ធ្ងរក្នុងអំឡុងពេលជាច្រើនខែកន្លងទៅបានបង្កឱ្យខូចខាតដល់តំបន់ជង្រុកស្រូវក្នុងប្រទេសថៃជាអ្នកនាំចេញអង្ករដ៏ធំមួយនៅលើពិភពលោក ខណៈពេលរដ្ឋាភិបាលកំពុងទទួលទិញអង្ករពីកសិករក្នុងតម្លៃខ្ពស់ជាងអត្រាទីផ្សារប្រហែល៤៤%។
សមាគមអ្នកនាំចេញអង្កររបស់ថៃឱ្យដឹងថា អង្ករគុណភាពខ្ពស់របស់ថៃថ្លៃ១.១៣០ដុល្លារក្នុង១តោន លើសរយៈពេល៦ខែកន្លងមកមានតម្លៃត្រឹមតែ៩៨៨ដុល្លារប៉ុណ្ណោះក្នុងមួយតោន៕
No comments:
Post a Comment
yes