លំនៅឋានប្រជាពលរដ្ឋធ្វើអំពីឈើប្រក់ស័ង្កសីចំនួន៣ខ្នងនៅជាប់ច្រាំងទន្លេបាសាក់ ស្ថិតនៅភូមិកំពង់ព្រីង ឃុំសិត្បូ ស្រុកស្អាង បានរអិលធ្លាក់ចូលក្នុងទឹកទន្លេដោយសារតែ ទឹកហូរច្រោះដី
កាលពីម៉ោង៦ និង៣០នាទីព្រលប់ថ្ងៃទី៣ វិច្ឆិកា ។
ទោះបីជាបែបណា នៅក្នុងហេតុការណ៍នេះមិនបណ្តាលឱ្យម្ចាស់ផ្ទះស្លាប់ឬរងរបួសឡើយ ដោយសារតែម្ចាស់ផ្ទះបានដឹងមុន មានការប្រុងប្រយ័ត្ន និងបានជញ្ជូនសម្ភារប្រើប្រាស់ទ្រព្យសម្បត្តិចេញ
មុនហេតុការណ៍កើតឡើង ។ ជាមួយគ្នានេះដែរ យ៉ាងហោចណាស់ប្រជាពលរដ្ឋ៦គ្រួសារដែល
មានផ្ទះនៅជាប់គ្នាកំពុងរើជញ្ជូន ទ្រព្យសម្បត្តិចេញពីផ្ទះ ព្រោះខ្លាចបាក់ច្រាំងបន្តដល់ផ្ទះរបស់
គាត់ទៀត ។
ទោះបីជាបែបណា នៅក្នុងហេតុការណ៍នេះមិនបណ្តាលឱ្យម្ចាស់ផ្ទះស្លាប់ឬរងរបួសឡើយ ដោយសារតែម្ចាស់ផ្ទះបានដឹងមុន មានការប្រុងប្រយ័ត្ន និងបានជញ្ជូនសម្ភារប្រើប្រាស់ទ្រព្យសម្បត្តិចេញមុនហេតុការណ៍កើតឡើង ។ ជាមួយគ្នានេះដែរ យ៉ាងហោចណាស់ប្រជាពលរដ្ឋ៦គ្រួសារដែលមានផ្ទះនៅជាប់គ្នាកំពុងរើជញ្ជូន ទ្រព្យសម្បត្តិចេញពីផ្ទះ ព្រោះខ្លាចបាក់ច្រាំងបន្តដល់ផ្ទះរបស់គាត់ទៀត ។
ប្រភពពីអាជ្ញាធរភូមិ-ឃុំ ក៏ដូចជាប្រជាពលរដ្ឋនៅទីនោះបានឱ្យដឹងថា មូលហេតុដែលបណ្តាលឱ្យច្រាំងរអិលបាក់ គឺមកពីចរន្តទឹកហូរបុកចំខ្លាំងធ្វើឱ្យរូងដីខាងក្រោម នៅពេលទឹកស្រកបណ្តាលឱ្យបាក់ច្រាំងចូលទៅក្នុងទន្លេតែម្តង ហើយផ្ទះទាំងនោះធ្វើចូលទៅក្នុងទន្លេផ្នែកខាងក្រោយ ចំណែកផ្នែកខាងមុខ គឺនៅជាប់ផ្លូវជាតិលេខ២១A ។ ច្រាំងដែលបាក់មានប្រវែងប្រមាណ២០ម៉ែត្រ ។
បើតាមម្ចាស់ផ្ទះខាងលើបានឱ្យដឹងថា នៅព្រឹកថ្ងៃទី៣ វិច្ឆិកា ពួកគាត់បានឃើញដីខាងមុខផ្ទះជាប់ផ្លូវជាតិមានស្នាមប្រះតូចរហូតដល់រសៀលថ្ងៃដដែលស្រាប់តែស្នាមប្រះដីនោះកាន់តែធំឡើងៗ ហើយពួកគាត់បានចាប់ផ្តើមជញ្ជូនសម្ភារប្រើប្រាស់ទ្រព្យសម្បត្តិចេញពីក្នុងផ្ទះអស់ ។ លុះដល់វេលាម៉ោង៦ និង៣០នាទីព្រលប់ ទើបរអិលដីបាក់ច្រាំងនាំយកទាំងផ្ទះបីខ្នងខាងលើចូលទៅក្នុងទន្លេតែម្តង ។
ប្រជាពលរដ្ឋដែលមានលំនៅឋាននៅក្បែរៗនោះកំពុងព្រួយបារម្ភនាំគ្នាជញ្ជូនទ្រព្យសម្បត្តិរបស់ខ្លួនចេញពីក្នុងផ្ទះផងដែរ ព្រោះខ្លាចបាក់ច្រាំងបន្តទៀត ។ ផ្លូវជាតិលេខ២១A ក្នុងភូមិកំពង់ព្រីងអាចនឹងបាក់ធ្លាក់ចូលក្នុងទន្លេ ព្រោះផ្លូវ និងទន្លេនៅជាប់គ្នា ហើយខ្សែទឹកបានហូរបុកមកចំខ្លាំងទៀត បើគ្មានវិធានការទេ ផ្លូវនោះនឹងបាក់ធ្លាក់ចូលក្នុងទឹកទន្លេអស់មិនខាន ៕
ពីគេហទំព័រ៖ កោះសន្តិភាព
No comments:
Post a Comment
yes