ម៉េង កែវពេជ្ជតា និងលោកស៊ុក សុភា (រូបថតៈ អង្គរធំ)
លោកស៊ុក សុភា និងសង្សារថ្មី (រូបថតៈ អង្គរធំ)
ទោះជាខំបង្ហាញពីភាពរីករាយពេលនិយាយដល់រឿងសម្ព័ន្ធភាពស្នេហាថ្មី រវាងលោក ស៊ុក សុភា និងសង្សារវ័យក្មេង តែគេសង្កេតឃើញថាតារាចម្រៀង ម៉េង កែវពេជ្ជតា មានទឹកមុខក្រៀមក្រំ និងនិយាយរាងអួលដើមក ។
យោងតាមទស្សនាវដ្តីក្នុងស្រុកផ្សាយលេខចុងក្រោយ បានឱ្យដឹងថា អ្នកនាងពេជ្ជតា បាននិយាយដោយក្តុកក្តួលក្នុងចិត្តថា “សម្រាប់ភា ខ្ញុំមានតែរាប់អានជាប្អូនដ៏ល្អម្នាក់ ហើយជូនពរឱ្យពួកគេស្រឡាញ់គ្នារហូត” ។
ជាងមួយឆ្នាំ ចាប់តាំងពីអ្នកចម្រៀង ម៉េង កែវពេជ្ជតា លែងលះស្វាមីជាឧត្តម សេនីយ៍មក អ្នកដែលជួយលួងលោមនាងឱ្យបានធូរស្បើយអារម្មណ៍ និងនៅកៀកកិតនាង គឺ ស៊ុក សុភា ។ អ្នកទាំងពីរបានសាងអនុស្សាវរីយ៍យ៉ាងច្រើន ទាំងការដើរកម្សាន្តតាមឆ្នេរសមុទ្រក្នុងពេលចុះទៅបំពេញការងារស្ម័គ្រចិត្តនៅខេត្តកំពត និងទៅច្រៀងរួមគ្នានៅតាមបណ្តាខេត្តនានា ។
ទោះជាអ្នកនាង ម៉េង កែវពេជ្ជតា និងលោក ស៊ុក សុភា មិនធ្លាប់ទទួលស្គាល់ថា ការ ប្រាស្រ័យទាក់ទងរបស់ពួកគេជាចំណងស្នេហ៍ តែពេជ្ជតា ធ្លាប់ព្រលយថា បើស៊ុក សុភា ស្រឡាញ់មែននោះ វាក៏មិនមែនជាការអាក្រក់ឡើយ ។
តែការរំពឹងទុកទាំងនោះ មិនសមដូចបំណងឡើយ ។ នៅពាក់កណ្តាលឆ្នាំ២០១១នេះ តារាចម្រៀង និងតារាសម្តែងទាំងពីរ បានឃ្លាតឆ្ងាយពីគ្នា បន្ទាប់មកនារីវ័យក្មេងដ៏ស្រស់សោភា លេចមុខក្នុងបេះដូងលោក ស៊ុក សុភា ។ នាងមានឈ្មោះ សា រីណា៕
BY:CEN
No comments:
Post a Comment
yes