អគ្គិភ័យឆាបឆេះ ផ្ទះប្រជាពលរដ្ឋ នៅសង្កាត់ស្លក្រាម ក្រុងសៀមរាប

 អគ្គិភ័យដ៏សន្ធោសន្ធៅបានឆាបឆេះ ផ្ទះប្រជាពលរដ្ឋស្ថិតនៅតាមដងស្ទឹងសៀមរាប ២០-៣០ខ្នង ក្បែរផ្សារពោធិ៍លង្កា សង្កាត់ស្លក្រាម ក្រុង-ខេត្តសៀមរាប នាវេលាម៉ោង ៨យប់ថ្ងៃពុធ ទី៩ ខែវិច្ឆិកា ឆ្នាំ២០១១។

យោងតាមសេចក្តីរាយការណ៍ពីកន្លែងកើតហេតុ បានឲ្យដឹងថា កម្លាំងអាជ្ញាធរមូលដ្ឋាន ​និងសម ត្ថ កិច្ច ព្រមទាំងកម្លាំងនគរបាលពន្លត់អគ្គិភ័យ បានបញ្ជូនរថយន្តពន្លត់អគ្គិភ័យ ៣គ្រឿងទៅកាន់ កន្លែង កើតហេតុ ដើម្បីបាញ់ពន្លត់អគ្គិភ័យដ៏សន្ធោសន្ធៅនេះ ។

យោងតាមប្រភពពីសមត្ថកិច្ច បានឲ្យដឹងជាជំហានដំបូងថា ផ្ទះប្រជាពលរដ្ឋប្រមាណ ២០-៣០ខ្នង ដែលជាផ្ទះខ្ទមតូចៗ លក្ខណៈសំណង់អាណាធិបតេយ្យ នៅតាមមាត់ស្ទឹងសៀមរាប ត្រូវអគ្គិភ័យ ឆាបឆេះទាំងស្រុង ហើយកម្លាំងសមត្ថកិច្ចកំពុងតែ ញាប់ដៃញាប់ជើងអស់ពីសមត្ថភាព ដើម្បីបាញ់ ពន្លត់អគ្គិភ័យនេះ។ ជាមួយគ្នានេះមូលហេតុនៃការឆាបឆេះ ក៏មិនទាន់ដឹងផងដែរ។ រហូតដល់ ម៉ោងជាង ៩យប់ថ្ងៃដដែល អគ្គិភ័យបានរលត់ទៅវិញហើយ ។

ពីគេហទំព័រ៖ ដើមអំពិល