ក្មេងស្រីជំទង់ប្រហែលជា១៧-១៨ឆ្នាំ មានសម្លៀកបំពាក់សិស្សសាលា បានបញ្ចៀតទៅឈរជាមួយនឹងជួរ ក្រុមសិស្សសាលាវិទ្យាល័យវត្ដកោះ ហើយនៅពេលដែលព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជាយាងជាអធិបតីក្នុងទិវាបុណ្យឯករាជ្យជាតិ ៩ វិច្ឆិកា ក្មេងស្រីជំទង់រូបនេះបានស្ទុះស្រែកឆោឡោក្នុងសំឡេងជួយផងៗ។ នៅគ្រាដែលនាងបានស្រែកឡើងសមត្ថកិច្ចក៏បានស្ទុះទៅចាប់ខ្លួន ហើយបញ្ជូនតាមរថយន្ដសង្គ្រោះទៅកាន់មន្ទីរពេទ្យបង្អែកមានជ័យ កាលពីវេលាម៉ោង៨និង៤៥នាទី ថ្ងៃទី៩ ខែវិច្ឆិកា ឆ្នាំ២០១១។
មន្ដ្រីកងរាជអាវុធហត្ថឈរជើងការពារនៅចំណុចនៃពិធីបុណ្យបានឱ្យដឹងថា តាមការអះអាងរបស់លោកគ្រូ អ្នកគ្រូ នៃវិទ្យាល័យសាលាវត្ដកោះថា នារីជំទង់ម្នាក់នេះមិនមែនជាសិស្សសាលាវត្ដកោះទេ ហើយក៏ពុំដឹងថាគេបានបញ្ចៀតចូលជួរសិស្សសាលាវត្ដកោះពីពេលណានោះដែរ។ មន្ដ្រីខាងលើបានបន្ដថា នារីជំទង់ម្នាក់នេះមានឈ្មោះអែម បុបា្ពរ័ត្ន អាយុ ប្រហែលជា១៧-១៨ឆ្នាំ នៅលើអាវដែលគេពាក់ជាឯកសណ្ឋានសិស្ស គឺពុំមានស្លាកឈ្មោះនោះទេ។ សមត្ថកិច្ចបាន បញ្ជាក់ថា នាងហាក់ដូចជាមានស្អីមកសន្ឋិតនៅពេលដែលព្រះមហាក្សត្រទ្រង់យាងជិតដល់ចំណុចដែលនាងស្រែក ធ្វើឱ្យភ្ញាក់ផ្អើលនៅក្នុងពិធីបុណ្យឯករាជ្យជាតិ ៩ វិច្ឆិកានេះ៕
ពីគេហទំព៍រ៖ នគរវត្ត
No comments:
Post a Comment
yes