អគ្គិភ័យឆាបឆេះ កន្លែងធ្វើធូបនៅ សង្កាត់ទំនប់ទឹក ខណ្ឌចំការមន

 អគ្គិភ័យកំពុងឆាបឆេះកន្លែងធ្វើធូប ស្ថិតក្នុងដីឡូតិ៍មួយកន្លែង តាមបណ្តោយផ្លូវ លេខ៤០២ សង្កាត់ ទំនប់ទឹក ខណ្ឌចំការមន យ៉ាងសន្ធោសន្ធៅ នាវេលាម៉ោង៨ និង២០នាទីយប់ថ្ងៃសៅរ៍ ទី១៧ ខែធ្នូ ឆ្នាំ២០១១នេះ។

ក្រោយពេលកើតហេតុភ្លាមៗទាំងអាជ្ញាធរមូលដ្ឋាន និងសមត្ថកិច្ច ព្រមទាំងរថយន្តពន្លត់ អគ្គិភ័យ ជាង១០គ្រឿង បានចុះទៅដល់កន្លែងកើតហេតុដើម្បីបាញ់ពន្លត់ តែរហូតដល់ម៉ោង ៨ និង៤៧នាទី យប់ ភ្លើងនៅតែបន្តឆេះយ៉ាងសន្ធោសន្ធៅដដែល។

មិនទាន់មានប្រភពបញ្ជាក់ពីមូលហេតុ ដែលបណ្តាលឲ្យមានអគ្គិភ័យនេះនៅឡើយទេ។ តែមាន ប្រភព មួយចំនួនបានសង្ស័យថា មានមនុស្សលួចដុត។

យោងតាមប្រភពពីសមត្ថកិច្ចបានឲ្យដឹងថា រហូតមកដល់ម៉ោង ៩យប់ភ្លើង នៅតែបន្ត ឆាបឆេះយ៉ាង ខ្លាំង ហើយរថយន្តពន្លត់អគ្គិភ័យជាច្រើនគ្រឿង បានបញ្ជូនទៅកន្លែងកើតហេតុជាបន្តបន្ទាប់។ 

 សូមបញ្ជាក់ផងដែរថា នៅជុំវិញកន្លែងកើតហេតុ មានផ្ទះប្រជាពលរដ្ឋដែលធ្វើពីថ្ម និងឈើ ជា ច្រើនផងដែរ តែសមត្ថកិច្ចកកំពុងព្យាយាមបាញ់ទប់ស្កាត់មិនឲ្យរាលដាលទៅផ្ទះប្រជាពលរដ្ឋ

ដទៃទៀតទេ។

គួបញ្ចាក់ផងដែរថា កន្លែងធ្វើធូបដែលមានម្ចាស់ជាជនជាតិចិនខាងលើនេះ កាលពីប៉ុន្មាន​ខែមុន​ក៏ធ្លាប់ឆេះម្តងរួចមកហើយផងដែរ ៕

DAP