លោក សុខ អាន៖ ចាប់ពីឆ្នាំ១៩៩៣ ដល់ឆ្នាំ២០១១ ផលិតផលក្នុងស្រុកសរុប កើនពី ២,៤៨ ពាន់លានដុល្លារ ដល់ ១២,៦១ ពាន់លានដុល្លារ

 ភ្នំពេញ៖លោក សុខ អាន រដ្ឋមន្ត្រី​ទទួលបន្ទុក​ទីស្ដីការគណៈរដ្ឋមន្ត្រី បាន​មាន​​ប្រសាសន៍ថាចាប់ពី​

ឆ្នាំ​១៩៩៣ ដល់​ឆ្នាំ​២០១១ ផលិតផល​ក្នុងស្រុក​សរុប (GDP) របស់​កម្ពុជា មានការ​កើនឡើង​យ៉ាង

ខ្លាំង ពី ២,៤៨ ពាន់​លាន​ដុល្លារ​អាមេរិក រហូត​ដល់​ទៅ​ប្រមាណ ១២,៦១ ពាន់​លាន​ដុល្លារ​អាមេរិក​។ នេះ​ជាការ​ថ្លែង​នៅ​ក្នុង​ពិធី​ចុះហត្ថលេខា​លើ​កិច្ចព្រមព្រៀង សម្រាប់​គម្រោង “​បោសសំអាត​មីន

 មនុស្សធម៌​នៅ​ខេត្តសៀមរាប និង​ខេត្ត​ឧ​ត្ត​រ​មានជ័យ​” រវាង​ព្រះរាជណាចក្រ​កម្ពុជា និង​សាធារណរដ្ឋ​សហព័ន្ធ​អាល្លឺម៉ង់ កាលពី​ថ្ងៃទី​២ ខែកុម្ភៈ ឆ្នាំ​២០១២ នា​រាជធានី​ភ្នំពេញ​។​

​លោក សុខ អាន បាន​មានប្រសាសន៍​ទៀតថា វិស័យមួយចំនួន​ដែល​​ធ្វើ​ឲ្យ​មាន​កំណើនសេដ្ឋកិច្ច​

យ៉ាង​រហ័ស​នេះ មានដូចជា វិស័យ​កសិកម្ម កាត់ដេរ ទេសចរណ៍ និង​សំណង់​។

​លោក​ សុខ អាន បានថ្លែងបញ្ជាក់ទៀតថាជា​លទ្ធផល អត្រា​ភាពក្រីក្រ​បាន​ធ្លាក់​ចុះ ពី​ប្រហែល ៥០ ភាគរយ ក្នុង​ឆ្នាំ​១៩៩៣/១៩៩៤ មក​ត្រឹមតែ ២៧,៤ ភាគរយ ក្នុង​ឆ្នាំ​២០០៩ និង​ត្រឹម ២៥,៨ ភាគរយ ក្នុង​ឆ្នាំ​២០១០ ហើយ​សង្ឃឹមថានឹង​ថយ​ចុះ​មកក្រោម ២០ ភាគរយ ត្រឹម​ឆ្នាំ​២០១៥ ដែល​ស្របតាម​គោលដៅ​អភិវឌ្ឍន៍​សហស្សវត្ស​កម្ពុជា​។

លោក សុខ អាន ៖ សកម្មភាពកំចាត់មីនជាកត្តចំបងក្នុងការកាត់បន្ថយ​​ភាពក្រីក្រ និងការអភិវឌ្ឍ

ចំពោះសកម្មភាពកំចាត់មីន មិនត្រឹមតែជាបញ្ហាពាក់​ព័ន្ធនឹងសន្តិ​សុខ​ប៉ុណ្ណោះទេតែជាកត្តាដ៏ចំបង

ក្នុងការកាត់បន្ថយភាពក្រីក្រ និងការអភិវឌ្ឍ។ នេះជាការថ្លែងដោយ លោក សុខ អាន រដ្ឋមន្ត្រីទទួល

បន្ទុក​ទីស្ដីការ​គណៈរដ្ឋមន្ត្រីក្នុងពិធីចុះហត្ថលេខាលើកិច្ចព្រមព្រៀងសម្រាប់គម្រោង “​បោសសំអាត​

មីន មនុស្សធម៌នៅខេត្តសៀមរាប និងខេត្តឧត្តរមានជ័យ” រវាងព្រះរាជណាចក្រកម្ពុជា និងសាធា

រណៈរដ្ឋសហព័ន្ធអាល្លឺម៉ង់ កាល​ពីថ្ងៃទី២ ខែកុម្ភៈ ឆ្នាំ២០១២ នារាជធានីភ្នំពេញ។

លោក សុខ អាន បានមានប្រសាសន៍ថា សម្រាប់គម្រោង “បោសសំអាតមីន មនុស្សធម៌នៅ

ត្តសៀមរាប និងខេត្តឧត្តរមានជ័យ” ដែលទទួលការ​​ឧបត្ថម្ភពីសាធារណរដ្ឋសហព័ន្ធអាល្លឺម៉ង់ហើយ

ដែលនឹងអនុវត្តដោយកងឯកភាព​កំចាត់មីនទី៦ របស់មជ្ឈមណ្ឌលសកម្មភាពកំចាត់មីនកម្ពុជា

(CMAC)។

លោក សុខ អាន បានមានប្រសាសន៍បន្តថា សកម្មភាពកំចាត់មីន គឺមិនត្រឹម​តែ​ជាបញ្ហាពាក់ព័ន្ធ

នឹងសន្ដិសុខប៉ុណ្ណោះទេ តែជាកត្តាដ៏ចំបងក្នុងការកាត់បន្ថយ​ភាពក្រីក្រ និងការអភិវឌ្ឍផងដែរ។ 

ដីធ្លីមិនអាចផ្ដល់នូវអត្ថប្រយោជន៍ក្នុងផលិតកម្ម និងចូលរួមក្នុងការអភិវឌ្ឍសេដ្ឋកិច្ចបានទេប្រសិន

បើដីធ្លីទាំង​នោះនៅមានគ្រាប់មីន និងយុទ្ធភណ្ឌពុំទាន់ផ្ទុះ (UXO)។ ក្នុងន័យនេះ រាជរដ្ឋាភិបាលបាន

ប្រគល់ភារកិច្ចដល់អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារ

មីន និងមជ្ឈមណ្ឌលសកម្មភាពកំចាត់មីនកម្ពុជា ដើម្បីធានាថា បញ្ហាពាក់ព័ន្ធនឹងសកម្មភាពកំចាត់

មីននានា ត្រូវបានដោះស្រាយប្រកបដោយប្រសិទ្ធភាពដែលអាចផ្ដល់ផលប្រយោជន៍សេដ្ឋកិច្ច

សង្គមជាអតិបរមាសម្រាប់ប្រជាជន។

លោក សុខ អាន បានបន្ថែមថា បញ្ហាដីមានគ្រាប់មីន និងយុទ្ធភណ្ឌពុំទាន់​ផ្ទុះនៅតែជាការគម្រាម

កំហែង ដ៏អាក្រក់មួយចំពោះអាយុជីវិតរបស់ប្រជាជនយើងនិងជាឧបសគ្គដ៏ចំបងក្នុងការអភិវឌ្ឍ

ប្រទេសជាតិបើទោះជាមានការខិតខំប្រឹងប្រែង និងសមិទ្ធផលដែលសម្រេចបានដោយរដ្ឋាភិបាល

ក៏ដោយ ជាពិសេសអាជ្ញាធរកម្ពុជាគ្រប់គ្រងសកម្មភាពកំចាត់មីន និសង្គ្រោះជនពិការដោយសារមីន មជ្ឈមណ្ឌលសកម្មភាពកំចាត់មីនកម្ពុជា ព្រមទាំងស្ថាប័នបោសសំអាតមីនផ្សេងៗទៀត។

លោក សុខ អានបានបន្ថែមទៀតថាថ្វីត្បិតតែគ្រោះថ្នាក់មានការថយចុះពី២៨៦ករណីក្នុងឆ្នាំ២០១០ 

មកត្រឹម ២១១ករណីក្នុងឆ្នាំ២០១១ ក៏ដោយ ស្ថាប័នបោសសំអាតមីននៅតែធ្វើការយ៉ាងសកម្ម

 ដើម្បីបញ្ចប់នូវផលប៉ះពាល់ដោយសារគ្រាប់មីន និងយុទ្ធភណ្ឌពុំទាន់ផ្ទុះ។

លោក សុខ អាន បានបញ្ជាក់ថា យើងគប្បីជំរុញសកម្មភាព បោសសំអាតមីន ក្នុតំបន់ផ្សេងៗទៀត តួយ៉ាងតំបន់ជុំវិញប្រាសាទបុរាណ និងតំបន់ទេសចរណ៍សំខាន់ៗ ក្នុងគោលបំណងផ្ដល់នូវ

សុវត្ថិភាព និងលើកកម្ពស់ការអភិវឌ្ឍ​សេដ្ឋកិច្ចសង្គម។

គួជំរាបផងដែរថាថ្មីៗនេះ កម្ពុជាបានធ្វើជាម្ចាស់ផ្ទះ នៃកិច្ចប្រជុំលើកទី១១ របស់រដ្ឋភាគី នៃសន្ធិ

សញ្ញាស្ដីពីការហាមឃាត់ការប្រើប្រាស់គ្រាប់មីនប្រឆាំងនឹងមនុស្ស ដែលមានអ្នកចូលរួមប្រហែល

 ៩០០នាក់មកពីជាង ១៥០ប្រទេសនិងអង្គការអន្តរជាតិនានា។ ប្រទេសអាល្លឺម៉ង់ បានគាំទ្រជាបន្ត

បន្ទាប់សម្រាប់សកម្មភាពមនុស្សធម៌ក្នុងការបោសសំអាតមីន និងការអភិវឌ្ឍសេដ្ឋកិច្ចសង្គម នៅ

ប្រទេសកម្ពុជា ចាប់ពីឆ្នាំ១៩៩៩រហូតមក៕