លោក សុខ ណារៀន ជាសមាជិកក្រុមប្រឹក្សាខេត្តព្រះវិហារមកពីគណបក្ស សម រង្ស៊ីបានលើកឡើងថា លោកស្វាគមន៏នៅពេលដែលរដ្ឋាភិបាល បានផ្តល់ ដី ជួន ប្រជា ពល រដ្ឋក្រីក្រ ប៉ុន្តែលោក រំពឹងថាការសន្យារបស់រដ្ឋាភិបាល និងធ្វើអ្វីដូច ដែល ខ្លួន បាន សន្យា ។ លោកបានបន្តថា រយះពេលកន្លងមកបានឮតែការសន្យាតែផ្ទុយទៅវិញ មិនដែល បាន ឃើញ ការអនុវត្តពីមន្ត្រីថ្នាក់មូលដ្ឋាន លោកបន្ថែមថា នេះប្រហែលជា រដ្ឋាភិបាល ធ្វើ ឡើង ដើម្បីជារូប ភាពមួយអោយល្អមើល អោយប្រជាពលរដ្ឋដែលជាជនរងគ្រោះ រំងាប់ ចិត្ត ឬ ដើម្បីប្រជាប្រិយភាព ក្នុងការបិទបាំងកំហុសដែលខ្លួនបានធ្វើតែប៉ុណ្ណោះ។
ក្រុមអ្នកវិភាគមូយចំនូនបានមើលឃើញថា រដ្ឋាភិបាលកម្ពុជា បច្ចុប្បមិនមានឆន្ទះពិត ប្រាកដក្នុងការដោះស្រាយរាល់បញ្ហាជួនប្រជាពលរដ្ឋនោះទេ។ គេបានអះអាងថាប្រសិនបើរដ្ឋាភិបាលមានឆន្ទះដោះស្រាយពិតប្រាកដ មិនមែនទុកអោយប្រជាពលរដ្ឋ ធ្វើការតវ៉ាដោយបិទផ្លូវ និងតវ៉ានៅតាមតំបន់នានា ជាញឹកញយ ជាពិសេសបាន ធ្វើដំណើរពីតំបន់ឆ្ងាយដើម្បីឡើងមកតវ៉ានៅមុនផ្ទះ របស់លោកនាយករដ្ឋាមន្ត្រីហ៊ុន សែន សុំជំនួយអន្តរាគមន៏នានានោះទេ នេះបានបង្ហាញថា រដ្ឋាភិបាលមិនបានអើពើ និងសិក្សាអោយបានច្បាស់លាស់ មុននិងធ្វើការអភិវឌ្ឍន៏ ព្រមទាំងគិតតែប្រយោជន៏បុគ្គលមួយចំនួនតូច ហើយធ្វើអោយប៉ះពាល់ដការរស់នៅរបស់ប្រជាពលរដ្ឋរាប់ម៉ឺនរាប់សែនគ្រូសារ។
សូមបញ្ជាក់ថា មន្ត្រីរដ្ឋាភិបាលបានឯកភាពផ្តល់ទីតាំងថ្មីមួយទៀតតាមសំណើរបស់អ្នកភូមិស្វាយជ្រុំ ខេត្តព្រះវិហារបន្ទាប់ ពីមានការតវ៉ារបស់ក្រុមប្រជាពលរដ្ឋជាង២០០នាក់ ដែលបានធ្វើឡើងនៅខាងមុខផ្ទះលោកនាយករដ្ឋមន្ត្រីហ៊ុន សែន។ ជាពិសេសមុននិងទទួលបានតាមសុំណើប្រជាពលរដ្ឋភូមិស្វាយជ្រុំ ឃុំកន្ទួត ស្រុកជាំក្សាន្ត ខេត្តព្រះវិហារ ប្រជាពលរដ្ឋបាននាំគ្នាមកធ្វើការតវ៉ានៅរាជធានីភ្នំពេញសុំអន្តរាគមន៍ពីលោកនាយករដ្ឋមន្ត្រីហ៊ុនចំនួនបួនលើកមកហើយចាប់តាំងពីពួកគាត់ត្រូវអាជ្ញាធរខេត្តតម្រូវអោយផ្លាស់ប្តូរទៅរស់នៅនឹងភូមិធម្មជាតិសម្តេចតេជោវិញដែលស្ថិតនៅក្នុងឃុំកន្ទួតដដែលនោះ ៕
No comments:
Post a Comment
yes