សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Monday, April 30, 2012

ពលករ​រង​ការ​ជួញដូរ​ចុង​ក្រោយ​បាន​​មក​ដល់​​ស្រុក​វិញ​


ភ្នំពេញៈ ​ពលករ​រង​​ការ​ជួញ​ដូរ​មនុស្ស​ចុងក្រោយ​បំផុត ​បាន​រៀប​រាប់​​ពី​ជីវិត​នៅ​លើទូក​នេសាទ​ក្នុង​សមុទ្រ​ជា​ច្រើ​នឆ្នាំ​ ខណៈ​ដែល​បាន​វិល​ត្រឡប់​មក​ប្រទេស​កម្ពុជា​វិញ​កាល​ពី​ថ្ងៃ​សុក្រ។
លោក សួង សុខដែន ​មាន​ទឹក​មុខ​ចាស់​ជាង​អាយុ ២៦ឆ្នាំ ស្បែក​របស់​គាត់​ឡើង​ខ្មៅ ​ព្រោះ​តែ​​ធ្វើការ​លើ​ទូក​នេសាទ​ថៃ​អស់​ពេល​៦ឆ្នាំ។​ លោក​ជា​អ្នក​ស្រុក​ចំការលើ​ ខេត្ត​កំពង់​ចាម បាន​ថ្លែង​ថា​ មេខ្យល់​ដំបូង​ឡើយ​នាំ​គាត់​ទៅ​ក្រៅ​ប្រទេស​ ធ្វើការ​លើ​ទូក​នេសាទ​ក្នុង​ប្រទេសថៃ​ ហើយ​បន្ត​ទៅ​ប្រទេស​ឥណ្ឌូនេស៊ី។
​លោក​បាន​​ថ្លែង​ថា៖ «​ខ្ញុំ​នៅ​ទីនោះ​ជា​ច្រើន​ឆ្នាំ​ ប៉ុន្តែ​មិន​បាន​ប្រាក់​ខែ​ទេ​ សូម្បី​តែមួយ​រៀល...ខ្ញុំ​ជា​មនុស្ស​ឆ្កួត​ដែល​ទៅ​ធ្វើ​ការ​នៅ​ទី​នោះ»។

​លោក ទុក រ៉ាវី អាយុ១៨ឆ្នាំ ជា​​អ្នក​នេសាទ​នៅ​ទូក​តែ​មួយ​នោះ​ថ្លែង​ថា គាត់​បាន​លេខ​ទូរស័ព្ទ​ស្ថានទូត​កម្ពុជា​ នៅ​ឥណ្ឌូនេស៊ី​ ពី​មិត្ត​ភក្តិ​​ដែល​បាន​វិល​មក​ប្រទេស​កម្ពុជា​វិញ ​ហើយ​ក៏​តេ​ទៅ​ទូរស័ព្ទ​នោះ។
​ពួកគេនិង​មិត្ត​រួម​ជាតិ​ពីរ​នាក់​ផ្សេង​ទៀត ទីបំផុត​បាន​វិលមក​កម្ពុជា​វិញ តាម​រយៈ​អាជ្ញាធរ​កម្ពុជា​និង​ឥណ្ឌូនេស៊ី​ និង​អង្គការ​អន្តរជាតិ​ដើម្បី​ចំណាក​ស្រុក IOM (International Orga​- nization for Migration)​។
​លោក ទុក រ៉ាវី បាន​បន្ត​ថា មាន​អ្នក​នេសាទ​កម្ពុជា​រាប់​រយ​នាក់ កំពុង​ជាប់​នៅ​ក្នុងដែន​សមុទ្រ​គ្មាន​កោះ​ត្រើយ​នោះ​។
​លោក លី ឈាងឡុង អាយុ ២៤ឆ្នាំ ដែល​មក​ជា​មួយ​គ្នា​បាន​ថ្លែង​ថា ​​ពួក​គេ​បោក​ប្រាស់​ដោយ​សន្យា​ផ្តល់​ប្រាក់​ខែ​ច្រើន​។
​លោក​បញ្ជាក់​ថា ៖ «​គេ​ប្រាប់​ខ្ញុំ​ថា ខ្ញុំ​អាច​រក​បាន​ប្រាក់​ ១ម៉ឺន​បាត​ ក្នុង​មួយ​ខែ នៅ​ពេល​ខ្ញុំ​ទៅ​ដល់​ទៅ​នោះ។ ខ្ញុំ​បាន​ធ្វើ​ការ​ដូច​ទាសករ​អ៊ីចឹង​»។
​យោង​តាម​ក្រសួង​មហា​ផ្ទៃ បាន​ឲ្យ​ដឹង​ថា ពល​ករ​ចំណាក​ស្រុក​ ១២.០០០ នាក់ ត្រូវ​បាន​បញ្ជូន​ពី​ក្រៅ​ប្រទេស​មក​​ប្រទេស​កម្ពុជាវិញ​ក្នុង​ឆ្នាំ ២០១១។​
អ្នកស្រី សួស សុកស្រីមុំ ​អ្នក​សម្រប​សម្រួល​និង​ស្រាវ​ជ្រាវ​នៅ​អង្គការ IOM បាន​ថ្លែង​ថា ករណី​អ្នក​នេសាទ​ជាប់​នៅ​ក្រៅ​ប្រទេស​អស់​ជាង​ ៣ឆ្នាំ ជា​ករណី​កម្រ តែ​វា​ពិត​ជា​កើត​មាន​មែន។
​អ្នកស្រី​បាន​ថ្លែងថា ៖ «​ពួកគេ​ [អ្នក​នេសាទ] គ្មាន​ឱកាស​គេច​ខ្លួន​ទេ ហើយ​គ្មាន​ទំនាក់​ទំនង​ឲ្យ​គេ​ជួយ​បាន​ឡើយ»។
​លោក ទែន បូរ៉ានី អនុ​ប្រធាន​​នាយកដ្ឋាន​ប្រឆាំង​កា​រជួញ​ដូរ​មនុស្ស​និងការពារ​អនីតិជន​​ នៃ​ក្រសួង​មហា​ផ្ទៃ បាន​ថ្លែង​ថា ការ​ស៊ើប​អង្កេត​ក្នុង​ករណី​នេះ​កំពុង​តែ​បន្ត​ ហើយ​អាជ្ញា​ធរ​កំពុង​ស្រាវ​ជ្រាវ​រក​មេ​ខ្យល់​ដែលពាក់​ព័ន្ធ​។
​​ករណី​ដោយ​ឡែក​មួយ មាន​អ្នក​នេសាទខ្មែរ​ ៣នាក់ បាន​មក​ដល់​ខេត្ត​កំពតវ កាល​ពី​ថ្ងៃ​សៅរ៍ ​បន្ទាប់​ពីត្រូវ​បាន​ជួយ​សង្គ្រោះ​ដោយ​ទូក​វៀត​ណាម​។
លោក ទូច ពន្លាក់ ​អនុ​ប្រធាន​នាយក​ដ្ឋាន​ព្រំ​ដែន​សមុទ្រ ​ប្រចាំ​​នៅ​ខេត្ត​កំពត បាន​ថ្លែង​ឲ្យដឹង​​ថា អ្នក​នេសាទខ្មែរ​ទាំង​បី​បានលោត​ពី​ទូក នៅ​ពេល​ថៅកែ​ទូក​របស់​ពួកគេ​បាន​ព្យាយាម​សម្លាប់​គេ​ ​ទម្លាក់​ក្នុង​​សមុទ្រ ហើយ​​ពួកគេ​ត្រូវ​បាន​ជួយ​សង្គ្រោះ ដោយ​ទូក​វៀត​ណាម៕ 

No comments:

Post a Comment

yes