សភាពសហជីពកម្ពុជានៅថ្ងៃចន្ទនេះ បានធ្វើការអំពាវនាវដល់ជនរួមជាតិខ្មែរទាំងអស់ ឲ្យចូលរួមក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣ ដែលនឹងប្រព្រឹត្តទៅនាថ្ងៃទី០៣ ខែមិថុនា ឆ្នាំ២០១២ខាងមុខ ដើម្បីអនាគតរបស់បងប្អូនជនរួមជាតិ និងជាតិខ្មែរយើង។
កម្ពុជានឹងរៀបចំការបោះឆ្នោតឃុំសង្កាត់នៅថ្ងៃទី០៣ ខែមិថុនា ខាងមុខ
សហភាពសហជីពកម្ពុជាបានលើកឡើងនៅក្នុងសេចក្តីអំពាវនាវថា សន្លឹកឆ្នោតមួយសន្លឹកៗរបស់បងប្អូនជនរួមជាតិ កម្មករនិយោជិត មន្រ្តីរាជការ និងគ្រូបង្រៀនមានប្រយោជន៍ណាស់ដើម្បីលុបបំបាត់នូវការរំលោភយកដីធ្លី កម្ទេចផ្ទះសម្បែង អំពើហិង្សាបាញ់សម្លាប់ និងការចាប់បងប្អូនដាក់ពន្ធនាគារ នៅពេលសន្លឹកឆ្នោតរបស់បងប្អូនប្រមូលផ្តុំតែមួយ ផ្លាស់ប្តូរអ្នកដឹកនាំដដែលៗ ជ្រើសរើសយកអ្នកដឹកនាំថ្មី ដែលការពារផលប្រយោជន៍ប្រជារាស្រ្ត និងសង្គម។
សេចក្តីអំពាវនាវបន្តថា ម្យ៉ាងវិញទៀតបងប្អូនធ្វើការផ្លាស់ប្តូរនៅកម្រិតមូលដ្ឋាន និងហានផ្លាស់ប្តូរថ្នាក់ជាតិ ពេលនោះពិតជានាំមកនូវដំណោះស្រាយល្អៗ ឲ្យមានការងារធ្វើ ប្រាក់ខែសមរម្យ បញ្ចុះតម្លៃអតិផរណាទីផ្សារ វិស័យអប់រំល្អប្រសើរ គោរពសិទ្ធិមនុស្ស និងមានប្រជាធិបតេយ្យពិតប្រាកដ។ ដូច្នេះបងប្អូនជនរួមជាតិខ្មែរទាំងអស់ ត្រូវតែមានសេចក្តីក្លាហានសម្រេចចិត្តឲ្យបានត្រឹមត្រូវទៅតាមឆន្ទៈ ក្នុងការបោះឆ្នោតក្រុមប្រឹក្សាឃុំសង្កាត់នាពេលខាងមុខនេះ ដើម្បីប្តូរមេឃុំចៅសង្កាត់កាន់អំណាចយូរ មិនបម្រើរាស្រ្ត ជំនួសដោយមេឃុំចៅសង្កាត់មកពីគណបក្សដែលក្លាហានចេញមុខការពារអធិបតេយ្យភាព បូរណភាពទឹកដីពីការឈ្លានពានរបស់ប្រទេសជិតខាង និងបម្រើការពារប្រជារាស្រ្តពិតប្រាកដ៕
No comments:
Post a Comment
yes