ខេត្ដកំពង់ឆ្នាំង ៖ ពលរដ្ឋប្រមាណជា ៨០គ្រួសាររស់នៅភូមិត្រមូងជ្រំ ឃុំក្រាំង ល្វា ស្រុកសាមគ្គីមានជ័យ ខេត្ដកំពង់ ឆ្នាំង បាននាំគ្នាមកតវ៉ានិងបញ្ឈប់ សកម្មភាពឈូសឆាយដីរបស់ក្រុមហ៊ុន ចិនដែលកំពុងតែដាក់គ្រឿងចក្រជាច្រើន គ្រឿងរំលោភយកដីរបស់ពួកគាត់ដែល ទុកសម្រាប់បំរើផលប្រយោជន៍ក្នុងសហ គមន៍ ហើយពេលនោះប្រជាពលរដ្ឋ បានយកឈើដោតកំណត់ចំណាំព្រំដី ផងដែរ។ សកម្មភាពតវ៉ានេះបានធ្វើ ឡើង កាលពីវេលាម៉ោង៣រសៀលថ្ងៃទី ១២ មិថុនា ២០១២ ។
ប្រជាពលរដ្ឋម្នាក់បានប្រាប់ឱ្យដឹងថា មូលហេតុដែលពួកគាត់នាំគ្នាមកតវ៉ា នេះដោយសារតែខាងក្រុមហ៊ុនចិន មួយនេះកំពុងតែឈូសឆាយរំលោភបំពាន យកដីសហគមន៍របស់ពួកគាត់អស់ជាង ១០០ហិកតា ។ ពលរដ្ឋបានប្រាប់ទៀតថា ដីសហគមន៍របស់ពួកគាត់មានចំនួន ប្រមាណជាង២០០ហិកតា ដែលរាជរដ្ឋា ភិបាលប្រគល់ឱ្យ។ ប៉ុន្ដែក្រោយពីមាន ក្រុមហ៊ុនចិនមកធ្វើវិនិយោគលើដីក្បែរ នេះ ពួកគាត់ក្នុងសហគមន៍បានលក់ទៅឱ្យ ក្រុមហ៊ុនប្រមាណជា១៣៦ហិកតា ហើយ ពេលដែលខាងក្រុមហ៊ុនឈូសឆាយដីបាន រំលោភចូលលើជាង១០០ហិកតាទៀត ទើបធ្វើឱ្យពួកគាត់នាំគ្នាចេញមកតវ៉ា។
ប្រជាពលរដ្ឋបានបញ្ជាក់ទៀតថាពួក គាត់មិនប្រឆាំងនឹងការផ្ដល់ដីសម្បទាន សេដ្ឋកិច្ចដល់ក្រុមហ៊ុនចិនមួយនេះទេ ប៉ុន្ដែ អ្វីដែលគាត់ទាមទារនោះ គឺចង់ឱ្យ ក្រុមហ៊ុនបញ្ឈប់រំលោភបំពានយកដី សហគមន៍របស់ពួកគាត់ជាង១០០ហិក តានោះតទៅទៀត ។
គួរបញ្ជាក់ថា ក្រុមហ៊ុនចិនមួយនេះ បានទទួលដីវិនិយោគដើម្បីដាំអំពៅនិង ដាំដំឡូងមានទំហំជាង៦០០ហិកតានៅ ក្នុងឃុំក្រាំងល្វា ស្រុកសាមគ្គីមានជ័យ។
ក្នុងពេលដែលប្រជាពលរដ្ឋនាំគ្នាមកតវ៉ានោះគេពុំឃើញអាជ្ញាធរខេត្ដ-ស្រុក ឃុំនិងមន្ដ្រីជំនាញមកចូលរួមដោះស្រាយ នោះទេគឺទុកឱ្យប្រជាពលរដ្ឋនិងក្រុមហ៊ុន ឯកជនមួយនេះមើលមុខគ្នា ទៅវិញ ទៅមកនិងឆ្លើយយកត្រូវរៀងៗខ្លួន ។
ពាក់ព័ន្ធទៅនឹងប្រតិកម្មនេះអាជ្ញាធរ ស្រុក-ឃុំនិងមន្ដ្រីជំនាញរបស់ស្រុក សាមគ្គីមានជ័យ នគរវត្ដពុំអាចរកការ បំភ្លឺបានទេនៅរសៀលថ្ងៃទី១៣ មិថុនា ដោយទូរស័ព្ទជាប់រវល់។
ប្រជាពលរដ្ឋបានស្នើឱ្យប្រមុខរាជរដ្ឋា ភិបាលមេត្ដាជួយដោះស្រាយដល់ពួកគាត់ ផង ព្រោះនេះជាដីរួមរបស់សហគមន៍ ដែលមិនមែនសម្រាប់បុគ្គលណាមួយនោះទេ។ បើពុំដូច្នេះទេក្រុមហ៊ុនច្បាស់ជាធ្វើការឈូសឆាយខ្ទេចខ្ទីដីសហគមន៍របស់ពួកគាត់មិនខាន៕
No comments:
Post a Comment
yes