សារព័ត៌មានជួយខ្មែរ
Tuesday, June 26, 2012
នៅសង្កាត់ច្បារអំពៅទី២ ខណ្ឌមានជ័យ មានល្បែងស៊ីសងគ្រប់ប្រភេទ
រាជធានីភ្នំពេញ ៖ តាមប្រភពព័ត៌មានច្បាស់ការណ៍ដែលផ្តល់ដោយសមត្ថកិច្ចមូលដ្ឋានប្រាប់កោះសន្តិភាពឱ្យដឹងថា មានវង់ល្បែងស៊ីសងគ្រប់ប្រភេទកំពុងបើកលេងយ៉ាងគគ្រឹងគគ្រេងនៅក្នុងភូមិសាស្ត្រសង្កាត់ច្បារអំពៅទី២ ទាំងយប់ទាំងថ្ងៃដោយមិនទាន់ឃើញសមត្ថកិច្ចនគរបាលមូលដ្ឋាន ឬអាជ្ញាធរចុះបង្ក្រាបទប់ស្កាត់ឡើយ ។ប្រភពដដែលបន្តថា វង់ល្បែងស៊ីសងមានដូចជា បៀ អាប៉ោង បាល់ កន្ទុយលេខ កំពុងបើកធ្វើអាជីវកម្មយ៉ាងចំហ ហើយមានការចោទប្រកាន់ថា សមត្ថកិច្ចមូលដ្ឋាន និងអាជ្ញាធរពិតជាបានដឹងច្បាស់អំពីបញ្ហានេះ ប៉ុន្តែគេពុំដឹងថា បណ្តាលមកពីមូលហេតុអ្វីឡើយ ទើបអាជ្ញាធរ និងសមត្ថកិច្ចមូលដ្ឋានមិនចុះបង្ក្រាប ។ ចំពោះការបណ្តោយឱ្យមានល្បែងស៊ីសងក្នុងមូលដ្ឋាន គឺក្រុមសមត្ថកិច្ចមួយចំនួនក៏ដូចជាប្រជាពលរដ្ឋខ្លះដែលមិនសប្បាយចិត្តចំពោះការកើតមានល្បែងស៊ីសងក្នុងមូលដ្ឋាន ឬក្បែរលំនៅឋានរបស់ពួកគាត់បានរិះគន់ចំៗទៅលើអាជ្ញាធរសង្កាត់ពិសេសលោកចៅសង្កាត់ និងលោកប្រធានប៉ុស្តិ៍រដ្ឋបាលថា មិនអនុវត្តគោលនយោបាយភូមិ-សង្កាត់មានសុវត្ថិភាពរបស់រាជរដ្ឋាភិបាល។
Subscribe to:
Post Comments (Atom)
No comments:
Post a Comment
yes