ដោយសារតែភាពទីទាល់ក្រ លំបាកវេទនា អត់បាយក្រហាយទឹក
គឺអាចឲ្យប្រជាពលរដ្ឋហ៊ានធ្វើ អ្វីៗគ្រប់បែបយ៉ាងដើម្បីក្រពះរបស់ខ្លួន ។
តួយ៉ាងដូចជាករណីរបស់ប្រជាពលរដ្ឋអតីតសហគមន៏បូរីកីឡា ដែលត្រូវបានក្រុមហ៊ុន ផានអ៊ីម៉ិច
របស់លោកស្រី ស៊ុយសុផាន រួមជាមួយនិងអាជ្ញាធរខណ្ឌ៧មករា បានធ្វើការបណ្តេញចេញ
ទាំងបង្ខំ កាលពីថ្ងៃទី០៤ ខែមករា ឆ្នាំ២០១២ ឲ្យទៅរស់នៅតំបន់ភ្នំបាត ក្នុងស្រុកពញាឮ
ខេត្តកណ្តាលនោះឥលូវនេះ ពួកគាត់កំពុងតែរស់នៅលំបាកវេទនាជាទីបំផុត គ្មានទីជម្រកសមរម្យសម្រាក់ស្នាក់នៅ
អត់បាយក្រហាយទឹក គ្មានមុខរបរក្នុងការរកស៊ីសម្រាប់ចិញ្ចឹមជីវិត រស់នៅពិបាកជាងស្លាប់ទៅទៀត
ដោយគ្មានការទទួលខុសត្រូវពីសំណាក់ក្រុមហ៊ុន ផានអ៊ីម៉ិច និងរដ្ឋាភិបាលរបស់លោក ហ៊ុន
សែន ។
ប្រជាពលរដ្ឋទាំងនោះដែលជាស្រ្តី ដោយសារតែគ្មានប្រាក់សម្រាប់ទិញគ្រឿងឧបភោគបរិភោគ
និងសម្ភារះប្រើប្រាស់ដែលជាតំរូងការចាំបាច់ ពួកគាត់បាននាំគ្នាសម្រេចចិត្តកោ និងកាត់សក់របស់ខ្លួនលក់ទៅឲ្យឈ្មួញដែលដើរទិញដើម្បីបានប្រាក់យកមកទិញអង្ករ
ម្ហូប ដើម្បីចិញ្ចឹមជីវិតរបស់ខ្លួន ដែលកំពុងតែរស់នៅដោយការស្រែកឃ្លាននោះ ។
ស្ត្រីទាំងនោះបានបញ្ជាក់ថាពួកគាត់គឺស្រលាញ់សក់របស់ពួកគាត់ណាស់
ពួកគាត់ក៏មិនចង់ធ្វើ បែបនេះដែរ តែដើម្បីក្រពះគាត់ត្រូវតែលះបង់
ហើយថាប្រសិនបើសក់គាត់ដុះបានវែងគាត់និង កោ កាត់ លក់ទៀត
ព្រោះពូកគាត់គ្មានជំរើសអ្វីផ្សេងនោះទេ ដោយសារតែនៅទីនោះពួកគាត់
មិនអាចប្រកបរបរអ្វីបាន ឆ្ងាយពីទីប្រជុំជន ហើយក៏ជាកន្លែងដែលគ្មានទឹកគ្មាន គ្មានភ្លើងថែមទៀតផង
ពិបាករស់នៅខ្លាំងណាស់ កូនចៅរបស់ពួកគាត់ក៏មិនបានចូលរៀនត្រូវបោះបង់ចោលការសិក្សារៀនសូត្រ
ហើយពួកគាត់មិនដឹងថាទៅថ្ងៃអនាគត់វាសនា និងជីវិតរបស់ពួកគេនិងក្លាយទៅជាយ៉ាងណានោះទេ
។
គាត់ថាកាលពីពួកគាត់រស់នៅក្នុងតំបន់សហគមន៏បូរីកីឡា គឹពួកគាត់មានជីវភាពសមរម្យ
ព្រោះ
ពួកគាត់អាចរកស៊ីចិញ្ចឹមជិវិត និងក្រុមគ្រួសាររបស់គាត់បាន
ណាមួយកូនចៅគាត់ក៏បានទៅរៀន
សូត្របានគ្រប់គ្នាផងដែរ តែឥលូវគឺពិបាក ដែលពួកគាត់រកពាក្យអ្វីយកមកថ្លែងមិនបាននោះទេ
។
ក្រុមស្ត្រីសហគមន៏បូរីកីឡាទាំងនោះ បានឲ្យដឹងបន្តរទៀតផងដែរថា ក្នុងការដែលគាត់លក់សក់
នោះ គឺមិនពិបាកនោះឡើយ មិនពិបាកត្រូវបានពួកគាត់បញ្ជាក់ថាគឺមានក្រុមស្ត្រីជនជាតិយួន
ដែលមកពីរាជធានីភ្នំពេញ គេបានជិះម៉ូតូមករកទិញសក់ដល់កន្លែងដែលពួកគាត់រស់នៅតែម្តង
ហើយពួកគេតែងតែមកកន្លែងដែលពួកគាត់រស់នៅនេះរាល់១ខែ ឬ២ខែម្តងជាប្រចាំ ។
ពួកគាត់បានបន្តរថាការលក់សក់នេះគឺទៅតាមប្រភេទសក់ ប្រសិនបើសក់ក្រាស់វែងត្រឹមចង្កេះ
គឺពួកគាត់លក់បានក្នុងតម្លៃ៣០ម៉ឺនរៀល ប្រសិនបើសក់ស្តើងវិញគឺលក់បានត្រឹមតែ១០ម៉ឺ
៥ម៉ឺន ឬ២ទៅ៣ម៉ឺនរៀល តាមសក់វែងខ្លី ។
សូមជំរាបផងដែរថា ប្រជាពលរដ្ឋអតីតតំបន់បូរីកីឡាដែលត្រូវទទួលរងនូវការវាយធ្វើបាប
និងឈួសឆាយបំផ្លាញផ្ទះសម្បែង ហើយត្រូវបានក្រុមហ៊ុន ផានអ៊ីមិច របស់លោកស្រី ស៊ុយ
សុផាន យកមកចាក់ចោលនៅតំបន់ភ្នំបាត ស្រុកពញាឮ ខេត្តកណ្តាល ដែលតំបន់ដាចស្រយាលមានចំនួន១៣៣គ្រួសារ
និងនៅមានប្រជាពលរដ្ឋចំនួន៣៤គ្រួសារទៀត ដែលមិនទាន់ត្រូវបានទទួលចំណែកដីឲ្យបានត្រឹមត្រូវនៅទីនោះនៅឡើយនោះទេ
។
លោកស្រី លី ស្រីវីណា តំណាងរាស្រ្តរបស់គណបក្ស សម រង្ស៊ី
មណ្ឌលភ្នំពេញបានលើកឡើង ថាអ្វីដែលក្រុមស្រី្តអតីតសហគមន៏បុរីកីឡា
ដែលរស់នៅតំបន់ភ្នំបាត ក្នុងស្រុកពញឮ ខេត្តកណ្តាល បានធ្វើចំពោះការកាត់ កោ
សក់លក់ទៅឲ្យឈ្មួញយួនបែបនេះ គឺមកពីពួកគាត់គ្មានជំរើស ក្នុងការប្រកបមុខរបរ ហើយវាជាទង្វើចុងក្រោយរបស់ពួកគាត់
លោកស្រីបានបន្ថែមទៀត ថា ល្មមដល់ពេលក្រុមហ៊ុន និងរដ្ឋាភិបាលរបស់លោក ហ៊ុន សែន បើកភ្នែកមើលពួកគាត់ហើយមិនត្រូវបិទភ្លែក
ធ្វើមិនដឹង មិងឮរបៀបនេះតទៅទៀតនេះទេ ។
ជាការពិតលោក ហ៊ុន សែន នាយករដ្ឋមន្រ្តីខ្មែរគឺធ្លាប់បានប្រកាសរួចមកហើយថា
រដ្ឋាភិបាល របស់លោកគឺមិនទុកឲ្យប្រជាពលរដ្ឋរូបណា ស្លាប់ដោយសារតែការអត់បាយ
និងត្រូវជាប់ទោស ទណ្ឌ គុកច្រវ៉ាក់ ដោយសារតែរឿងទំនាស់ដីធ្លីនោះឡើយ
តែកន្លងមកគេតែងតែសង្កេតឃើញថា ប្រជាពលរដ្ឋមួយចំនួនគឺបានដាច់បាយ
ហើយក៏ធ្លាប់មានអ្នកស្លាប់ដោយសារអត់អាហារនេះផង ដែរ
ហើក៏មានប្រជាពលរដ្ឋខ្លះបានហូបមើមក្តួចជំនួសបាយ ប្រការទាំងអស់នេះគឺបណ្តាលមកពីពូកគាត់គ្មានប្រាក់
សំរាប់យកទៅទិញអង្ករ ម្ហូប សម្រាប់ទទួលទាន ។ ហើយមួយវិញទៀតក៏មានប្រជាពលរដ្ឋរាប់រយនាក់ក៏ត្រូវបានរដ្ឋាអំណាចរបស់លោក
ហ៊ុន សែន ចាប់ដាក់គុកប្រវ៉ាក់ និងមានចាញ់ឲ្យស្លាប់ ក្នុងរឿងទំនាស់ដីធ្លីផងដែរ
មិនឃើញមានការអន្តរគមន៏ឲ្យមានប្រសិទ្ធភាពម្តងណាពីសំណាក់ រដ្ឋាភិបាលរបស់លោក ហ៊ុន
សែន នោះឡើយ គឺមានន័យថារាល់ការប្រកាសរបស់លោក ហ៊ុន សែន
គ្រាន់តែធ្វើឲ្យល្អមើលតែប៉ុណ្ណោះ ។
គួរជំរាបជូនផងដែរថា កាលពីថ្ងៃទី០៣ ខែមករា ឆ្នាំ២០១២
គ្រឿងចក្រជាច្រើនគ្រឿងរបស់ ក្រុមហ៊ុន ផាន អ៊ីម៉ិច ដែលមានលោកស្រី ស៊ុយ សុផាន ជានាយកក្រុមហ៊ុន
រួមទាំងសមត្ថកិច្ចរបស់រដ្ឋាភិបាល លោក ហ៊ុន សែន
ផងនោះបានធ្វើការឈូសឆាយបំផ្លាញលំនៅដ្ឋានរបស់ប្រជាពលរដ្ឋសហគមន៏បូរីកីឡា ជាង២០០គ្រួសាររហូតដល់មានការប៉ះទង្គិចគ្នារវាងប្រជាពលរដ្ឋនិងកម្លាំងមានសមត្ថកិច្ចចំរុះ
របស់អាជ្ញាធររាជធានីភ្នំពេញ ហើយប្រជាពលរដ្ឋចំនួន១៣៣គ្រួសារត្រូវបានពួកគេបង្ខំ
ដឹកយកមកចាក់ចោលនៅតំបន់ភ្នំបាត ស្រុកពញាឮ ខេត្តកណ្តាលនៅថ្ងៃបន្ទាប់យ៉ាងទាន់ហន់ជាទីបំផុត
។
សូមរំលឹកផងដែរថាកាលពីឆ្នាំ២០០៣ រដ្ឋាភិបាលរបស់លោក ហ៊ុន សែន
បានអនុញ្ញាត្តិឲ្យក្រុម ហ៊ុន ផាន អ៊ីម៉ិច របស់លោកស្រី ស៊ុយ សុផាន ធ្វើការភិវឌ្ឍន៏នៅលើផ្ទៃដី៤,៩ហិតា
ដែលមាន ទីតាំងនៅក្នុងបូរីកីឡា ដោយឲ្យសង់ជាអគារលំនៅដ្ឋានចំនួន១០
ដែលមានកំពស់៦ជាន់លើផ្ទៃដី ២ហិតាជូនប្រជាពលរដ្ឋក្រីក្រដែលរស់នៅក្នុងសហគមន៏បូរីកីឡាចំនួន១៧៧៦គ្រួសារ
ជាថ្នូរទៅ និងដីដែលនៅសល់ចំនួន២,៩ហិតា សម្រាប់ឲ្យក្រុមហ៊ុន ផាន អ៊ីម៉ិច
ធ្វើការអភិវឌ្ឍន៏ជាលក្ខណះ ឯកជន ។
គួរជំរាបជូនផងដែរថា ប្រជាពលរដ្ឋរស់នៅទីក្រុងភ្នំពេញដែលត្រូវបានគេបណ្តេញចេញមានដូច
ជា សហគមន៏បូរីកីឡា សហគមន៏ដីក្រហម ក្រុម៧៨ សហគមន៏បឹងកក់ គឺពួកគាត់បានបាត់បង់
លំនៅដ្ឋានដែលពួកគាត់ធ្លាប់តែរស់នៅកណ្តាលទីក្រុងភ្នំពេញ មានការងារធ្វើ និងមុខរបរសម្រាប់រកស៊ី
កូនចៅបានទៅសិក្សារៀនសូត្រគ្រប់គ្នា តែពេល បច្ចប្បន្ននេះពួកគាត់ទាំងអស់នោះគឺមានតែបាតដៃទទេ
កូនចៅត្រូវបោះបង់ចោលការសិក្សារៀនគ្រប់គ្នា ហើយពួកគាត់រស់នៅកឺពិបាកជាងស្លាប់ទៅទៀត
។
អ្វីដែលបានរៀបរាប់ ទាំងអស់ខាងលើនេះគឺ ក្រោមស្នាដៃអភិវឌ្ឍន៏ និងគ្រប់គ្រងរបស់រដ្ឋាភិបាល
លោក ហ៊ុន សែន ដែលធ្វើឲ្យប្រជាពលរដ្ឋរស់នៅគ្មានអ្វីក្រៅតែអំពី ការវិនាសហិនហោចទ្រព្យសម្បត្តិ
ការបាត់បង់ដីធ្លី ផ្ទះសម្បែង បែបបាក់ក្រុមគ្រួសារ និងត្រូវមានទោសជាប់គុកច្រវ៉ាក់នោះ
ហើយប្រជាពលរដ្ឋស្គាល់តែពាក្យខ្លៅ ខ្លាច ហើយនិងឃ្លានតែប៉ុណ្ណោះ
ខុសពីរដ្ឋាភិបាលើគេដ៏ទៃ
ដែលជានិច្ចជាកាលគឺគេយកចិត្តទុកដាក់ខ្លាំងបំផុតសម្រាប់ប្រជាពលរដ្ឋរបស់គេ
ហើយគេធ្វើការ អភិវឌ្ឍន៏ក៏សើម្បីរាស្រ្តនិងប្រទេសជាតិរបស់គេផងដែរ
មិនដូចរដ្ឋាភិបាលរបស់លោក ហ៊ុន សែន ដែលធ្វើសម្រាប់តែក្រុមគ្រួសារខ្លួន បក្ខពួកខ្លួន
និងឈ្មួញទុច្ចរឹតលិខខូចនោះ ។ ដែលធ្វើ ឲ្យប្រទេសកម្ពុជា
ស្នើតែរលាយហិនហោចអស់ទៅហើយនោះ ។
ដូច្នេះប្រទេសម្ចាស់ជំនួយ និងសហគមន៏អ៊ឺរ៉ុប សូមជួយចាត់វិធានការ
និងដាក់គំនាបមកលើរដ្ឋា ភិបាលរបស់លោក ហ៊ុន សែន ឲ្យបានខ្លាំងបើមិនដូចនោះទេ ពលរដ្ឋ
និងប្រទេសកម្ពុជាពិតជាធ្លាក់ចូលទៅក្នុងភាពក្រីក្រដែលមិនអាចងើបមុខរួចនោះឡើយ
ហើយទ្រព្យសម្បត្តិប្រទេសជាតិ និងត្រូវវិនាសហិនហោចអស់ជាក់ជាមិនខាន ៕
No comments:
Post a Comment
yes