ឥទ្ធិពលនៃវិបត្តិសេដ្ឋកិច្ច ភាពក្រីក្រ និងការគ្មានដីធ្លី បណ្តាលឲ្យប្រជាពលរដ្ឋខ្មែរ ធ្វើចំណាកស្រុកស្វែងរកកាងារនៅក្រៅប្រទេសទាំងប្រថុយប្រថាន

ឥទ្ធិពលនៃវិបត្តិសេដ្ឋកិច្ចបានធ្វើឲ្យប៉ះពាល់យ៉ាងខ្លាំងដល់ស្ថានភាពរស់នៅរបស់ប្រជា​ពលរដ្ឋ​ខ្មែរ ដែលកំពុងប្រឈមទៅនឹងស្ថានភាពក្រី​ក្រ ​ ការបាត់ដីធ្លី ផ្ទះសម្បែង ដោយសារការ​រំ​លោភ​​យក​ពីសំណាក់ឈ្មួញទុច្ចរឹត ដែលទទួលបានការសម្បទាន ឬវិនិយោគពី​រដ្ឋាភិបាល​លោក ហ៊ុន សែន ។

ការអសមត្ថភាពរបស់រដ្ឋាភិបាល ក្នុងការស្វែងរកការងារធ្វើជូនប្រជាពលរដ្ឋ បានធ្វើឲ្យ​ពួក​គាត់​ស្វែងការងារធ្វើទាំងប្រថុយប្រថាន​ គ្រប់ច្រកល្ហកដើម្បីរកថវិការ​យកមកទ្រទ្រង់ជីវភាព​គ្រួសារ​និងការរស់នៅឲ្យបានសមរម្យដោយមិនគិតពីបញ្ហាគ្រោះថ្នាក់នោះឡើយ ។

ទាក់ទងទៅនិងការធ្វើចំណាកស្រុកនេះតំនាងរាស្រ្តរបស់គណបក្ស សម រង្ស៊ី ធ្លាប់បាន​មាន​ប្រសាសន៏ថា ការសម្រេចចិត្តរបស់ប្រជាពលរដ្ឋក្នុងការចេញទៅរកការងារធ្វើនៅក្រៅប្រទេស​ ព្រោះដោយសារតែពួកគាត់គ្មានជំនឿលើរដ្ឋាភិបាលសព្វថ្ងៃ ក្នុងការ​ស្វែងរកការងារធ្វើ​ជូនពួក​គាត់ ហើយអ្នកវិនិយោគគេក៏មិនហ៊ានចូលមករកស៊ីនៅក្នុង​ខ្មែរផងដែរ​ដោយសារតែ​អំពើ​ពុក​រលួយ ការិយាធីបតេយ្យ បានកើតមានឡើងយ៉ាងពេញបន្ទុក និងការយកពន្ធខ្ពស់ក្នុងការនាំ​ចូលផលិតផលពីក្រៅប្រទេសមកក្នុងស្រុក ។

ហើយការដែលប្រជាពលរដ្ឋប្រថុយប្រថាន ធ្វើចំណាកស្រុក ទៅក្រៅប្រទេសបែបនេះពួគគាត់ គឺមានផលលំបាកជាច្រើន អ្នកខ្លះឆ្លងដែនដោយខុសច្បាប់​ចូលទៅទឹកដីថៃ ត្រូវបានទាហ៊ាន ថៃ ចាប់ហើយនិងចាញ់សម្លាប់ចោលស្លាប់ដូចជាសត្វធាតុ អ្នកខ្លះត្រូវបានថៅកែ​ បង្ខំឲ្យធ្វើការ​ហួសកំលំាងគ្មានពេលសំរាក ធ្លាក់ខ្លួនឈឺមិនបានទទួលការព្យាបាលឲ្យបានដិតដល់ ការធ្វើ​ទារុណ​កម្មវាយដំជាដើម ។ ការបើកប្រាក់ខែមិនគ្រប់​ចំនួន ឬអ្នកខ្លះត្រូវបានថៅ​កែបោកប្រាស់​

សូម្បីតែមួយរៀលក៏មិនបាន និងខ្លះទៀតត្រូវបានគេចាប់ដាក់គុក និងការបង្ខំឲ្យធ្វើការងារ​បន្ត

អាណត្តិដោយខុសច្បាប់និងផ្តាច់ទំនាក់ទំនងជាមួយក្រុមគ្រួសារជាដើម។

បើយោងតាមរបាយការណ៏របស់សមាគមន៏អាដហុក បានបង្ហាញថា គិតចាប់ពីខែមករា ដល់​ខែមេសា ឆ្នាំ២០១២ មាន​ពាក្យបណ្តឹងទាក់ទងនិងការរំលោភសិទ្ធពលករ ពលការិនីដែលបាន​ធ្វើចំណាកស្រុកស្របច្បាប់មានចំនួន១៣៤ករណីស្មើនឹង៩៤ភាគរយ ដែលក្នុងនោះ​មាន​បណ្តឹង​ពីក្រុមគ្រួសារជនរងគ្រោះពលការិនី ដែលទៅធ្វើការនៅប្រទេសម៉ាឡេស៊ី ធ្វើជាអ្នក​បំរើ​តាមផ្ទះមានចំនួន១១៨ករណីស្មើនឹង៨៨.០៥ភាគរយ ដែលភាគច្រើនគឺជាស្ត្រី​មានចំនួន​យ៉ាង​យោចណាស១១៨នាក់ ដែលកំព​ង់បំរើការងារតាមផ្ទះនៅម៉ាឡេស៊ី។​ក្រៅពីធ្វើចំណាក​ស្រុក​ទៅប្រទេសម៉ាឡេស៊ី ក៏មានពលករខ្មែរមួយចំនួនទៀតប្រមាណ១៦ករណី​ស្មើ១១.៩៩​ភាគរយ​នៃករណីទាំងអស់បានឆ្លងដែន​ទៅធ្វើការជាកម្មករនេសាទ​នៅលើសមុទ្រដែលមានដូចជា​ ប្រទេសជប៉ុន(៣ករណី).ចិន(១ករណី).អាហ្វ្រិកខាងត្បូង(៥ករណី)បារាំង(១ករណី).សាំហ្គាពួ(១ករណី)ប្រទេសមីក្រូនេស៊ីយ៉ា(១ករណី)។នេប៉ាល់(១ករណី)និងប្រទេសផ្សេងទៀតមាន(៣ករណី)។

យោងតាមរបាយការណ៏សមាគមន៏អាដហុកដដែល ក៏បានបង្ហាញពីចំនួនពលករ ពលការិនី​ដែល​ធ្វើចំណាកស្រុកមិនស្របច្បាប់ នៅតាមបណ្តាប្រទេសមួ​​យចំនួនដោយគ្មាន​ការអនុញ្ញាត​ដែលចំបាច់ពលករ ពលការិនីទាំងនោះតម្រូវឲ្យមានឯកសារ​ក្រោមបទប្បញ្ញត្តិអន្តោប្រវេសន៏

។នៅក្នុងអំឡុងពីខែមករា ដល់ខែមេសា ឆ្នាំ២០១២ អាដហុក បានទទួលបណ្តឹងនិង​អន្តរាគម​ន៏លើករណីពលករ ពលការិនី ចំណាកស្រុកទៅតាមឈ្មួញដោយមិនស្របច្បាប់​មានចំនួន​៧ករណីស្មើ៥.៣៨ភាគរយ នៃចំនួនករណីចំណាកស្រុកទាំងអស់ដែលមានពលករ ពលការិនី

យ៉ាងយោចណាស់ចំនួន៨១នាក់(ស្រ្តី២៨នាក់.បរុស៥៣នាក់)ដែលភាគច្រើន ជាការធ្វើ

ចំ​​ណាក​ស្រុកមិនស្របច្បាប់ទៅប្រទេសថៃ .ឬឆ្លងកាត់ប្រទេសថៃ​ទៅធ្វើការ​នៅប្រទេស​ផ្សេង​ដែលធ្វើឡើង​តាមរយៈការអូសទាញរបស់មេខ្យល់ ឬតាមអ្នកដែលធ្លាប់ឆ្លង​ដែនទៅក្រៅប្រ

ទេស​ ឬជា​ការប្រថុយប្រថានសម្រេចចិត្តដោយខ្លួនឯង ព្រោះរដ្ឋាភិបាលអសមត្ថភាពក្នុងការ

រកការងារធ្វើជូនពួកគាត់ ។

ជុំវិញករណីខាងលើនេះ គណបក្ស សម រង្ស៊ី ក៏ដូចជាមន្រ្តីអង្គការក្រៅរដ្ឋាភិបាល​គឺធ្លាប់​បាន​ជំរុញយ៉ាងសន្ធាប់ឲ្យរដ្ឋាភិបាល ធ្វើការអនុវត្តច្បាប់ស្តីពីសន្តិសុខសង្គម ឲ្យមានប្រសិទ្ធិភាព​និងពង្រឹងការទទួលខុសត្រូវឲ្យបានខ្ពស់ ជាពិសេសគឺត្រូវតែផ្តន្ទាទោសចំពោះភ្នាក់ងារ ឬក្រុម​ហ៊ុន និងបុគ្គលណាំ ដែលធ្វើល្មើសទៅនិងច្បាប់ដែលមានចែងជាធរមាន ។

ទាំងអស់នេះគឺជាកំហុសរបស់រដ្ឋាភិបាលទាំងស្រុង ដោយមិនគិតពីការរស់នៅរបស់ប្រជា ពលរដ្ឋ គិតតែពីផលប្រយោជន៏របស់ខ្លួនជាធំ និងជារដ្ឋាភិបាលដែលគ្មានសមត្ថភាពសូម្បីតែ បន្តិចក្នុងការដោះស្រាយបញ្ហាការងារជូនប្រជាពលរដ្ឋ ។ គណបក្ស សម រង្ស៊ី ធ្លាប់បានប្រ កាសហើយថា នៅពេលដែលគណបក្ស សម រង្ស៊ី ជាប់ឆ្នោតគ្រប់គ្រងប្រទេសគណបក្ស សម រង្ស៊ី មានសមត្ថភាពគ្រប់គ្រាន់ក្នុងការរកការងារជូនប្រជាពលរដ្ឋ និងនាំអ្នកវិនិយោគល្អៗ ចូល មកបណ្តាក់ទុននៅក្នុងប្រទេសកម្ពុជា ព្រោះគណបក្ស សម រង្ស៊ី មានថ្នាក់ដឹកនាំដែលមានជំ នាញពិតប្រាកដ ច្បាស់លាស់ក្នុងវិស័យសេដ្ឋកិច្ច និងពាណិជ្ជកម្ម ដែលជាការងាយស្រួលក្នុង ការស្រូបយកអ្នកវិនិយោគធំៗពីក្រៅប្រទេស ។ ពេលនោះហើ ប្រជាពលរដ្ឋខ្មែរ និងលែងលំ បាកវេទនា ចេញទៅរកការងារធ្វើទាំងប្រថុយប្រថាននៅក្រៅប្រទេសទៀត ។ ដូចនេះ ដើម្បី​អនាគត់របស់បងប្អូន និងការរីកចំរើនជឿនលឿនរបស់ប្រជាតិសូមបងប្អូនចូលរួមជាមួយនិង គណបក្ស សម រង្ស៊ី ហើយនៅថ្ងៃបោះឆ្នោតថ្នាក់ជាតិនៅខែកក្កដា ឆ្នាំ២០១៣ សូមបោះឆ្នោត ជូនគណបក្ស សម រង្ស៊ី ទាំងអស់គ្នា ។ ហើយសូមឈប់ចាញ់បោកល្បែងនយោបាយប្រជាភិ ថុតិរបស់គណបក្សប្រជាជនទៀត និងឈប់ចាញ់បោកអំណោយបន្តិចបន្ទួច លុយ សារុង ប៉ីចេង អង្ករ ទឹកត្រី ទឹកស៊ីអ៊ីវជាដើម រយៈពេលប្រាំឆ្នាំយើងអាចរកបានលើសនោះរាប់ពាន់ រាប់លានដងទៅទៀត ។ ហើយប្រសិនបងប្អូនចាញ់បោកទទួលយកតាមការលួងលោម យក អំណោយទាំងនេះ បងប្អូនពិតណាស់និងទទួលរងទុក្ខវេទនាដូចពេល​សព្វថ្ងៃនេះ រយៈពេល​ប្រាំឆ្នាំទៀតជាក់ជាមិនខាន ។ ដូច្នេះសូមបោះឆ្នោតជូនគណបក្ស សម រង្ស៊ី នៅឆ្នាំ២០១៣ ដើម្បីយើងទាំងអស់គ្នា និងប្រទេសជាតិ ៕