លោក កែវ រ៉េមី អនុប្រធានអង្គភាពព័ត៌មាន និងប្រតិកម្មរហ័សរបស់ទីស្តីការគណៈរដ្ឋមន្ត្រី បានធ្វើសន្និសីទការសែទមួយនៅព្រឹកថ្ងៃសុក្រនេះនៅ ទីស្តីការគណៈរដ្ឋមន្ត្រី ដោយបានច្រានចោលការចោទប្រកាន់របស់លោក ប្រេន អាដាម ដែលបានចោទប្រកាន់លោកនាយករដ្ឋមន្ត្រី ហ៊ុន សែន ថា បានកាន់អំណាចផ្តាច់ការ និងកាន់អំណាចយូរ។ លោក កែវ រ៉េមី មានប្រសាសន៍ថា ការចោទប្រកាន់របស់លោក អាដាមនេះ ធ្វើឡើងគ្រាន់តែជាការសងសឹកតែប៉ុណ្ណោះ ដើម្បីឲ្យកម្ពុជាវឹកវរទៅរកភាពអន្តរាយ។
លោកកែវ រ៉េមីពន្យល់ថា កម្ពុជាប្រកាន់របបប្រជាធិបតេយ្យ សេរីពហុបក្ស តាមរយៈការបោះឆ្នោត។ គណបក្សឈ្នះឆ្នោតជាអ្នកជ្រើសរើសបេក្ខភាពនាយករដ្ឋមន្ត្រី ដើម្បីសុំការទុកចិត្តពីរដ្ឋសភា ហើយរបបសភានិយមគ្មានការកំណត់អាណត្តិរបស់នាយករដ្ឋមន្ត្រីទេ។ លោកបន្តថា កម្ពុជាក៏មានសេរីភាពសារព័ត៌មានសេរីដែលបក្សប្រឆាំងអាចប្រើប្រាស់ សារព័ត៌មានលោកខាងលិចជាខេមរភាសាដើម្បីរិះគន់រដ្ឋាភិបាលដោយសេរី។ ការស្ទង់មតិថ្មីៗនេះបង្ហាញថា លោកនាយករដ្ឋមន្ត្រីមានប្រជាប្រិយភាពលើសលប់ទៅលើគណពក្សប្រឆាំង។ ដូច្នេះ វាមិនដូចជាអ្វីដែលលោកប្រេត អាដាមចោទប្រកាន់នោះឡើយ។
ឯកអគ្គរាជទូតខ្មែរប្រចាំនៅចក្រភព អង់គ្លេស ក៏បានបញ្ចេញប្រតិកម្មបែបនេះដែរកាលពីថ្ងៃព្រហស្បតិ៍ ទី០៧ ខែមិថុនា ដោយថែមទាំងបាន ថ្កោលទោសអត្ថបទរបស់លោក ប្រេន អាដាម ដែលបានរិះគន់ឥតសំចៃមកលើប្រមុខរដ្ឋាភិបាលកម្ពុជា។ គឺជាការរិះគន់ ទៅលើឆន្ទៈរបស់ប្រជាពលរដ្ឋកម្ពុជាដែលបានបោះឆ្នោតជូនគណបក្សប្រជាជន កម្ពុជា យ៉ាងច្រើនលើសលប់នៅក្នុងការបោះឆ្នោតក្រុមប្រឹក្សាឃុំ-សង្កាត់ កាលពីថ្ងៃទី៣ មិថុនា កន្លងទៅនេះ។ ស្ថានទូតកម្ពុជា ប្រចាំប្រទេស ដាណឺម៉ាក ហ្វាំងឡង់ អៀរឡង់ ន័រវ៉េស អេព្យូពី និងសហភាពអាហ្វ្រិក ក៏បានបញ្ចេញប្រតិកម្មការពាររដ្ឋាភិបាលកម្ពុជា និងបានថ្កោលទោសចំពោះអត្ថបទដ៏គំរោះគំរើយរបស់លោក ប្រេត អាដាម ដែលបានវាយប្រហារមកលោកនាយករដ្ឋមន្ត្រី ហ៊ុន សែន តាមរយៈកាសែត The International Herald Tribune៕
គេហទំព័រថ្មីៗ
No comments:
Post a Comment
yes