គណបក្ស សម រង្ស៊ី បដិសេធការប្រកាសលិទ្ធផលបោះឆ្នោតឃុំ-សង្កាត់អាណត្តិទី៣ ព្រោះជាការបោះឆ្នោតដែលពោរពេញទៅដោយភាពមិនប្រក្រតី

កាលពីថ្ងៃអាទិត្យទី២៤ ខែមិថុនា ឆ្នាំ២០១២ គណកម្មាធិការជាតិរៀបចំការបោះឆ្នោត ( គ.ជ.ប )

បានធ្វើការប្រកាសលទួ្ធផលបោះឆ្នោតឃុំ-សង្កាត់ អាណត្តិទី៣ បន្ទាប់ពីការបោះឆ្នោតបានកន្លង ផុតទៅជិតមួយខែ ពី​ចំនួន​សំឡេងឆ្នោត​របស់​គណបក្ស​នយោបាយ​និមួយៗ ចំនួន​អាសនៈ និង​តំណែង​ជា​មេឃុំ​ចៅសង្កាត់ ជំទប់​ទី​១ ជំទប់​ទី​២ ក៏ដូចជាសមាជិកក្រុមប្រឹក្សាឃុំ-សង្កាត់ជាដើម ។

ការប្រកាសលទ្ធផលបោះឆ្នោតឃុំ-សង្កាត់ នៅពេលនេះគឺដើម្បីបញ្ជាក់ពីលទ្ធផលពិតប្រាកដនៅ ទូទាំងប្រទេសអំពីចំនួនអសនៈរបស់គណបក្សនយោបាយដែលបានចូលរួមក្នុងការបោះឆ្នោតនា ពេលកន្លងមក ។ បើយោងតាមលទ្ធផលបណ្តោះអាសន្នដែល គ.ជ.ប បានធ្វើការប្រកាសនា ពេលកន្លងមកបានបង្ហាញឲ្យដឹងថា គណបក្សប្រជាជនទទួលបានចំនួន៨.២៨៣អាសនៈ គណ បក្ស សម រង្ស៊ី ទទួលបានចំនួន២.១៥៥អាសនៈ គណបក្សសិទ្ធិមនុស្សទទួលបានចំនួន៨០០អា សនៈ គណបក្សហ្វ៊ុនស៊ិនប៉ិចទទួលបានចំនួន១៦០អាសនៈ និងគណបក្សនរោត្ដម រណឫទ្ធិ ទទួល​បានចំនួន៥៣អាសនៈ ក្នុងចំណោអាសនៈទាំងអស់ចំនួន១១.៤៥៩ ដោយឡែកគណបក្ស នយោបាយចំនួន៦ផ្សេងទៀត ដែលបានចូលរួមក្នុងការបោះឆ្នោតឃុំ-សង្កាត់ នាពេកកន្លង​មក​នេះ​ មិនទទួលបានចំនួនអាសនៈនៅក្នុងឃុំ-សង្កាត់នោះទេ ។

បើទោះបីជាការប្រកាសលទ្ធផលបោះឆ្នោតកាលពីថ្ងៃអាទិត្យ ទី២៤ ខែមិថុនា ឆ្នាំ២០១២ ថាជា​ការបង្ហាញលទ្ធផលពិតប្រាកដជាក់ស្តែងពីការបោះឆ្នោតឃុំ-សង្កាត់ កន្លងទៅក៏ដោយ ក៏គណ បក្ស សម រង្ស៊ី មន្រ្តីអង្គការក្រៅរដ្ឋាភិបាល មន្រ្តីអង្គការឃ្លាំមើលការបោះឆ្នោត អ្នកតាមដាន ស្ថានការណ៏នយោបាយនៅក្នុងប្រទេសកម្ពុជា និងប្រជាពលរដ្ឋភាគច្រើនគឺធ្លាប់បានធ្វើការប្រ កាសហើយថា ពួកគាត់មិនអាចទទួលយកបានទេនូវការបោះឆ្នោតមួយនេះ ការប្រកាសបដិ សេធបែបនេះគឺបន្ទាប់ពីការបោះឆ្នោតត្រូវបានបញ្ចប់ហើយភ្លាម ដោយគេបានមើលឃើញថាការ បោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៣នេះ គឺពោពេញទៅដោយការលួចបន្លំ និងការបង្ករបញ្ហារំខានដល់ប្រជាពលរដ្ឋដែលជាម្ចាស់ឆ្នោត និងមានភាពមិនប្រក្រតីជាច្រើនបាន កើតមានឡើងនៅក្នុងអំឡុងពេលបោះឆ្នោតនោះ ។

លោក យឹម សុវណ្ណ អ្នកនាំពាក្យ និងជាតំណាងរាស្រ្តរបស់គណបក្ស សម រង្ស៊ី កាលពីពេល កន្លងទៅ លោកបានធ្វើការប្រកាសជាសាធារណៈហើយថា គណបក្ស សម រង្ស៊ី មិនអាចទទួល​យកបានទេនូវការបោះឆ្នោតមួយនេះ ព្រោះជាការបោះឆ្នោតដែលពុំបាន​បង្ហាញពីភាពស្មើគ្នា សេរី យុត្តិធម៌ និងត្រឹមត្រូវ ។

ការច្រានចោលនិងមិនទទួលស្គាល់នូវលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៣នេះ ត្រូវបានលោក យឹម សុវណ្ណ លើកឡើងថា គឺបណ្តាលមកពីគណបក្ស សម រង្ស៊ី មិនមានវត្តមានប្រធានបក្សនៅក្នុងស្រុកក្នុងការបោះឆ្នោត ដោយឡែកគណ​បក្ស​ដទៃ​គឺមានវត្តមានប្រធានបក្សរបស់ខ្លួននៅក្នុងស្រុកសម្រាប់ការចូលរួមឃោសនារកសម្លេងឆ្នោត ក៏ដូចជាការចូលរួមក្នុងការបោះឆ្នោត ។

លោក យឹម សុវណ្ណ ក៏បានរំលឹកផងដែរថា ការពុំមានវត្តមានប្រធានគណបក្ស សម​រង្ស៊ី នៅក្នុង​ស្រុកគឺបណ្តាលមកពីគណបក្សកាន់អំណាចបានប្រើប្រាស់ប្រពន្ធតុលាការកាត់ទោស ឲ្យលោក សម​ រង្ស៊ី មានទោសយ៉ាងអយុត្តិធម៌ក្នុងសំណុំរឿងដកបង្គោលព្រំដែនឈ្លានពាននៅក្នុងភូមិកោះ ក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង ដែលជាហេតុធ្វើឲ្យលោក សម រង្ស៊ី ត្រូវ បង្ខំចិត្តរស់នៅនារទេសខ្លួន​ក្រៅ​ប្រ​ទេស ។ មួយទៀតគឺប្រព័ន្ធឃោសនា ពុំមានភាពស្មើគ្នារវាង​គណបក្សកាន់អំណាច និងគណបក្សប្រឆាំង ។

លោក យឹម សុវណ្ណ ក៏បានបន្តរទៀតផងដែរថា  កាលពីឆ្នាំ២០០៣សហគមន៏អឺរ៉ុប និងអង្គការ សង្គមស៊ីវិលបាននិយាយថា គណកម្មាធិការជាតិរៀបចំការបោះឆ្នោតដែលមានលោក អ៊ឹម សួស្តី ជាប្រធាន និងលោក ទេព នីថា ជាអគ្គលេខាធិការនេះគឺធ្វើដោយមិនមានឯករាជ្យ ហើយនៅ ពេលដែលរៀបចំការបោះឆ្នោតលើកណាក៏មានបញ្ហាផងដែរ រហូតមកដល់ពេលនេះ អ្នកដែល

មិ​ន​មានឈ្មោះបោះឆ្នោតគឺមានការកើនឡើងរហូតដល់១លានកន្លះ ហើយប្រជាពលរដ្ឋប្រមាណ ជាង៤០ភាគរយមិនបានទៅបោះឆ្នោត ។ គណបក្ស សម រង្ស៊ី ដោយមើលឃើញពី​បញ្ហា​នេះ ដដែលជាដដែលហើយគណបក្ស សម រង្ស៊ី បានធ្វើការទាមទារយ៉ាងទទូចឲ្យមានការ​ផ្តាស់ប្តូរ​ថ្នាក់​ដឹកនាំ គ.ជ.ប នេះចេញ ក៏ប៉ុន្តែរហូតមកដល់ពេលនេះគឺគេមិនបានធ្វើតាមការស្នើសុំរបស់​គណ​បក្ស សម រង្ស៊ី ឡើយគឺថ្នាក់ដឹកនាំ គ.ជ.ប នៅដដែល ។

លោក យឹម សុវណ្ណ បន្តរទៀតថា សម្លេងដែលគណបក្ស​ សម រង្ស៊ី ទទួលបាននៅពេលនេះគឺជា សម្លេងពិត ជាសម្លេងដែលគេចផុតពីការលួចបន្លំ គឺជាសម្លេងដែលមិនភ័យខ្លាច មិនចាញ់សម្លុត ។ ហើយលោកបានហៅសម្លេងឆ្នោតដែលគណបក្សប្រជាជនរបស់លោក ហ៊ុន សែន ទួល​បាន​ថាជាសម្លេងសម្លុត សម្លេងលួច សម្លេងទិញ សម្លេងបន្លំ សម្លេងខ្មោច សម្លេងបរទេស រួម​ជា​មួយនិងសម្លេងខ្យល់ ប្រការដូចដែលបានលើកឡើងមកខាងលើនេះហើយ ទើបគណបក្ស សម រង្ស៊ី មិនអាចទទួលយកបានទេនូវលទ្ធផលនៃការបោះឆ្នោតជ្រើរើសក្រុមប្រឹក្សាឃុំ-សង្កាត់ អាណត្តិទី៣នេះ ។

ដោយសារតែបញ្ហាទាំងអស់នេះហើយ គណបក្ស សម រង្ស៊ី មន្រ្តីអង្គការក្រៅរដ្ឋាភិបាល មន្រ្តីអង្គ​ការឃ្លាំមើលការបោះឆ្នោត អ្នកតាម​ដានស្ថានការណ៏នយោបាយ និងប្រជាពលរដ្ឋបាន​ធ្វើការរិះ​គន់ចំៗទៅលើស្ថាប័ន គ.ជ.ប នេះថា គឺជាឧបករណ៏នយោបាយរបស់គណបក្សប្រជាជន ព្រោះ គេបានរៀបចំរួចជាស្រេចគឺធ្វើយ៉ាងណាដើម្បីឲ្យគណបក្សប្រជាជនឈ្នះជានិច្ច ឈ្នះតែឯង និង ឈ្នះជារៀងរហូត ។ តែទោះបីជាមានការរិះគន់ជុំទិសបែបនេះក្តី ក៏ស្ថាប័ន គ.ជ.ប មួយនេះដែល មានលោក អ៊ឹម សួស្តី ជាប្រធាន និងលោក ទេព នីថា ជាអគ្គលេខាធិការនោះមិនខ្ចីខ្លល់អ្វីឡើយ ព្រោះដើម្បីលាភសក្ការៈ បុណ្យស័ក របស់ពួកគេដែលទទួលបានពីការផ្តល់ឲ្យពីសំណាក់លោក ហ៊ុន សែន នាយករដ្ឋមន្រ្តីខ្មែរដ៏ដោះស្លែរ ។

សូមរំលឹកផងដែរថា ភាពមិនប្រក្រតីដែលបានកើតមានឡើងនៅមុនពេលបោះឆ្នោតរួមមាន ការបិទខិតប័ណ្ណឃោសនាបោះឆ្នោតរបស់គណបក្សប្រជាជន នៅជិតការិយាល័យបោះ ឆ្នោត ។

មានមន្រ្តីអាជ្ញាធរមូលដ្ឋានរបស់គណបក្សប្រជាជន ចុះតាមដាននិងអង្កេតនៅក្នុងបរិវេនហាម ឃាត់របស់ការិយាល័យបោះឆ្នោត ។  ប្រធានភូមិ-មេឃុំ-ចៅសង្កាត់ និងមន្រ្តីរបស់​គណបក្សប្រ

ជាជន បានជួលរថយន្តជាមធ្យោបាយ សម្រាប់ដឹកជញ្ជូនប្រជាពលរដ្ឋទៅបោះឆ្នោត ។មន្រ្តីការិ

យាល័យបោះឆ្នោត អនុញ្ញាត្តិឲ្យប្រជាពលរដ្ឋដែលមានតែប័ណ្ណព័ត៌ ដែលគេដឹងថាជា សមាស

ភាពរបស់គណបក្សប្រជាជន មានសិទ្ធិបោះឆ្នោតបាន ។អ្នកមានប័ណ្ណបញ្ជាក់អត្តសញ្ញាណថ្មី

ដែលមិនមានបិទរូបថត ដែលជាសមាសភាពរបស់គណបក្សប្រជាជន ត្រូវបានមន្រ្តីការិយាល័យ

បោះឆ្នោតអនុញ្ញាត្តិឲ្យបោះឆ្នោត ។ប្រជាពលរដ្ឋរកការិយាល័យបោះឆ្នោតមិនឃើញ ដោយត្រូវ

បានគេដូរពីកន្លែង១ទៅកន្លែង ១ ទៀត ដោយមិនបានជូនព័ត៌មានជាមុន ។ការខុសឈ្មោះ ថ្ងៃខែ

ឆ្នាំកំណើត ការមានឈ្មោះស្ទួននៅក្នុងបញ្ជីឈ្មោះអ្នកបោះឆ្នោត ។ការបន្តរចេញលិខិត​បញ្ជាក់

ទំរង់១០១៨ ពីសំណាក់អាជ្ញាធរមូលដ្ឋានរបស់គណបក្សប្រជាជន ។ ការផ្តលលិទ្ធភាពខ្ពស់ដល់ ជនអន្តោប្រវេសន៏យួនបានបោះឆ្នោត ដោយពុំមានឯកសារគ្រប់គ្រាន់ដើម្បីបំប៉ោងសម្លេងឲ្យ គណបក្សប្រជាជន និងភាពមិនប្រក្រតីជាច្រើនទៀត ដែលបានកើតមាន ។

ដូចនេះប្រសិនបើគ្មានការកែប្រែប្រព័ន្ធបោះឆ្នោតទេនោះ ការបោះឆ្នោតនៅក្នុងប្រទេសកម្ពុជា នៅតែគ្មានភាពសេរី ត្រឹមត្រូវ និងយុត្តិធម៌ជារៀងរហូត ។ ប្រទេសម្ចាស់ជំនួយនានា និងអង្គ ការអន្តរជាតិ សហភាពអ៊ឺរ៉ុប សូម​ដាក់គំនាបមកលើរដ្ឋាភិបាលកម្ពុជាឲ្យបានខ្លាំង ដើម្បីឲ្យមាន​កាកែទម្រង់ប្រព័ន្ធបោះឆ្នោតនៅក្នុងប្រទេសកម្ពុជា ដើម្បីឲ្យប្រជាពលរដ្ឋលោកបោះឆ្នោតទៅ តាមឆន្ទះរបស់ពួកគាត់ ។ ជាមួយគ្នានេះគណបក្ស សម រង្ស៊ី ក៏បានធ្វើការអំពាវនាវឲ្យប្រជាពល រដ្ឋទាំងអស់ចូលរួមជាមួយគណបក្ស សម រង្ស៊ី ក៏ដូចជាអ្នកប្រជាធិបតេយ្យ  ដើម្បីយើងបញ្ចប់អំ ណាចផ្តាច់ការនៅក្នុងប្រទេសកម្ពុជា នៅពេលបោះឆ្នោតថ្នាក់ជាតិ ដែលនិងប្រព្រឹត្តទៅនៅ ថ្ងៃទី​២៨ ខែកក្កដា ឆ្នាំ២០១៣ ខាមុខនេះឲ្យបានជាដាច់ខាត ៕