ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងនៅព្រឹកមិញថា ពេលនេះ គ.ជ.ប និងក្រសួងមហាផ្ទៃកំពុងតែពិចារណាបន្ថែមនីតិវិធីយ៉ាងណាដើម្បីកុំឲ្យមេបក្សដែលជាទណ្ឌិតអាចដឹកនាំ និងធ្វើការឃោសនាបោះឆ្នោតបាន។
លោក អ៊ឹម សួស្តី ប្រធាន គ.ជ.ប
លោក អ៊ឹម សួស្តី ប្រធានគណៈកម្មាធិការជាតិរៀបចំការបោះឆ្នោតបានថ្លែងក្នុងសន្និសីទកាសែតឯទីស្នាក់ការកណ្តាល គ.ជ.ប កាលពីព្រឹកមិញថា គ.ជ.ប នឹងសរសេរនីតិវិធីបន្ថែមទាក់ទងនឹងការឃោសនារបស់គណបក្សនយោបាយ ដើម្បីការពារកុំឲ្យមេគណបក្សដែលជាទណ្ឌិត អាចឃោសនា និងដឹកនាំសកម្មភាពគណបក្សតាមរយៈប្រព័ន្ធអេឡិចត្រូចនិចទំនើប។ ហើយថា គ.ជ.ប ក៏ដូចក្រសួងមហាផ្ទៃកំពុងគិតគូរពិចារណាថា តើនឹងត្រូវធ្វើយ៉ាងដូចម្តេច ព្រោះបញ្ហានេះទាក់ទងនឹងច្បាប់ពីរ គឺច្បាប់ទាក់ទងនឹងគណបក្សនយោបាយរបស់ក្រសួងមហាផ្ទៃ និងច្បាប់បោះឆ្នោត។
ការលើកឡើងបែបនេះរបស់លោក អ៊ឹម សួស្តី ត្រូវគេយល់បានថា គឺដើម្បីទប់ស្កាត់លោក សម រង្ស៊ី ប្រធានគណបក្សប្រឆាំងធំក្នុងប្រទេសកម្ពុជាដែលត្រូវតុលាការកាត់ទោសឲ្យជាប់ពន្ធនាគាររាប់ឆ្នាំនោះ មិនឲ្យធ្វើការដឹកនាំគណបក្ស និងធ្វើការឃោសនាបាន ដែលកន្លងមកលោកធ្លាប់ធ្វើតាមរយៈប្រព័ន្ធ Video Conference៕
No comments:
Post a Comment
yes