ផ្ដើមចេញពីថ្ងៃទី១០ដល់ថ្ងៃទី១៣ខែកក្កដា គណៈកម្មាធិការព្រំដែន របស់កម្ពុជា និងយួន បានជួបប្រជុំគ្នាក្នុងទីក្រុងភ្នំពេញ
ដើម្បីធ្វើការកែតម្រូវមាត្រដ្ឋានមួយចំនួននៅលើផែនទីកម្ពុជា ឲ្យស្របទៅនឹងស្ថានភាពជាក់ស្ដែង ខណៈដែលគេដឹងថាមានដីខ្មែររាប់រយគីឡូម៉ែត្រភាគខាងកើតនិងខាងត្បូង ត្រូវបានកាត់កាត់ផ្តាចភ្ជាប់ទៅយួន បន្ទាប់ពីបញ្ចប់ការបោះបង្គោលព្រំដែនដែលធ្វើ
តាមរបៀបលោកចោរស្របច្បាប់ ដោយគ្មានតម្លាភាពនោះក្នុងន័យធ្វើឲ្យដីខ្មែរដែលយួនលួចបាន មានលក្ខណៈស្របច្បាប់ទៅតាមបទដ្ឋាន ។ ប៉ុន្តែពួកគេទំនងជាភ្លេចហើយថា ការកែក្រឡៃផែនទីកម្ពុជាតាមរបៀបកាត់ជើងខ្មែរ តម្រូវស្បែកជើងយួន គឺឲ្យខុសពីទម្រង់ខ្នាត១/១០០.០០០ធ្វើនៅចន្លោះឆ្នាំ១៩៣៣-១៩៥៣ ហើយដែលត្រួវបានទទួលស្គាល់ជាអន្តរជាតិ
ចន្លោះឆ្នាំ១៩៦៣-១៩៦ គឺជាការបង្ហាញឲ្យឃើញយ៉ាងច្បាស់ក្រឡែតរួចស្រេចទៅហើយ ពីការបំពាន ទៅលើច្បាប់រដ្ឋធម្មនុញ្ញរបស់ប្រទេសនិងអន្តរជាតិនោះ ។
សូមជំរាបថាការផ្ដើមបោះបង្គោលកំណត់ព្រំសីមាគោក រវាងប្រទេសកម្ពុជា និងយួន កាលពីខែកញ្ញា ឆ្នាំ២០០៦
រហូតមកដល់ការសម្ភោធបង្គោលព្រុំដែនលេខ៣១៤ កាលពីថ្ងៃទី២៤ ខែមិថុនា ឆ្នាំ២០១២
នៅចុងព្រំប្រទល់រវាងខេត្តកំពត និងខេត្តកៀងយ៉ាង គឺគេបានធ្វើឡើងដោយយោងទៅលើអនុសញ្ញាបំពេញបន្ថែមស្ដីពីព្រំដែនគោក នៃប្រទេសទាំងពីរឆ្នាំ១៩៨៥ ដែលសភានៃគណបក្សប្រជាជន បានសម្រេចផ្ដល់សុពលភាពកាលពីខែតុលា ឆ្នាំ២០០៥
នោះគឺជាអំពើខុសច្បាប់ ជាការរំលោភយ៉ាងគឃ្លើន និងគ្មានភាពអៀនខ្មាស់
ចំពោះកិច្ចព្រមព្រាងសន្ដិភាពទីក្រុងប៉ារីសថ្ងៃទី២៣ ខែតុលា ឆ្នាំ១៩៩១ ដើម្បីអ្វីដែលជាភាពជោគជ័យតាមផែនការលេបត្របាក់ទឹកដីខ្មែរ ដោយរដ្ឋាភិបាលទីក្រុងហាណូយនោះ ។
អ្នកឃ្លាំមើលព្រំដែនបានលើកឡើងថា ជាក់ស្ដែងអំឡុងការបោះបង្គោលព្រំដែនរវាងខ្មែរ យួន គឺ មានប្រជាពលរដ្ឋខ្មែរជាច្រើនរស់នៅតាមបណ្ដាខេត្តជាប់ព្រំដែន
ភាគខាងកើតនិងភាគខាងត្បូង បានចេញមុខនាំគ្នាស្រែកទ្រហោរយំ ពីរឿងបាត់ដីស្រែរហូតបាត់ភូមិឋានទាំងមូលចូលទៅក្នុងដីយួន ។ ហើយអ្នកខ្លះដោយសារតែយកការពិតមកស្រែកឲ្យគេជួយ ក៏ត្រូវបានរដ្ឋាភិបាលទីក្រុង
ភ្នំពេញចាប់ដាក់គុកដើម្បីបំបាក់ស្មាតីយ៉ាងអយុត្តិធម៌បំផុតដូចជាលោកស្រី មាស
ស្រី និងលោក ព្រុំ ជា រួមជាមួយនិងអ្នកស្នេហាជា
សម រង្ស៊ី ក៏ត្រូវបានតុលាការក្រោមអំណាចរបស់គណបក្ស
ប្រជាជនកាត់ឲ្យជាប់ទោសរាប់ឆ្នាំផងដែរ ។ ហើយសូមជំរាបថា
ប្រជាពលរដ្ឋដែលទទួលរងនូវការបាត់បង់ដីធ្លីស្រែចាការរបស់ខ្លួនទាំងនោះចូលទៅក្នុងដីយួន
ដោយការកាត់នឹងពុះជ្រាកជាដុំៗពីសំណាក់រដ្ឋាភិបាលរបស់លោក ហ៊ុន សែន គឺពួកគាត់ទាំងនោះជាសាក្សីរស់ ដែលមិនអាចប្រកែកបាន ថាការបោះបង្គោលព្រំដែនរវាងរដ្ឋាភិបាលខ្មែរ និងរដ្ឋាភិបាលយួន
គឺ បានធ្វើឲ្យកម្ពុជាបាត់បង់ទឹកដីអស់ជាច្រើន
។
អ្នកឃ្លាំមើលព្រំដែនបានលើកឡើងទៀតថា សម្រាប់ទស្សនៈរបស់មនុស្សជាតិក្នុងពិភពលោក ទឹកដីមានតម្លៃជាងអាយុជីវិតទៅទៀត ការបាត់បង់ទឹកដីប្រៀបបានទៅនឹងការបាត់បង់អ្វីៗទាំងអស់ ។ អ្នកឃ្លាំមើលបានបន្តរថា ពួកគេបានពលិកម្ម ដោយគ្មានញញើតឬស្ដាយស្រណោះអ្វីឡើយដើម្បីការពារទឹកដី
ហើយការបាត់បង់ទឹកដីកម្ពុជា ទៅយួននាពេលនេះហាក់ដូចជាបាន
ប្រព្រឹត្តទៅយ៉ាងរលូននិងស្ងៀមស្ងាត់
ដែលមិនគួរកើតមានក្នុងយុគដ៏ទំនើបនេះឡើយ ។
យ៉ាងណាម៉ិញលោក គង់ គាំ ប្រធានស្តីទីគណបក្ស សម រង្ស៊ី
ដែលជាអ្នកចាស់ទុំផ្នែកនយោបាយ និងធ្លាប់ជាប្រធានគណកម្មការព្រំដែនផងដែរនោះ
លោកក៏ធ្លាប់បានធ្វើការបដិសេធទាំងស្រុងផងដែរដោយមិនទទួលស្គាល់នូវការបោះបង្គោលព្រំដែនរវាងខ្មែរ
ហើយនិងយួននេះឡើយ ។ លោក គង់ គាំ បានធ្វើការរំលឹកថា លោកពីមុនថ្ងៃទី៧ ខែមករា ឆ្នាំ១៩៧៩ យួន
គឺមិនទាន់មានការទន្ទា្រនកំណត់ព្រំដែនចូលមកក្នុងប្រទេសកម្ពុជាដូចសព្វថ្ងៃនេះទេ
តែចាប់តាំង ពីក្រោយថ្ងៃទី០៧ ខែមករា ឆ្នាំ១៩៧៩
ប្រទេសកម្ពុជាយើងស្ទើរតែក្លាយទៅជាកម្ពុជាក្រោយទាំងមូលទៅហើយ
ក្រោមការត្រួតត្រារបស់យួនរហូតមកដល់ពេលនេះ ។ លោក គង់ គាំ បានបន្តថា
ក្នុងការបោះបង្គោលព្រំដែនរវាងរដ្ឋាភិបាលខ្មែរ និងរដ្ឋាភិបាលយួន
កាលពីពេលកន្លងទៅនេះ គឺជានិមិត្តរូបនៃមហិ្ឆតារបស់យួន
ហើយដែលបង្ហាញឲ្យឃើញថារដ្ឋាភិបាលរបស់លោក ហ៊ុន សែន អសមត្ថភាព
ហើយធ្វើតាមតែការបង្គាប់បញ្ជារបស់រដ្ឋាភិបាលយួនតែប៉ុណ្ណោះ ដែលជាចៅហ្វាយនាយរបស់ខ្លួន
ដែលគេបានធ្វើការសន្យាជាមួយនិងគ្នាថានិងបញ្ចប់ការបោះបង្គោលព្រំដែននៅឆ្នាំ២០១២
នេះឲ្យហើយ ។
លោក គង់ គាំ បានបញ្ជាក់ថា
ដូចយើងបានឃើញស្រាប់ហើយចុងក្រោយនេះ គេបានធ្វើការដុះ
ដូរភូមិមួយចំនួននៅតាមព្រំដែនពីភូមិខ្មែរទៅភូមិយួន និងពីភូមិយួនទៅភូមិរបស់ខ្មែរ
ដែលលោក គង់ គាំ បានពន្យល់ថាធាតុពិតគឺជាភូមិរបស់ខ្មែរទាំងអស់ទេ
ដោយលោកបានបញ្ជាក់ថាភូមិយួន មកខ្មែរក៏ជាដីរបស់ខ្មែរ
ចំណែកភូមិខ្មែរទៅយួនក៏ជាដីរបស់ខ្មែរផងដែរ
ព្រោះទីតាំងទាំងអស់នោះគឺជាដីរបស់ខ្មែរដែលត្រូវបានយួនរំលោភបំពានយកទាំងកំរោល ។
លោក គង់ គាំ បានជំរាបថា ជំហររបស់គណបក្ស សម រង្ស៊ីជាពិសេស
ជំហររបស់អង្គការក្រៅរដ្ឋាភិបាល ក៏ដូចជាសកម្មជនព្រំដែន
គឺមិនទទួលស្គាល់ជាដាច់ខាតចំពោះបង្គោលព្រំដែន ដែល បានបោះរវាងរដ្ឋាភិបាលខ្មែរ
ជាមួយនិងរដ្ឋាភិបាលយួនដែលបោះជាទ្វេរភាគគីនោះ គឺបានន័យ
ថាក្រោយកិច្ចព្រមព្រៀងទីក្រុងប៉ារីសឆ្នាំ១៩៩៣ កិច្ចព្រមព្រៀងទីក្រុងប៉ារីសបានកំណត់ថា
ត្រូវតែសើរើ
និងត្រូវលប់ចោលនូវសន្ធិសញ្ញាណាដែរធ្វើឲ្យខូចខាតផលប្រយោជន៏របស់ប្រទេសកម្ពុ ជា ។
ដូចនេះសន្ធិសញ្ញាឆ្នាំ១៩៨២,១៩៨៤,១៩៨៥ និងសន្ធិសញ្ញាបំពេញបន្ថែមនៅឆ្នាំ២០០៥
ទៅលើសន្ធិសញ្ញាមុនកិច្ចព្រមព្រៀងទីក្រុងប៉ារីស ជាការខុសច្បាប់និងធ្វើឲ្យខូចខាតផលប្រយោ
ជន៏របស់កម្ពុជាយ៉ាងខ្លាំង ។
លោក គង់ គាំ បានបញ្ជាក់ជាចុងក្រោយថាគណបក្ស សម រង្ស៊ី
សូមធ្វើការអះអាងជាថ្មីម្តងទៀត ថាការបោះបង្គោលព្រំដែនឲ្យហើយនៅឆ្នាំ២០១២
រវាងរដ្ឋាភិបាលខ្មែរ និងរដ្ឋាភិបាលយួន ជាការ ដែលធ្វើក្រោមមហិច្ឆតា
និងក្រោមសិទ្ធត្រួតត្រារបស់យួនទាំងស្រុងជាឯកតោភាគគីរបស់គណ
បក្សប្រជាជនកម្ពុជាកាន់អំណាច ដែលជាអំណាចបណ្តុប អំណាចរណបយួន ។ ហើយនៅពេល គណបក្ស សម
រង្ស៊ី ឈ្នះឆ្នោតគណបក្ស សម រង្ស៊ី ធ្វើការសើរើនិងកំណត់ព្រំដែនឲ្យបានត្រឹមត្រូវ
ឡើងវិញទៅតាមស្មារតីរដ្ឋធម្មនុញ្ញ និងទៅតាមភូមិសាស្រ្តពិតប្រាកដរវាងប្រទេសទាំងពីរ ។ ដូចនេះហើយបានជាពេលថ្មីៗនេះគណបក្ស សម រង្ស៊ី
និងគណបក្សសិទ្ធិមនុស្ស បានរួមគ្នាជា សម្លេងតែមួយ ដោយជំហ៊ានដំបូងបានបង្កើត
ចលនាប្រជាធិបតេយ្យសង្គ្រោះជាតិ ដើម្បីបញ្ចប់ អំនាចបច្ចុប្បន្ននេះឲ្យបាននៅឆ្នាំ២០១៣
ខាងមុខ ដើម្បីស្រោចស្រង់ប្រទេសជាតិរបស់យើងឡើងវិញ ៕
No comments:
Post a Comment
yes