សមាជិកក្រុមប្រឹក្សាខេត្តជាប់ឆ្នោតរបស់គណបក្ស សម រង្ស៊ី នៅខេត្តព្រះវិហារ
បានធ្វើការអំពាវ នាវឲ្យលោក ស ខេង រដ្ឋមន្រ្តីក្រសួងមហាផ្ទ
ក៏ដូចជាអង្គភាពប្រឆាំងអំពើពុករលួយដែលមានលោក ឱម យិនទៀង
ជាប្រធានពិនិត្យមើលការប្រព្រឹត្តអំពើពុករលួយពីក្រុមអាជ្ញាធរដែលបាន
ឃុបឃិតគ្នាជំរិតទារប្រាក់ពីប្រជាពលរដ្ឋ ក្នុងការចុះធ្វើសៀវភៅគ្រួសារជូនពួកគាត់ ។
សេចក្តីរាយការណ៏ខាងលើបានឲ្យដឹងមកថា នៅស្របពេលដែលក្រុមយុវជនស្ម័គ្រចិត្ត
បានចុះ មកវាស់វែងដីធ្លីជូនប្រជាពលរដ្ឋនៅក្នុងខេត្តព្រះវិហារ
បែរជាក្រុមមន្រ្តីប៉ូលីស ដែលចុះធ្វើប័ណ្ណ គ្រួសារ
ឬសៀវភៅគ្រួសារជូនប្រជាពលរដ្ឋដើម្បីធ្វើប្លង់ដី បានបង្គាប់ឲ្យប្រជាពលរដ្ឋបង់ប្រាក់
ចំនួនប្រាំបីម៉ឺន ទៅប្រាំបួនម៉ឺនរៀលក្នុងមួយគ្រួសារ ដែលជាហេតុធ្វើឲ្យប្រជាពលរដ្ឋទាំងនោះ
ភាគច្រើនគឺមិនបានទទួលបានសៀវភៅគ្រួសារ ដើម្បីបញ្ជាក់ក្នុងការទទួលបានប្លង់ដីដែលយុវជនស្ម័គ្រចិត្តកុំពុងតែចុះធ្វើនោះ
ព្រោះពួកគាត់ភាគច្រើនជាប្រជាពលរដ្ឋក្រីក្ររកតែអង្ករច្រកឆ្នាំង ស្ទើរតែពុំបានផង ។
ប្រជាពលរដ្ឋដែលទទួលរងនូវភាពអយុត្តិធម៌ ពីការជំរិតទារប្រាក់
ប្រព្រឹត្តអំពើពុករលួយ ពីសំណាក់មន្រ្តីប៉ូលីសខិលខូចទាំងនោះ
បានប្រាប់ក្នុងលក្ខណៈសុំមិនបញ្ចេញឈ្មោះឲ្យដឹងថា ពួកគាត់ដែលជាប្រជាពលរដ្ឋក្រីក្ររស់នៅក្នុងភូមិក្រវ៉ាន់
ឃុំពទ្រា ស្រុកជ័យសែន ខេត្តព្រះវិហារ កាលពីសប្តាហ៏កន្លងទៅនេះ ក្រុមមន្រ្តីប៉ូលីសដែលចុះធ្វើសៀវភៅគ្រួសារជូនពួកគាត់
សម្រាប់បំ ពេញឯកសារធ្វើប្លង់ដី
បានធ្វើការជំរិតទារប្រាក់ពីពួកគាត់យ៉ាងច្រើនចាប់ពីរប្រាំបី ទៅប្រាំបួនម៉ឺន រៀល
ដែលពួកគាត់គ្មានលទ្ធភាពក្នុងការធ្វើសៀវភៅគ្រួសារនេះទេ ។ គាត់ថាបើចុះធ្វើជូនពលរដ្ឋ
ហើយចាំចាប់យកប្រាក់ពីប្រជាពលរដ្ឋធ្វើអី ព្រោះពួកគាត់ទាំងអស់គ្នារស់នៅក្នុងឃុំពទ្រា
ទាំងមូលគឺរកមួយថ្ងៃសម្រាប់ចិញ្ចឹមក្រពះតែមួយថ្ងៃប៉ុណ្ណោះ
គ្មានប្រាក់ឯណាច្រើនបែបនេះឲ្យទៅលោកប៉ូលីសទាំងអស់នោះទេ ។ ដោយគាត់បានបន្ថែមទៀតថា
បើប៉ូលីសធ្វើរបៀបហ្នឹងដដែល ដាក់ប្រជាពលរដ្ឋ ម៉ិចក៏មិនទៅប្លន់តែម្តងទៅ ពួកអស់លោកឃើញហើយថាប្រជាពលរដ្ឋ
សព្វថ្ងៃនេះរស់នៅពិបាកយ៉ាងណា ។
ប្រជាពលរដ្ឋខាងលើ ក៏បានធ្វើការសុំណូមពរដល់ថ្នាក់លើ
ជាពិសេសរដ្ឋាភិបាលប្រសិនបើធ្វើ សៀវភៅគ្រួសារ ឬកសារសំខាន់ៗដទៃមួយចំនួនទៀត
សូមកុំយកលុយពីប្រជាពលរដ្ឋអី ព្រោះពូគគាត់រាល់ថ្ងៃនេះក្រីក្រខ្លាំងណាស់
ដាច់បាយដុំៗហើយ សូមអាណិតដល់ពួកគាត់ដែលជារាស្រ្តក្រីក្រផង ។
លោក ធួន ពុទ្ធ មន្រ្តីរបស់គណបក្ស សម រង្ស៊ី
ខេត្តព្រះវិហារបានថ្លែងប្រាប់ឲ្យដឹងចំពោះករណី ខាងលើនេះផងដែរថា
ដោយសារតែការជំរិតទារប្រាក់ពីមន្រ្តីប៉ូលីសទាំងនោះ ហើយពួកគាត់មិនដឹងជាទៅពឹកពាក់អ្នកឯណាក៏បានមកជំរាបលោកដែលជាមន្រ្តីរបស់គណបក្ស
សម រង្ស៊ី សូមជួយពួកគាត់មេត្តាប្តឹងទៅថ្នាក់លើជំនួសពួកគាត់ផង
ក្នុងការដែលមន្រ្តីប៉ូលីសខិលខូច ទុច្ចរឹតទាំងនោះប្រព្រឹត្តអំពើពុករលួយមកលើពួកគាត់បែបនេះ
។
មន្រ្តីរបស់គណបក្ស សម រង្ស៊ី ក៏បានឲ្យដឹងជាបន្តរទៀតផងដែរថា
ចំពោះករណីខាងលើនេះលោកបានប្តឹងទៅលោកអធិការស្រុកជ័យសែន
ដើម្បីឲ្យមានការពិនិត្យមើលចំពោះករណីខាង លើនេះ ។ លោកបានបន្តរទៀតថា
ពាក្យបណ្តឹរបស់លោកដែលបានដាក់ទៅលោកអធិការស្រុក ជ័យសែន
ទាក់ទងទៅនិងករណីខាងលើដែលជាការប្រព្រឹត្តអំពើពុករលួយ ធ្វើស្រែលើខ្នងរាស្រ្ត នោះ ត្រូវបានលោកអធិការស្រុកជ័យសែន
ធ្វើការបដិសេធ ដោយមិនព្រមទទួលយកទៅដុះស្រាយនោះឡើយ ។
ដែលធ្វើឲ្យករណីប្រព្រឹត្តអំពើពុករលួយនេះបានរីកដុះដាលកាន់តែធំឡើងៗ
ពីមួយថ្ងៃទៅមួយថ្ងៃ និងពីឃុំមួយទៅឃុំមួយ និងពីស្រុកមួយទៅស្រុកមួយ ដែលគេធ្វើ
របៀបនេះមានលក្ខណៈជាប្រព័ន្ធនៅទូទាំងខេត្តព្រះវិហារតែម្តង ។
អ្នកដែលបានដឹងនូវការប្រព្រឹត្តអំពើពុករលួយខាងលើនេះបានលើកឡើងថា ប្រកាដែលលោក
អធិការស្រុកមិនចាត់វិធានការប្រព្រឹត្តអំពើពុករលួយពីសំណាក់មន្រ្តីប៉ូលីស
ដែលចុះធ្វើសៀវភៅ គ្រួសារទាំងនោះ ប្រហែលជាមើលទៅលោកអធិការស្រុកជ័យសែនរូបនេះ
ទទួលបានលាភសក្ការៈពីការប្រព្រឹត្តអំពើពុករលួយរបស់មន្រ្តីក្រោមឱវាទទាំងនោះយ៉ាងក្រាស់ក្រែលហើយមើលទៅ
។
មន្រ្តីរបស់គណបក្ស សម រង្ស៊ី ខេត្តព្រះវិហារបានឲ្យដឹងបន្តរទៀតថា
ការជំរិតទារប្រាក់គឺជាអំពើ ពុករលួយដែលមន្រ្តីពាក់ព័ន្ធរបស់រដ្ឋាភិបាល ជាពិសេសលោក ស
ខេង រដ្ឋមន្រ្តីក្រសួងមហាផ្ទៃ ត្រូវតែចុះតាមដាន
និងចាត់វិធានការលើកូនចៅរបស់ខ្លួនកុំឲ្យប្រព្រឹត្តអំពើពុករលួយបែបនេះជាបន្តរទៀត
ហើយត្រូវតែដាក់ទោសមន្រ្តីដែលប្រព្រឹត្តរបៀបនេះឲ្យបានធ្ងន់ធ្ងរបំផុត និងមួយទៀតមេអង្គភាពប្រឆាំងអំពើពុករលួយលោក
ឱម យិនទៀង ដែលបានអួតអាងពីការបោសសំអាតអំពើពុករលួយនៅថ្នាក់មូលដ្ឋាន
កាលពីមុនពេលបោះឆ្នោតជ្រើសរើសក្រុមប្រឹក្សាឃុំ-សង្កាត់នោះ ត្រូវតែចុះបង្ក្រាប
និងដាក់ទោសទាន់ដល់មន្រ្តីពុករលួយទាំងនោះ ឲ្យសមទៅនិងច្បាប់ដែលបានកំណត់ ។
ជាមួយគ្នានោះប្រជាពលរដ្ឋក៏បានធ្វើការអះអាងផងដែរថា
ការប្រព្រឹត្តអំពើពុករលួយនៅក្នុងខេត្ត
ព្រះវិហារនេះមិនមែនមានតែក្នុងករណីធ្វើសៀវភៅគ្រួសារនោះប៉ុណ្ណោះទេ គឺការចុះវាស់វែងដីធ្លី
ជូនប្រជាពលរដ្ឋក៏បានកើតមានអំពើពុករលួយយកប្រាក់ពីប្រជាពលរដ្ឋ ពីសំណាក់មន្រ្តីថ្នាក់ក្រោមទាំងអស់នោះផងដែរ
។
លោក សៀន សួនឌឿន មន្រ្តីក្រុមប្រឹក្សាខេត្តព្រះវិហាររបស់គណបក្ស សម រង្ស៊ី
ដោយមើលឃើញពីការប្រព្រឹត្តអំពើពុករលួយពីសំណាក់មន្រ្តីទាំងនោះ ជារឿយៗលោកតែងតែស្នើឲ្យគណៈអភិបាលខេត្ត
ធ្វើការពិនិត្យមើលពីការប្រព្រឹត្តអំពើពុករលួយជាលក្ខណៈប្រព័ន្ធ ដើម្បីជួយប្រជា
ពលរដ្ឋឲ្យបានជៀសផុតពីការជំរិតទារប្រាក់ពីមន្រ្តីពុករលួយ ខិលខូចទាំងនោះ ។ លោកថាបើទោះបីជាមានការស្នើសុំបែបនេះ
គឺគ្មានបានប្រយោជន៏អ្វីទាំងអស់ ដោយគេមិនបានធ្វើតាមការស្នើសុំរបស់លោកនោះឡើយ ពួកគេបានចាត់ទុកមន្រ្តីរបស់គណបក្ស
សម រង្ស៊ី ដូចសំរាបអញ្ចឹង ។
ចំណែកឯក្រុមអ្នកឃ្លាំមើលវិញបានលើកឡើងថា
ការប្រព្រឹត្តអំពើពុករលួយនៅក្នុងប្រទេសកម្ពុជា
កំពុងតែបានកើតមានជាប្រព័ន្ធក្រោមការគ្រប់គ្រងដោយគណបក្សប្រជាជនរបស់លោក ហ៊ុន សែន ។
ពួកគេថាអំពើពុករលួយគឺជាឬសគុលដែលនាំឲ្យប្រជាពលរដ្ឋកាន់តែធ្លាក់ខ្លួនក្រីក្រទៅៗ ។
ដូចនេះរដ្ឋាភិបាលមិនគួរមើលរំលងចំពោះបញ្ហាខាងលើនេះឡើយ ដើម្បីកុំឲ្យឈ្មោះរដ្ឋាភិបាលក្រោមការគ្រប់គ្រងរបស់គណបក្សប្រជាជនស្អុយរលួយជាបន្តរទៀត
ត្រូវតែចាត់វិធាន ការទប់ស្កាត់ករណីខាងលើនេះជាបន្ទាន់ ៕
No comments:
Post a Comment
yes