ថ្នាក់ដឹកនាំ ចលនាប្រជាធិបតេយ្យសង្គ្រោះជាតិ ជួបជាមួយអ្នកគាំទ្រ
ចលនាប្រជាធិបតេយ្យសង្គ្រោះជាតិ
ដែលកើតចេញពីកម្លាំងមហាសាមគ្គីរបស់អ្នកប្រជាធិបតេយ្យ កាលពីថ្ងៃទី១៧ ខែកក្កដា
ឆ្នាំ២០១២ កំពុងតែទទួលបានការគាំទ្រពីសំណាក់ប្រជាពលរដ្ឋ គ្រប់ស្រទាប់វណ្ណៈ
និងអ្នកនយោបាយពីគ្រប់គណបក្ស ។
បើយោងតាមរបាយការណ៏របស់ប្រធានអគ្គលេខាធិការរដ្ឋាន
ចលនាប្រជាធិបតេយ្យសង្គ្រោះជាតិ លោកស្រី មូរ សុខហួរ ធ្លាប់បានប្រកាសឲ្យដឹងថា
មានប្រជាពលរដ្ឋជាច្រើន រួមជាមួយនិង ឥស្សរជននយោបាយជាន់ខ្ពស់ពីគ្រប់គណបក្សបានសម្តែងការគាំទ្រយ៉ាងខ្លាំងចំពោះចលនាមួយនេះ
ព្រោះដោយសារតែពួកគាត់យល់ឃើញថាមានតែ ចលនាប្រជាធិបតេយ្យសង្គ្រោះជាតិ ទេ ដែលអាចរំដោះពួកគាត់
និងប្រទេសជាតិ ឲ្យរួចចាក់ផុតពីការគ្រប់គ្រងអំណាចដែលដឹកនាំប្រ
ទេសតាមរបៀបផ្តាច់ការនាពេលបច្ចុប្បន្ននៅកម្ពុជា ។
ជាមួយគ្នានោះកាលពីថ្ងៃទី១៧ ខែសីហា ឆ្នាំ២០១២ លោក ម់ៅ រតនា
អតីតប្រធានក្រុមការងារ បោះឆ្នោតខេត្តកំពត និងជាអតីតសមាជិកគណៈកម្មាធិការនាយកនៃគណបក្ស
នរោត្តម រណឬទ្ធិ បានធ្វើលិខិតមួយច្បាប់ជូនលោក សម រង្ស៊ី ប្រធាន
ចលនាប្រជាធិបតេយ្យសង្គ្រោះជាតិ ដោយសុំចូលរួមជាមួយ ចលនាប្រជាធិបតេយ្យសង្គ្រោះជាតិ
។
លិខិតរបស់លោក ម៉ៅ រតនា អតីតប្រធានក្រុមការងារបោះឆ្នោតខេត្តកំពត
និងជាអតីតសមាជិកគណៈកម្មាធិការនាយកនៃគណបក្ស នរោត្តម រណឬទ្ធិ មានខ្លឹមសារថា «
ខ្ញុំបាទឈ្មោះ ម៉ៅ រតនា តំណាងឲ្យសមាជិក-សមាជិការអតីតគណបក្ស នរោត្តម រណឬទ្ធិ
ខេត្តកំពត សុំស្ម័គ្រចិត្តចូលរួមកំលាំងការគាំទ្រក្នុង
ចលនាប្រជាធិបតេយ្យសង្គ្រោះជាតិ » ។
លិខិតរបស់លោក ម៉ៅ រតនា បានបន្តថា « ដោយយើងខ្ញុំទាំងអស់គ្នាយល់ឃើញថា ចលនាប្រជា
ធិបតេយ្យសង្គ្រោះជាតិ ដែលជាកំលាំងការបង្រួបបង្រួមអ្នកស្នេហាជាតិ
និងអ្នកស្រលាញ់លទ្ធិប្រ ជាធិបតេយ្យ បានធ្វើឲ្យយើងខ្ញុំមានមោទនភាព ចំពោះ
ចលនាប្រជាធិបតេយ្យដង្គ្រោះជាតិ ដែល បានបង្កើតឡើងរវាងគណបក្ស សម រង្ស៊ី និង គណបក្ស
សិទ្ធិមនុស្ស នៅទីក្រុងម៉ានីឡា ប្រទេស ហ្វីលីពីន កាលពីថ្ងៃទី១៧ ខែកក្កដា ឆ្នាំ២០១២
ក្នុងគោលបំណងដើម្បីប្រមូលផ្តុំ និងពូតជ្រុំ អ្នក ប្រជាធិបតេយ្យ
ដើម្បីយកជ័យជំនះក្នុងការបោះឆ្នោតសកលឆ្នាំ២០១៣ ។ ខ្ញុំបាទយល់ឃើញថា មានតែ
ចលនាប្រជាធិបតេយ្យសង្គ្រោះជាតិ តែមួយគត់ ដែលអាចជួយស្រោចស្រង់ប្រទេសជាតិបាន » ។
ចំណែកឯលោកស្រី មូរ សុខហួរ ប្រធានអគ្គលេខាធិការរដ្ឋានរបស់
ចលនាប្រជាធិបតេយ្យសង្គ្រោះជាតិ បានមានប្រសាសន៏ដោយអបអរសាទរថា« តាងនាមឲ្យលោក សម រង្ស៊ី
ប្រធាន ចលនាប្រជាធិបតេយ្យសង្គ្រោះជាតិ និងលោក កឹម សុខា ជាអនុប្រធាន
ក៏ដូចជាបងប្អូនខ្មែរអ្នកស្នេហាជាតិទាំងអស់ លោកស្រីសូមអគុណយ៉ាងខ្លាំងដល់អតីតសមាជិក-សមាជិការ
របស់គណបក្ស នរោត្តម រណឬទ្ធិ ដែលបានរួមកម្លាំង រួមគំនិត រួមស្មារតី រួមសម្បជញ្ញៈ
ជាមួយនិងយើងទាំងអស់គ្នា នេះសបញ្ជាក់ឲ្យឃើញថា នៅពេលដែលគណបក្ស សង្គ្រោះជាតិ
កំពុងតែឈានទៅចុះឈ្មោះជាផ្លូវការ កម្លាំងអ្នកប្រជាធិបតេយ្យ
កម្លាំងអ្នកស្នេហាជាតិ បានមករួមគ្នាជុំវិញ ចលនាប្រជាធិបតេយ្យសង្គ្រោះជាតិ ។
លោកស្រីបន្តថា សម្លេងទាំងអស់នេះហើយដែលនឹងនាំយើងជាខ្មែរ អ្នកស្រលាញ់ជាតិ ស្នេហាជាតិ
សង្គ្រោះជាតិ ដើម្បីរក្សាទឹកដីអង្គរ ដែលជាសេចក្តីប្រាថ្នានៃខ្មែរទាំងអស់គ្នា » ។
លោកស្រីប្រធានអគ្គលេខាធិការរដ្ឋាន ចលនាប្រជាធិបតេយ្យសង្គ្រោះជាតិ បានថ្លែងទៀតថា
« ការចូលរួមពីសំណាក់បងប្អូនប្រជាពលរដ្ឋខ្មែរ មិនត្រឹមតែនៅក្នុងប្រទេសទេ
សូម្បីតែនៅឯនាយ សមុទ្រ ក៏សម្លេង និងកម្លាំងអ្នកប្រជាធិបតេយ្យ អ្នកស្នេហាជាតិ
កំពុងតែចូលរួមយ៉ាងសកម្មជា មួយនិងគណបក្ស សង្គ្រោះជាតិ » ។
លោកស្រី មូរ សុខ ហួរ បានបន្តថា « ដូចអ្វីដែលលោកស្រី បានមានប្រសាសន៏នៅពេលចាប់ផ្តើមនូវ
ចលនាប្រជាធិបតេយ្យសង្គ្រោះជាតិ លោកស្រីបានប្រកាសហើយថា គឺមានទាំងលិខិត
និងមានទាំងសំណើរជាក់លាក់សុំចូលរួមជាមួយនិង ចលនាប្រជាធិបតេយ្យសង្គ្រោះជាតិ ។
លោកស្រីថា ឥឡូវទាំងលិខិតទាំងម្ចាស់ខ្លួន
ក៏ដូចជាប្រជាពលរដ្ឋដ៏ទៃទៀតបានបង្ហាញខ្លួនដោយបញ្ជាក់ថាពួកគាត់ច្បាស់
និងពិតណាស់ នូវជំហររបស់ពួកគាត់ក្នុងការចូលរួមជាមួយនិង
អ្នកប្រជាធិបតេយ្យនៅក្នុងកម្លាំងនៃគណបក្ស សង្គ្រោះជាតិ ។
សូមជំរាបជូនផងដែរថា នៅថ្ងៃច័ន្ទ ទី២០ ខែសីហា ឆ្នាំ២០១២នេះ គណបក្ស
សង្គ្រោះជាតិ នឹង
ទៅចុះបញ្ជីនៅក្រសួងមហាផ្ទៃ
ដើម្បីទទួលបានសិទ្ធិពេញលិញនៅក្នុងការចូលរួមបោះឆ្នោតថ្នាក់ ជាតិនៅថ្ងៃទី២៨ ខែកក្កដា
ឆ្នាំ២០១៣ ខាងមុខនេះ ។ បន្ទាប់មកនៅថ្ងៃដដែល វេលាម៉ោង១:០០ រសៀល
ចលនាប្រជាធិបតេយ្យសង្គ្រោះជាតិ និងធ្វើសន្និសីទសារព័ត៌មានស្តីពី «
ការបង្កើតគណបក្ស សង្គ្រោះជាតិ » នៅទីស្នាក់ការកណ្តាលគណបក្ស សង្គ្រោះជាតិ
ផ្ទះលេខ៣៨ ផ្លូវ១៩៧២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
គួរជំរាបជូនថា បើយោងតាមច្បាប់ស្តីពីគណបក្សនយោបាយ
ដែលបានអនុម័តដាក់ឲ្យប្រើប្រាស់កាលពីឆ្នាំ១៩៩៧ ត្រង់ជំពូកទី២
និយាយពីការបង្កើតគណបក្សនយោបាយ បានបង្ហាញថា
ប្រជាពលរដ្ឋខ្មែរចំនួនយ៉ាងតិច៨០នាក់ ដែលមានអាយុយ៉ាងតិច១៨ឆ្នាំ ហើយដែលមានទីលំនៅជាអចិន្ត្រៃយ៏នៅក្នុងព្រះរាជាណាចក្រកម្ពុជា
មានសិទ្ធិផ្តើមបង្កើតគណបក្សនយោបាយមួយបាន ដោយគ្រាន់តែជូនដំណឹងជាលាយលក្ខណ៏អក្សរទៅក្រសួងមហាផ្ទៃ ។ ក្រសួងមហាផ្ទៃត្រូវជូនដំណឹងជាលាយលក្ខណ៏អក្សរថា បានទទួលការជូនដំណឹងនេះ យ៉ាងតិច១៥ថ្ងៃក្រោយការទទួលពាក្យស្នើសុំ ។ បើហួសការកំណត់១៥ថ្ងៃ
ត្រូវចាត់ទុកថាបានទទួលការជូនដំណឹងនេះ ។
ចំណែកជំពូកទី៥
និយាយពីការចុះបញ្ជីគណបក្សនយោបាយ បានកំណត់ថា គណបក្សនយោបាយ ត្រូវសុំចុះបញ្ជីគណបក្សនយោបាយ ដោយត្រូវមានសមាជិកយ៉ាងតិច៤០០០នាក់
មកពីបណ្តាខេត្ត ក្រុងមួយចំនួន ។
សមាជិកនោះ មានអាយុចាប់ពី១៨ឆ្នាំឡើងទៅ មានអាសយដ្ឋាន និងស្នាមមេដៃ
ដោយមានបញ្ជាក់លេខប័ណ្ណសមាជិកគណបក្ស និងកាលបរិច្ឆេទនៃការចូលសមាជិកភាពគណបក្សនយោបាយ ៕
No comments:
Post a Comment
yes