ចលនាប្រជាធិបតេយ្យសង្គ្រោះជាតិជាទំព័រប្រវត្តិសាស្រ្តថ្មី ដើម្បីបញ្ចប់អំណាចផ្តាច់ការនៅកម្ពុជាដែលលោក ហ៊ុន សែន ខំប្រឹងយកចង្អេរទៅបាំងខ្មោចដំរី

 

ព្រំដែនគឺជារឿងក្តៅគគុកមិនងាយរលត់នោះឡើយ ដ៏រាបណាគណបក្សប្រជាជន នៅកាន់អំ ណាច ក្រោមការបង្គាប់បញ្ជាររបស់យួនហាណូយនោះ ដែលគេមានបំណងចង់លេបត្របាក់ទឹក ដីកម្ពុជាទាំងមូល ជាគំនិតនិងជាមហិច្ឆិតារបស់ពួកគេជាយូមកហើយនោះ ។

ជាមួយគ្នានោះផងដែរតំណាងរាស្រ្តរបស់គណបក្ស សម រង្ស៊ី លោក សុន ឆ័យ កាលពីថ្ងៃទី២៦ ខែមិថុនា ឆ្នាំ២០១២ បានដាក់លិខិតមួយច្បាប់ទៅលោក ហ៊ុន សែន នាយករដ្ឋមន្រ្តីខ្មែរ​ដោយ​បាន​ធ្វើការស្នើសុំឲ្យលោក ហ៊ុន សែន មកឆ្លើយបំភ្លឺដោយផ្ទាល់មាត់នៅមន្ទីររដ្ឋសភាលើការ​បោះ​បង្គោលព្រំដែនរវាងប្រទេសកម្ពុជា និងយួន ។

ជាការឆ្លើយតប ប្រតិកម្មខ្លាំៗរបស់លោក ហ៊ុន សែន កាលពីថ្ងៃទី១ ខែសីហា ឆ្នាំ២០១២ នៅ​ក្នុងឱកាសដែលលោកអញ្ជើញទៅប្រគល់សញ្ញាបត្រដល់និស្សិត្តសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នៅវិទ្យាស្ថានជាតិអប់រំលោក ហ៊ុន សែន បានថ្លែងថាលោកនឹង អញ្ជើញទៅឆ្លើយសំនួរអំពីបញ្ហាព្រំដែនកម្ពុជា-យួន នៅវិមានរដ្ឋសភា ។

លោក ហ៊ុន សែន បានថ្លែងទាំងក្តៅស្លឹកត្រចៀកថា « ខ្ញុំទៅសភាលើកនេះកុំថា ហ៊ុន សែន ខ្លាច​នោះ និយាយឲ្យអស់រឿងជម្រះបញ្ជីគ្នាម្តងនៅក្នុងសភា កន្លងទៅខ្ញុំចេះតែសរសេរឆ្លើយ ប៉ុន្តែ លើក​នេះ ស្នើសុំ៤ម៉ោងឆ្លើយតែមួយសំនួរទេ ខ្ញុំចង់និយាយ៧ម៉ោងក៏អត់បញ្ហាដែរ » ។

លោក ហ៊ុន សែន បានថ្លែងបន្តរទៀតថា « ខ្ញុំនឹងប្រើពេល៤ម៉ោងដើម្បីពន្យល់តាមដំណាក់កាល នីមួយៗរឿងព្រំដែន ពន្យល់រហូតដល់ម្នាក់រត់ទៅស្រុកបារាំងកាន់ផែនទីរត់ ។ កាលដែលធ្វើរដ្ឋ មន្រ្តីជំនាន់សាធារណរដ្ឋខ្មែរ ជំនាន់លន់នល់ ពេលនោះកោះវ៉ៃ អ្នកណាកាន់កាប់ និយាយគ្នាឲ្យ ច្បាស់ អ្នកណាកាន់កាប់គឺវៀតណាមខាងត្បូង ។

តបទៅនឹងការប្រតិកម្មរបស់លោក ហ៊ុន សែន ខ្លាំងៗទាំងខុសទំនងបែបនេះគណកម្មាធិការព្រំ

ដែនកម្ពុជា ដែលមានទីស្នាក់ការនៅទីក្រុងប៉ារីស ប្រទេសបារាំង ដែលលោក ស៊ាន ប៉េងសែ ជាប្រធានបានបំភ្លឺទៅកាន់លោក ហ៊ុន សែនថា៖ កោះវ៉ៃ ជាកោះ​ខ្មែរជានិច្ច ជាកាល ។ ដោយ​សេចក្តីបញ្ជាក់បានលើកឡើងថា នាថ្ងៃទី១ ខែសីហា ឆ្នាំ២០១២ នៅក្រុងភ្នំ ពេញនាយករដ្ឋមន្រ្តី ហ៊ុន សែន បានថ្លែងខុសស្រឡះថា កោះវ៉ៃរបស់ខ្មែរ ( ពូឡូ វ៉ៃ )  ត្រូវបាន យៀកណាមកាន់កាប់ តាំងពីសម័យរដ្ឋាភិបាលសាធារណៈរដ្ឋនៃលោក លន់នល់ ហើយនាពេល នោះរូបខ្ញុំដែល​ជា​រដ្ឋ​មន្រ្តីនៃក្រសួងឧស្សាហកម្មរ៉ែ និងសិប្បកម្ម មិនបានធ្វើអ្វីទេដើម្បីទៅយកកោះនោះពីយៀក​ណាមវិញ ។

សេចក្តីបញ្ជាក់របស់លោក ស៊ាន ប៉េងសែ បានធ្វើការរំលឹកថា នាថ្ងៃទី០៧ ខែកក្កដា ឆ្នាំ១៩៨២ លោក ហ៊ុន សែន ជារដ្ឋមន្រ្តីក្រសួងការបរទេសនៃអាជ្ញាធរហៅថា សាធារណរដ្ឋប្រជាមានិតុ​កម្ពុជា បានចុះហត្ថលេខាដោយខុសច្បាប់ជាមួយរដ្ឋមន្រ្តីយួន ង្វៀន កូថាច លើកិច្ចព្រមព្រៀង ស្តីពី « ទឹកប្រវត្តិសាស្រ្ត » ដោយគាត់ទទួលស្គាល់ជាលើកទី១នៃប្រវត្តិសាស្រ្តកម្ពុជាថា កោះ ត្រល់ និងប្រជុំកោះក្រចកសេះ ( ពូឡូ ប៉ង់យ៉ង់ ) ជារបស់យួន និងអួតថាខាងយួន គេបានទទួល ស្គាល់វិញថា កោះវ៉ៃ ជារបស់ខ្មែរ ។

ខ្ញុំសូមបញ្ជាក់ថា កោះវ៉ៃ នេះ មិនដែលជារបស់យៀកណាមឡើយ ហើយវានៅក្រោមការគ្រប់​គ្រងនៃកម្ពុជាជានិច្ចកាល ទាំងនៅសម័យព្រះរាជាណាចក្រ(ទី១) នៃសម្តេចនរោត្តម សីហនុ និង នៅសម័យសាជាធារណរដ្ឋខ្មែរ នៃលោកឧត្តមសេនីយន៏ លន់នល់ ។ ការពិតមួយគឺទ័យយួន បានកាន់កាប់ កោះវ៉ៃ ដោយរំលោភ នៅក្នុងរយៈកាលដ៏ខ្លីពីថ្ងៃទី១០ ខែមិថុនា ឆ្នាំ១៩៧៥ ដល់ ថ្ងៃទី១២ ខែសីហា ឆ្នាំ១៩៧៥ ដែលកម្ពុជានៅក្រោមរបបខ្មែរក្រហម ប៉ុលពត ។

ជាមួយគ្នានោះនៅចុងបញ្ចប់សេចក្តីបញ្ញាក់របស់លោក ស៊ាន ប៉េងសែ លោកក៏បានធ្វើការទូមាន ដល់លោក ហ៊ុន សែន ផងដែរថា លោក ហ៊ុន សែន គួរតែរៀនអានប្រវត្តិសាស្រ្ត និងសិទ្ធិ នៃប្រ ទេសកម្ពុជាផង ដើម្បីជៀសវាងការនិយាយ និងការចុះហត្ថលេខាផ្តេសផ្តាស់ ដែលធ្វើឲ្យខូចខាត ដល់ប្រយោជន៏ជាន់ខ្ពស់នៃស្រុកខ្មែរ ។

ជាមួយគ្នានោះផងដែរ កាលពីថ្ងៃទី១ ខែសីហា ឆ្នាំ២០១២ តំណាងសាខាគណបក្ស សម រង្ស៊ី-អ៊ឺរ៉ុប ក៏បានសេចក្តីប្រកាសព័ត៌មានមួយច្បាប់ជាការឆ្លើយតបទៅលោក ហ៊ុន សែន ផងដែរថា សេចក្តីថ្លែងការរបស់រដ្ឋាភិបាលលោក ហ៊ុន សែន ទាក់ទងទៅនិងការដោះដូរភូមិក្នុងខេត្តកំពង់​ចាម ជាមួយប្រទេសយួន គឺបានធ្វើឡើងដើម្បីជាការបិទបាំងការពិតនៃបញ្ហាតែប៉ុណ្ណោះ គឺវា​ដូច​គ្នាទៅនឹងការយកចង្អេរទៅបាំងខ្មោចដំរីយ៉ាងដូចច្នោះឯង ។ តាមការពិតការបាត់បង់ទឹកដីជាចំ រៀកៗ តាមបណ្តោយព្រំដែន មានទំហំធំធេងបើប្រៀបធៀបទៅនឹងភូមិពីរដែលប្រកាសដោយ រដ្ឋាភិបាល គឺជាគំរោងនយោបាយរួម ដែលបានរៀបចំដោយស៊ីចង្វាក់គ្នា រវាងរដ្ឋាភិបាលរបស់ លោក ហ៊ុណ សែន និងយួន ដើម្បីទាញយកដល់ចំណេញដោយជាន់ឈ្លីអធិបតេយ្យជាតិខ្មែរ ។

សេចក្តីប្រកាសព័ត៌មានរបស់សាខាគណបក្ស សម រង្ស៊ី-អ៊ឺរ៉ុប ក៏បានឲ្យដឹងទៀតថា ទាក់ទងទៅ និងរឿងនេះ ការបាត់បង់បូរណៈភាពដែនដី និងដែនសមុទ្រគ្រាន់តែជាផ្នែកមួយនៃការបាត់បង់ អធិបតេយ្យភាពជាតិតែប៉ុណ្ណោះ ។ ដោយការចុះហត្ថលេខាខាងលើ កិច្ចព្រមព្រៀងសហប្រតិបត្តិ ការទូលំទូលាយលើវិស័យការពារជាតិ យុត្តិធម៌ និងសេដ្ឋកិច្ចរបស់លោក ហ៊ុន សែន បានដាក់ ប្រជាជាតិខ្មែរទាំងមូល ក្រោមអាណាព្យាបាលនៃប្រទេសយួនរួចទៅហើយ ។

ការកំណត់បន្ទាត់ព្រំដែនថ្មី ដោយយកជាមូលដ្ឋានរាល់កិច្ចព្រមព្រៀងមិនស្របច្បាប់ ដែលបាន ចុះហត្ថលេខាក្នុងអំឡុងទស្សវត៏៨០ គឺជាការព្រមទទួលយកនូវការបាត់បង់ទឹកដី តាមបណ្តាខេត្ត នានាភាគខាងកើត អ្វីដែលគេហៅថាជាតំបន់ស ដែលរដ្ឋាភិបាលលោក ហ៊ុន សែន មិនបាន ចង្អុលបង្ហាញ តាមពិតជាការប្រគល់ឲ្យតាមរូបភាពលាក់កំបាំងក្រោមលេសតំបន់អភិវឌ្ឍន៏ ។

រដ្ឋាភិបាលរបស់លោក ហ៊ុន សែន ក៏មិនបានបង្ហាញផងទេ នូវការបាត់បង់ផ្ទៃសមុទ្រ ដោយការ គូសវាសព្រំដែនថ្មី កោះជាច្រើនមានជាអាទិ៏ កោះត្រល់ ដែលជាកោះធំជាងគេនៅតំបន់នោះ ត្រូវ បានទៅយួន ។ មួយផ្នែកដ៏ធំនៃខ្ពង់រាបបាតសមុទ្រខ្មែរ ដែលគេដឹងថាមានរ៉ែប្រេងកាតយ៉ាង ក្រាសក្រែល ព្រមទាំងច្រកចេញទៅដែលសមុទ្រអន្តរជាតិក៏ត្រូវបានបាត់បង់ផងដែរ ជារួមប្រ មាណ៣៥ភាគរយ នៃផ្ទៃសមុទ្រខ្មែរ គឺបានរបូតទៅក្នុងដៃប្រទេសយួនយ៉ាងងាយស្រួល ។

គេចាំមើលថាតើនៅពេលដែលលោក ហ៊ុន សែន ចូលខ្លួនទៅក្នុងមន្ទីររដ្ឋសភា និងធ្វើការបកស្រា យយ៉ាងណាចំពោះបញ្ហាព្រំដែននេះ ។ ព្រោះរឿងនេះគឺជារឿងធំបំផុតរបស់ជាតិ ដែលពាក់ព័ន្ធ ដល់អាយុជីវិតរបស់ជាតិយើង ។ យ៉ាងដូចនេះហើយបានជាពេលថ្មីៗនេះគណបក្ស សម រង្ស៊ី និង គណបក្ស សិទ្ធិមនុស្ស បានរួមបញ្ជូលគ្នាជាសម្លេងតែមួយដោយបង្កើត ចលនាប្រជាធិប តេយ្យសង្គ្រោះជាតិ និងឈានទៅបង្កើតគណបក្សថ្មីមួយ ដើម្បីចូលរួមក្នុងការប្រគួតប្រជែងការ បោះឆ្នោតនៅឆ្នាំ២០១៣ ដើម្បីបញ្ចប់អំណាចផ្តាប់ការនៅកម្ពុជាឲ្យបាន ។ ហើយនៅពេលដែល គណបក្សប្រជាធិបតេយ្យ ដែលបង្កើតឡើងដោយអ្នកប្រជាធិបតេយ្យឈ្នះឆ្នោតហើយនោះ គណបក្សមួយនេះនិងធ្វើការសើរើឡើងវិញ ចំពោះការបោះបង្គោលព្រំដែនទាំងឡាយណា រវាង រដ្ឋាភិបាលរបស់លោក ហ៊ុន សែន ជាមួយនិងរដ្ឋាភិបាលក្រុងហាណូយ ។ ដូចនេះដើម្បីសង្គ្រោះ ជាតិរបស់យើងឲ្យរួចផុតពីការគ្រប់គ្រងតាមអំណាចផ្តាប់ការ និងមានបរទេសជាអាណាព្យាបាល សូមបងប្អូនទាំងអស់គ្នាចូលរួមជាមួយនិង ចលនាប្រជាធិបតេយ្យសង្គ្រោះជាតិ ដើម្បីខ្លួនយើង កូនចៅរបស់យើង និងប្រទេសជាតិរបស់យើង ៕