គណបក្ស សង្គ្រោះជាតិ គឺជាក្តីសង្ឃឹមចុងក្រោយរបស់ប្រជាពលរដ្ឋខ្មែរ ក្នុងការស្រោចស្រង់ប្រទេសជាតិ « មានគណបក្ស សង្ក្រោះជាតិ គឺមានអ្វីទាំងអស់ »

សកម្មភាពថ្ងៃបង្កើតគណបក្ស សង្គ្រោះជាតិ

ជារៀងរាល់ថ្ងៃថ្នាក់ដឹកនាំរបស់គណបក្ស​ សម រង្ស៊ី និងគណបក្ស សិទ្ធិមនុស្ស បានធ្វើការរួមគ្នា ដោយចុះទៅតាមមូលដ្ឋាននានា ដើម្បីធ្វើការផ្សព្វផ្សាយពីគោលជំហ៊ររបស់ ចលនាប្រជាធិប​តេយ្យសង្គ្រោះជាតិ និងការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស ដល់ប្រជាពលរដ្ឋដែលជាអ្នកគាំទ្រ និងសកម្មជនរបស់គណបក្សទាងពីរ ។

ហើយកាលពីថ្ងៃទី៩ ខែកញ្ញា ឆ្នាំ២០១២ កន្លងមកនេះ ថ្នាក់ដឹកនំារបស់គណបក្ស សម រង្ស៊ី និង​​​គណ​បក្ស សិទ្ធិមនុស្ស បានធ្វើដំណើរចុះ​ទៅកាន់ឃុំស្តៅ ស្រុកកងមាស ខេត្តកំពង់ចាម ដើម្បី​ជួប​​សំ​ណេះសំណាលសួរសុខទុក្ខ ដល់ប្រជាពលរដ្ឋ និង សកម្មជន របស់គណបក្សទាំងពីរ ដើម្បី​​​ធ្វើ​ការផ្សព្វផ្សាយ​ពី​ដំ​ណើរការនយោបាយថ្មីៗរបស់អ្នកប្រជាធិបតេយ្យ ក្នុងការសំរេច​គោល​​ដៅ​​ស្រោចស្រង់ប្រទេសជាតិ ។

ថ្នាក់ដឹកនាំរបស់គណបក្ស សម រង្ស៊ី ដឹកនាំដោយលោក គួយ ប៊ុនរឿន និងថ្នាក់​ដឹកនាំគណ​បក្ស​​​​សិទ្ធិមនុស្ស ដឹកនាំដោយលោក ម៉ៅ មុន្នីវណ្ណ ។ គណបក្សទាំងពីរធ្វើសកម្មភាពរួមគ្នាក្នុង​ ចលនា​ប្រជាធិបតេយ្យសង្គ្រោះជាតិ ដែលត្រូវបានបង្កើតឡើងតាំងពីថ្ងៃទី១៧ ខែកក្កដា ឆ្នាំ២០១២​នៅ​ទី​ក្រុងម៉ានីល ប្រទេសហ្វីលីពីន ។

ការចុះទៅកាន់មូលដ្ឋានរបស់ថ្នាក់ដឹកនាំគណបក្ស សម រង្ស៊ី និងគណបក្ស សិទ្ធិមនុស្ស គឺមាន​ការ​ទទួលស្វាគមន៏ និងគាំទ្រពីសំណាក់ប្រជាពលរដ្ឋយ៉ាងច្រើនកោះករ ដែលមិននឹកស្មានដល់ ធ្វើឲ្យថ្នាក់ដឹកនាំរបស់គណបក្សទាំងពីរមានសង្ឃឹមកាន់តែខ្លាំងឡើងក្នុងការចូលរួមការបោះឆ្នោតនៅឆ្នាំ២០១៣ខាងមុខ ព្រោះចលនាប្រជាធិបតេយ្យសង្គ្រោះជាតិ បានបង្កើតគណបក្សថ្មីរួមគ្នា រវាងគណបក្ស សម រង្ស៊ី និងគណបក្ស សិទ្ធិមនុស្ស ចេញជារូបរាងហើយ ដោយមានការទទួល ស្គាល់យ៉ាងត្រឹម​ត្រូវពីក្រសួងមហាផ្ទៃផងដែរ ។ ជាមួយគ្នានោះកាលពីថ្ងៃទី១១ ខែកញ្ញា ឆ្នាំ២០​១២ គណបក្ស សង្គ្រោះជាតិ ក៏បានធ្វើពិធីសម្ភោធទីស្នាក់ការកណ្តាលនិងលើកស្នាក់គណបក្ស ដោយទទួលបានជោគជ័យយ៉ាងធំធេង ក្រោមសម្លេងហូរកញ្ជ្រៀវឡើងកងរំពងពីសំណាក់ ប្រ​ជា​ពលរដ្ឋដែលជាអ្នកគាំទ្រ ដោយបានបង្ហាញឲ្យឃើញថា គណបក្ស សង្គ្រោះជាតិ និងទទួលបាន​ជោគជ័យជូនជាតិ និងប្រជាពលរដ្ឋខ្មែរនៅឆ្នាំ២០១៣ខាងមុខនេះជាក់ជាមិនខាន ។

គណបក្ស សង្គ្រោះជាតិ ដែលកើតឡើងនៅពេលនេះគឺជាទំព័រប្រវត្តិសាស្រ្តថ្មីជូនជាតិ ព្រោះមាន តែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមរបស់ប្រជាពលរដ្ឋខ្មែរ ដើម្បីរំដោះ ខ្លួនចេញពីការដឹកនាំប្រទេសរបស់គណបក្សកាន់អំណាចសព្វថ្ងៃ ដែលកំពុងតែឆ្ពស់ទៅកាន់មាត់​ជ្រោះមរណៈនោះ ។ ការដឹកនាំប្រទេសអស់រយៈពេលជាង៣០របស់គណបក្សប្រជាជនមកនេះ គឺមិនបានធ្វើឲ្យប្រទេសជាតិមានការរីកចំរើននោះឡើយ តែផ្ទុះទៅវិញបានធ្វើឲ្យប្រទេសមួយនេះ វិនាសហិនហោចនូវសម្បត្តិធនធានធម្មជាតិស្ទើរតែអស់ រដ្ឋាភិបាលបានព្យុះជ្រាកដីជាដុំៗទៅឲ្យ ប្រទេសជិតខាងតាមរយៈការផ្តល់ដីសម្បទានសេដ្ឋកិច្ច ដែលមានរយៈពេលរហូតដល់៩៩ឆ្នាំ ។ ការបើកដៃឲ្យមានជនអន្តោប្រវេសន៏យួនខុសច្បាប់ចូលមករស់នៅក្នុងប្រទេសកម្ពុជាដោយសេរី ពុំមានការទប់ស្កាត់ ដើម្បីទទួលបានសម្លេងឆ្នោតពីជនអន្តោប្រវេសន៏ខុសច្បាប់ទាំងនោះ ហើយ រដ្ឋាភិបាលរបស់លោក ហ៊ុន សែន ក៏ត្រូវបានគេដឹងផងដែរថា ជារដ្ឋាភិបាលដែលកើតចេញឡើង ដោយមានការផ្ចុងផ្តើម និងលើកបណ្តុបពីសំណាក់យួនហាណូយ ។ ដូចនេះហើយបានជារដ្ឋាភិ បានសព្វថ្ងៃ ធ្វើអ្វីៗគ្រប់បែបយ៉ាងបំរើនយោបាយបរទេសឈ្លានពាន ព្រោះដើម្បីការពារអំណាច និងបក្ខពួករបស់ខ្លួន ដោយបង្វែមកធ្វើបាបប្រជាពលរដ្ឋ និងបំផ្លាញប្រទេសជាតិរបស់ខ្លួន ។

ដោយហេតុទាំងអស់នេះហើយបានជាថ្នាក់ដឹកនាំរបស់គណបក្ស សម រង្ស៊ី និងគណបក្ស សិទ្ធិ មនុស្ស បានសម្រេចរួមបញ្ចូលគ្នាជាសម្លេងតែមួយដើម្បីធ្វើការតទល់ជាមួយគណបក្សប្រជាជន ដែលមានយួននៅពីក្រោយធ្វើជាខ្នងបង្អែក ។ ហើយការរួមបញ្ចូលគ្នាជាកម្លាំងតែមួយរវាងគណ បក្ស សម រង្ស៊ី និងគណបក្ស សិទ្ធិមនុស្ស នេះក៏ជាឆន្ទះរបស់ប្រជាពលរដ្ឋខ្មែរដែលពួកគាត់ចង់ បានជាយូរណាស់មកហើយផងដែរ ។

គណបក្ស សង្គ្រោះជាតិ ដែលបានបើកសម្ភោធទីស្នាក់ការកណ្តាលរបស់ខ្លួនកាលពីថ្ងៃទី១១ ខែកញ្ញា ឆ្នាំ២០១២ គឺបានប្រកាសនូវគោលជំហ៊ររបស់ខ្លួនយ៉ាងម៉ឹងម៉ាត់ក្នុងការរក្សាគោលជំហ៊រដើមរបស់ខ្លួន ការពារប្រជាពលរដ្ឋក្រីក្រទន់ខ្សោយ ប្រឆាំងដាច់ខាតការរំលោភបំពានដីធ្លី អំពើពុករលួយ ការ សម្បទានដីសេដ្ឋកិច្ចទាំងឡាយណាដែលខុសច្បាប់ និងការពារយ៉ាងដាច់អាហង្ការចំពោះការ ការពារនូវបូរណៈភាពទឹកដី រួមជាមួយបញ្ហាមួយចំនួនទៀតដែលប្រឈម ។

ដើម្បីទទួលបានជោគជ័យទាំងអស់នេះ ប្រជាពលរដ្ឋខ្មែរទាំងអស់ដែលគ្រប់អាយុត្រូវតែទៅចុះ ឈ្មោះបោះឆ្នោតទាំងអស់គ្នា ហើយប្រជាពលរដ្ឋណាដែលមានឈ្មោះស្រាប់ហើយនោះក៏ត្រូវ តែអញ្ជើញទៅពិនិត្យបញ្ជីឈ្មោះទាំងអស់គ្នាផងដែរ ដើម្បីឲ្យប្រាកដថាពិតជាមានឈ្មោះនៅក្នុង បញ្ជីអ្នកបោះឆ្នោតពិតប្រាកដ និងមិនមានការខុសឆ្គងដោយប្រកាសណាមួយ ។ ហើយនៅពេល ដល់ថ្ងៃបោះឆ្នោតថ្នាក់ជាតិថ្ងៃអាទិត្យ ទី២៨ ខែកក្កដា ឆ្នាំ២០១៣ ត្រូវតែអញ្ជើញទៅបោះឆ្នោត​ទាំងអស់គ្នា មិនត្រូវឲ្យមានការអាក់ខាននោះឡើយ ព្រោះការបោះឆ្នោតនេះគឺជាអាយុជីវិតរបស់ បងប្អូន និងប្រទេសជាតិរបស់យើង ។ ហើយប្រសិនបើបងប្អូនបោះឆ្នោតត្រូវនោះយួននិងចុះ ដែលធ្វើឲ្យប្រទេសជាតិរបស់យើងមានការរិកចំរើនដូចជាបណ្តាប្រទេសនានាមួយចំនួន តែប្រ សិនបើបងប្អូនបោះឆ្នោតខុសនោះយួននិងកើនឡើងជាងនេះជាក់ជាមិនខាន ដែលធ្វើឲ្យប្រជា​ពលរដ្ឋរបស់យើងកាន់តែរស់នៅពិបាកជាងនេះទៅទៀតជាក់ជាមិនខាននោះឡើយ ហើយសម្ប ត្តិធនធានធម្មជាតិរបស់យើងប្រាកដជាបាត់បង់អស់ជាក់ជាមិនខាន ។

ជាមួយគ្នានោះសូមបងប្អូនប្រជាពលរដ្ឋទាំងអស់ឈប់ចាញ់បោកនូវនយោបាយប្រជាភិថុតិរបស់ គណបក្សប្រជាជនតទៅទៀត ដូចជាអង្ករ មី ប៊ីចេង អុំបិល ទឹកត្រី ប្រេងកូឡា ក្រម៉ា សារុង និង លុយពុករលួយរបស់ពួកគេដែលយកមកចែកជូនបងប្អូនបន្តិចបន្ទួចនោះ ប៉ុន្តែវានិងធ្វើឲ្យបងប្អូន លំបាកវេទនារបស់រយៈពេល៥ឆ្នាំបន្តទៀត ។ ក្នុងរយៈពេល៥ឆ្នាំបងប្អូនអាចរកបានប្រាក់ច្រើន ជាងនេះរាប់រយពាន់លានដងទៅទៀត ។

ដូចនេះជំរើសដែលល្អរបស់ប្រជាពលរដ្ឋខ្មែរមានតែមួយគត់នោះគឺគណបក្ស សង្គ្រោះជាតិ ដែល មានរូបសញ្ញា ព្រះអាទិត្យរះ និងមានពន្លឺកាំរស្មីចំនួ២៤ ដែលកំណាងឲ្យខេត្ត-ក្រុង ទាំង២៤របស់ ប្រទេសកម្ពុជា ។ គណបក្ស សង្គ្រោះជាតិ ដឹកនាំដោយលោក​ សម រង្ស៊ី ជាប្រធាន និងលោក កឹម សុខា ជាអនុប្រធាន រួមជាមួយនិងមានថ្នាក់ដឹកនាំកំពូលៗមកពីគ្រប់គណបក្សនយោបាយ ផ្សេងៗទៀតជាច្រើនរូបដែលជាស្នូលរបស់គណបក្ស សង្គ្រោះជាតិ ។

គណបក្ស សង្គ្រោះជាតិ បានព្យាករណ៏រួចហើយថា នៅឆ្នាំ២០១៣ខាងមុខនេះនិងធ្វើការសង្គ្រោះ ប្រជាពលរដ្ឋខ្មែរ និងប្រទេសកម្ពុជាឲ្យបានពីកណ្តាប់ដៃរបស់គណបក្សកាន់អំណាចសព្វថ្ងៃដែល ដឹកនាំប្រទេសតាមរបៀបផ្តាច់ការនោះ និងនាំមកនូវមុខមាត់ថ្មីជូនប្រទេស និងប្រជាពលរដ្ឋ ដែលដឹកនាំប្រទេសតាមបែបប្រជាធិបតេយ្យ ដោយយកច្បាប់និងប្រជាពលរដ្ឋជាធំ ហើយនិងធ្វើ ឲ្យប្រទេសជាតិមានការរីកចំរើនជឿនលឿនលើគ្រប់វិស័យ ដើម្បីឲ្យប្រទេសជាតិមានឈ្មោះបោះ សម្លេងល្បីរន្ទឺនៅលើឆាកអន្តរជាតិ ។ គណបក្ស សង្គ្រោះជាតិ គឺជាគណបក្សរបស់ប្រជាពលរដ្ឋ ខ្មែរ និងជាក្តីសង្ឃឹមចុងក្រោយបង្អស់របស់យើងដែលជាអ្នកស្នេហាជាតិ និងស្រលាញ់របបប្រ ជា​ធិបតេយ្យ ។ ដូចនេះសូមចូលរូមជាមួយនិងគណបក្ស សង្គ្រោះជាតិ និងបោះឆ្នោតជូនគណ​បក្ស សង្គ្រោះជាតិ ឲ្យបានគ្រប់ៗគ្នានៅថ្ងៃទី២៨ ខេកក្កដា ឆ្នាំ២០១៣ ខាងមុខនេះ ៕