ដោយសារតែអំពើពុករលួយដ៏ញ៉ាំញ៉ី ទើបធ្វើឲ្យរដ្ឋាភិបាលលោក ហ៊ុន សែន គ្មានលទ្ធភាពក្នុងការតំឡើងប្រាក់ខែជូនមន្ត្រីរាជការ ដើម្បីឲ្យពួកគាត់រស់នៅបានសមរម្យ

អំពើពុករលួយក្រោមការដឹកនាំរបស់រដ្ឋាភិបាលលោក ហ៊ុន សែន សព្វថ្ងៃបាននិងកំពុងតែ​ ញ៉ាំ​ញ៉ី​យ៉ាងខ្លាំង ដែលធ្វើឲ្យប្រទេសកម្ពុជាក្នុងមួយឆ្នាំៗបាត់ថវិការជាតិអស់ជាច្រើន​លាន​ដុល្លាសហរ​ដ្ឋអាមេរិក ដែលការបាត់ថវិការជាតិដ៏ច្រើនសន្ធឹកសន្ធាប់បែបនេះ គឺបានធ្វើឲ្យប៉ះ​ពាល់ដល់​សេដ្ឋកិច្ចជាតិយ៉ាងខ្លាំង ។

រដ្ឋាភិបាលដែលដឹកនាំដោយគណបក្សប្រជាជនរបស់លោក ហ៊ុន សែន គឺអសមត្ថភាពបំផុត ក្នុងការបង្ក្រាប និងលុបបំបាត់អំពើពុករលួយនេះ ដែលកត្តាទាំងអស់នេះហើយ បានធ្វើឲ្យប្រ ទេសកម្ពុជាត្រូវទៅខ្ចីប្រាក់ពីបរទេសដើម្បីយកមកបំពេញចំពោះកង្វះខាតថវិការជាតិ ដែល​ត្រូវបានពួកគេលួចកឹបកេងដើម្បីជាប្រយោជន៏ផ្ទាល់ខ្លួន ហើយអ្នកដែលត្រូវទទួលរង​គ្រោះ​គឺ​ប្រទេសជាតិ និងប្រជាពលរដ្ឋកម្ពុជា ។

ការប្រព្រឹត្តអំពើពុករលួយដ៏ស៊ីរូងផ្ទៃក្នុងយ៉ាងសម្បើមនេះ បានធ្វើឲ្យរដ្ឋាភិបាលរបស់លោក ហ៊ុន សែន គ្មានលទ្ធភាពក្នុងការតំឡើងប្រាក់ខែជូនមន្រ្តីរាជការ ទុកឲ្យពួកគាត់រស់នៅលំបាក វេទនា ស៊ីអត់ស៊ីឃ្លាន ដែលខ្លួនជាអ្នកការពារជាតិ និងជួយជ្រុំជ្រែងដើម្បីធ្វើឲ្យជាតិមានការ អភិវឌ្ឍន៏ និងរីកចំរើននោះ តែបែអ្នកប្រព្រឹត្តអំពើពុករលួយពួកគេស៊ីឆ្ងាញ់ ដេកស្រួល ដោយ​មិនគិតពីអ្វីទាំងអស់ ពួកគេដឹងតែម្យ៉ាងរកវិធីយ៉ាងណាដើម្បីប្រព្រឹត្តអំពើពុករលួយឲ្យ បាន​ច្រើន ចង់មន្រ្តីរាជការ ស៊ីអត់ស៊ីឃ្លាន ក្រាបលូនក្នុងព្រៃ ដេកហាលភ្លៀងហាលខ្យល់យ៉ាង​ណា​ក៏ពួកគេមិនចាប់អារម្ភដែរ ។

គណបក្ស សង្គ្រោះជាតិ គឺបានគិតគូរនិងយកចិត្តទុកដាក់យ៉ាងខ្លាំងចំពោះបញ្ហាមន្រ្តីរាជការ

ក្នុងនោះផងដែរ គណបក្ស សង្គ្រោះជាតិ ក៏បានដាក់ចេញនូវគោលនយោបាយរបស់ខ្លួនរួចជា ស្រេចក្នុងការតំឡើងប្រាក់ខែជូនមន្រ្តីរាជការឲ្យបានយ៉ាងតិចចំនួន១លានរៀលក្នុងមួយខែ ដើម្បីជាការឆ្លើយតបទៅនិងអ្វីដែលជាតំរូវការរបស់មន្រ្តីរាជការ ព្រមទាំងជួយសម្រួលបន្ទុក គ្រួសាររបស់ពួកគាត់ ដើម្បីឲ្យមន្រ្តីរាជការទាំងអស់រស់នៅបានធូធារសមរម្យដូចគេឯង ។

មានសំនួរមួយលើកឡើងថា តើគណបក្ស សង្គ្រោះជាតិ ធ្វើយ៉ាងណាដើម្បីបានថវិការមកតំ ឡើងប្រាក់ខែជូនមន្រ្តីរាជការឲ្យបានយ៉ាងតិច១លានរៀលក្នុងមួយខែ បើរដ្ឋាភិបាភិ​បាល​សព្វ​ថ្ងៃ​មិនអាចធ្វើទៅបានផងនោះ ដែលគេកាន់អំណាចជាច្រើនឆ្នាំមកហើយ បទពិសោធន៏​ក៏មា​ន​ច្រើនក្នុងការដឹកនាំប្រទេស ?

ការចោទសួរបែបនេះត្រូវបានថ្នាក់ដឹកនាំរបស់គណបក្ស សង្គ្រោះជាតិ លើកឡើងថាវាគ្មានអ្វី ដែលពិបាកក្នុងការតំឡើងប្រាក់ខែជូនដល់មន្ត្រីរាជការឲ្យបាន១លានរៀលក្នុងមួយខែនោះទេ ក្នុងនោះដោយគ្រាន់តែយើងធ្វើការលុបបំបាត់អំពើពុករលួយដែលរដ្ឋាភិបាលសព្វថ្ងៃ បាន​ធ្វើ​ឲ្យ​បាត់ជាច្រើនលានដុល្លាក្នុងមួយឆ្នាំៗនោះវាគឺជាការស្រេចបាត់ទៅហើយ ហើយមួយ​ទៀត​គឺ​យើងត្រូវតែរកប្រាក់ចំណូលសម្រាប់ចូលរដ្ឋឲ្យបានប្រមាណប្រាំរយលានដុល្លាក្នុងមួយឆ្នាំ បន្ថែមលើប្រាក់ប្រមាណប្រាំមួយរយលានដុល្លាក្នុងមួយឆ្នាំ ដែលរដ្ឋាភិបាលចំណាយសព្វថ្ងៃ​លើ​ប្រាក់​ខែបុគ្គលិករបស់រដ្ឋទាំងអស់ ។

លោក សម រង្ស៊ី ប្រធានគណបក្ស សង្គ្រោះជាតិ និងជាអ្នកជំនាញផ្នែកសេដ្ឋកិច្ចផងដែរនោះ បានមានប្រសាសន៏ថា ទីមួយលោកសុំបញ្ជាក់ថាដោយសារតែអំពើពុករលួយថ្នាក់លើ ថ្នាក់​កំពូល បានធ្វើឲ្យប្រទេសជាតិរបស់យើងបាត់បង់ប្រាក់ចំណូលរបស់រដ្ឋច្រើនណាស់ ដែល​ក្នុង​នោះប្រាក់ចំណូលកាលពីឆ្នាំ២០០៤និង២០០៥ មានក្រុមអ្នកជំនាញ ដែលមកពីស្ថាប័ន​អង្គ​ការ​របស់សហរដ្ឋអាមេរិក ​ដែលត្រូវបានរដ្ឋាភិបា​លសហរដ្ឋអាមេរិកផ្តល់ជំនួយ​ទៅឲ្យប្រ​ទេស​ក្រីក្រដូចជាប្រទេសកម្ពុជា តាមរយៈអង្គការUSAID ដែលUSAIDនេះគឺជាស្ថាប័នមួយនៅ​ក្នុង​រដ្ឋាភិបាលសហរដ្ឋអាមេរិក សម្រាប់ចាត់ចែង​ផ្តល់ជំនួយដល់ប្រទេសក្រីក្រ ហើយក្នុង​នោះ​មុន​និងគេផ្តល់ជំនួយគឺគេបានមកសិក្សាស្ថានការណ៏នៅប្រទេសនីមួយៗ ហើយគេសិក្សាថា​ប្រ​ទេសនោះមានកល្ខណៈក្រីក្រដោយសារតែហេតុផលអ្វីខ្លះ ហើយហេតុផល​ដ៏សំ​ខាន់​មួយ​ដែល​គេរកឃើញ ​គឺដោយសារតែអំពើពុករលួយរបស់អ្នកដឹកនាំប្រទេសក្រីក្រទាំងនោះ ដែល​ធ្វើឲ្យប្រទេសនោះនៅតែក្រដដែល ។

លោក សម រង្ស៊ី បានបន្ថែមទៀតថា ក្នុងនោះគឹគេបានមកសិក្សានៅប្រទេសកម្ពុជាគេ​ឃើញ​ថា ដោយសារតែអំពើពុករលួយរដ្ឋាភិបាលកម្ពុជាមួយឆ្នាំៗបាត់ចំណូល​រហូតទៅដល់​ប្រាំ​រយ​លានដុល្លា ហើយដោយសារតែចំណូលរបស់រដ្ឋមិនចូលទៅក្នុងឃ្លាំង​រដ្ឋតែបែរ​ជាទៅ​ចូល​ក្នុង​ហោប៉ាវអ្នកដឹកនាំពុករលួយទៅវិញ នេះហើយហៅថាអំពើពុករលួយពីសំណាក់អ្នក​ដឹកនាំ​ប្រ​ទេសនោះ ហើយប្រាក់ចំណូលដែលបាត់បង់ដោយសារតែអំពើពុករលួយមានចំនួនប្រាំរយ​លាន​ដុល្លានេះ គឺវាស្មើទៅនិងចំនួនដែលត្រូវយកមកតំឡើងប្រាក់ខែជូនមន្រ្តីរាជការ​ឲ្យបាន​យ៉ាងតិច១លានរៀលក្នុងមួយខែ គឺយើងត្រូវការប្រាក់ប្រមាណប្រាំរយលានដុល្លាក្នុងមួយឆ្នាំ ហើយ ប្រាំរយលានដុល្លាក្នុងមួយឆ្នាំនេះគឺវាស្មើទៅនិងប្រាក់ដែលបាត់​បង់ដោយសា​រ​តែ​អំពី​ពុករលួយពីសំណាក់មេដឹកនាំប្រទេសរបស់យើង ដែលនេះគឺជាតួលេខដែលអង្គការUSAID​ គេបានសន្និដ្ឋានកាលពីប្រាំពីរទៅប្រាំបីឆ្នាំមុន ក៏ប៉ុន្តែមកទល់និងពេលសព្វថ្ងៃនេះ​លោកជឿ​ថា​ការបាត់បង់ចំណូលរបស់រដ្ឋដោយសារតែអំពើពុករលួយនេះ គឺវាច្រើនជាងប្រាំរយលាន​ដុល្លាទៅទៀត គឺវាអាចគុណជាពីររហូតឡើងដល់១ពាន់លានដុល្លាឯណោះ ដែលនេះលោក​គ្រាន់តែ​និយាយអំពីចំណូលរបស់រដ្ឋប៉ុណ្ណោះ ។

លោក សម រង្ស៊ី មានប្រសាសន៏បន្តទៀតថា ឥឡូវយើងនិយាយអំពីការចំណាយរបស់រដ្ឋ​វិញ​ម្តង ការចំណាយរបស់រដ្ឋក៏ត្រូវជនពុករលួយអ្នកដឹកនាំប្រទេសសព្វថ្ងៃគេបំប៉ោងខ្ទង់ចំណាយ យ៉ាងសម្បើមផងដែរ ក្នុងនោះលោកសូមលើកយកការធ្វើផ្លូវជាឧទាហរណ៏ ប្រសិន​បើ​ការ​ធ្វើ​ផ្លូវ​មួយខ្សែអស់ប្រាក់ចំនួន១០លានដុល្លា​ ហើយដោយសារតែអំពើពុករលួយនេះគឺ​គេបាន​បំ​ប៉ោងចំណាយនោះឡើងទៅដល់២០លាន ទៅ៣០លានដុល្លា គឺតម្លៃលើសពីរបីដងពីតម្លៃពិត ហើយគេយកលុយទាំងនោះពីរដ្ឋ មកចូលក្នុងហោប៉ាវរបស់ពួកគេ ដូច្នេះការចំណាយដែល​ត្រូវ​បានគេបំប៉ោងខ្ទង់ដើម្បី​ប្រព្រឹត្តអំពើពុករលួយនេះ កាលពីប្រាំពីរ ប្រាំបីឆ្នាំមុនគឺរ​ដ្ឋ​ខាត​យ៉ាង​តិចណាស់ក៏ប្រាំរយលានដុល្លាផងដែរ​ ហើយឥឡូវមកដល់ឆ្នាំ២០១២-២០១៣នេះ លោក​​ជឿថា ការចំណាយរបស់រដ្ឋដែល ត្រូវបានគេបំប៉ោងក៏ធ្វើឲ្យរដ្ឋខាតយ៉ាងតិចណាស់ក៏​ជិត​ប្រាំពាន់លាន ហើយអាចប្រហែលទៅដល់មួយពាន់លានដុល្លាទៀត ។

លោក សម រង្ស៊ូ បានបន្តទៀតថា ដូច្នេះប្រសិនបើយើងបូកចំនួនប្រាក់ចំណូលរបស់រដ្ឋដែល​បាត់បង់ដោយសារអំពើពុករលួយ គឺច្រើនជាងប្រាំរយលានដុល្លា ហើយបើយើងមើលប្រាក់ ចំណាយដែលយើងបានចំណាយហួសហេតុខុសរឿងដោយសារតែអំពើពុករលួយក៏ជាងប្រាំ រយលានដុល្លាទៀត ដូច្នេះបើរាប់ទៅវារាប់ពាន់លានដុល្លា ។ លោក សម រង្ស៊ី ថ្លែងទៀតថា យើងត្រូវការប្រាក់តែប្រាំរយលានដុល្លា ដើម្បីតំឡើងប្រាក់ខែជូនមន្រ្តីរាជការគ្រប់រូបឲ្យ​បាន​យ៉ាងតិចចំនួន១លានរៀលក្នុងមួយខែក្រោយពីការបោះឆ្នោតឆ្នាំ២០១៣ខាង គឺយើងត្រូវការ​តែ​ប្រាំរយលានដុល្លាតែប៉ុណ្ណោះ

ដូច្នេះបើយើងលុបបំបាត់ ឬមួយក៏យើងកាត់បន្ថយអំពើពុករលួយតែបន្តិច គឺយើងប្រមូលលុយ បានច្រើនណាស់ដើម្បីយកមកតំឡើងប្រាក់ខែជូនមន្រ្តីរាជការ ហើយក្នុងនោះផងដែរ ជាទូទៅ ក៏យើងយកមកជួយប្រជាពលរដ្ឋក្រីក្រដូចអ្វីដែលជាគោលនយោ​បាយ​របស់គណបក្ស សង្គ្រោះជាតិ ដែលបានដាក់ចេញក្នុងការជួយដល់បងប្អូនជនរួមជាតិរបស់យើង ជាពិសេសគឺ ចាស់ៗលោកតា លោកយាយ ដែលមានអាយុចាប់ពី៦៥ឆ្នាំឡើងទៅគឺយើងនិងផ្តល់​ប្រាក់​ឧបត្ថ​មដល់ពួកគាត់ម្នាក់ៗឲ្យបានយ៉ាងតិចចំនួនបួនម៉ឺនរៀលក្នុងមួយខែ ហើយក្នុងនោះផង​ដែ​រ ការចំណាយ ក្នុងការជួយឧបត្ថមដល់ចាស់ជរាគឺយើងចំណាយអស់ត្រឹមតែ៧០​លាន​ដុល្លា​តែប៉ុណ្ណោះ ហើយ ៧០លានដុល្លានេះប្រសិនបើយើងប្រៀបធៀបទៅនិងអំពើពុករលួយ​ដែល​ធ្វើ​ឲ្យរដ្ឋខាតបង់រាប់ពាន់លានដុល្លានោះ គឺប្រាក់ចំនួន៧០លានដុល្លានេះ ជាចំនួនទឹកប្រាក់​ដែលតិចតួចស្តួចស្តើងខ្លាំងណាស់ ។

លោក សម រង្ស៊ី ប្រធានគណបក្ស សង្គ្រោះជាតិ បានមានប្រសាសន៏ទៀតថា ដូច្នេះប្រសិនបើ យើងលប់បំបាត់អំពើពុករលួយតែបន្តិចនៅថ្នាក់លើ គឺយើងប្រមូលលុយបានច្រើន ​សម្រាប់​យក​​មកជួយប្រជាពលរដ្ឋក្រីក្រ និងមន្រ្តីរាជការ ដែលជាអ្វីយើងត្រូវធ្វើនិងជួយមុនគេនោះ ព្រោះ​យើងត្រូវតែដឹងគុណអ្នកបំរើជាតិ អ្នកការពារជាតិ តែគួរឲ្យស្តាយរដ្ឋាភិបាលយើងសព្វ ថ្ងៃ ដែលដឹកនាំដោយគណបក្សប្រជាជន មានលោក ហ៊ុន សែន ជានាយករដ្ឋមន្រ្តីគឺគេមិនដឹង​គុណ និងមិនឲ្យតម្លៃអ្នកបំរើជាតិឡើយ គេគិតតែពីគាបសង្កត់អ្នកបំរើជាតិ ការពារជាតិ​ធ្វើ​ឲ្យ ពួ​កគាត់រស់នៅមានការលំបាកជាទីបំផុត ។

ទាំងអស់នេះហើយ គឺជាភាពអយុត្តិធម៌បំផុតសម្រាប់អ្នកបំរើជាតិ និងការពារជាតិ ហើយជាទូ​ទៅក៏វាអយុត្តិធម៌ដល់ប្រជាពលរដ្ឋក្រីក្រផងដែរ ដូច្នេះហើយយើងត្រូវតែលុបបំបាត់អំពើ ពុក​រលួយនៅថ្នាក់លើដើម្បីយើងប្រមូលលុយឲ្យបានច្រើន សម្រាប់យកមកជួនប្រជាពលរដ្ឋ ដែល​ក្រីក្រ និងយកមកកសាងប្រទេសជាតិឲ្យបានត្រឹមត្រូវ និងជាពិសេសជាងនេះទៅ​ទៀត​នោះ ដើម្បីយកមក​តំឡើងប្រាក់ខែជូនមន្រ្តីរាជការ ដើម្បីឲ្យមន្រ្តីរាជការបំពេញតួនាទីរបស់ពួក​គាត់​ឲ្យបានសមរម និងថ្លៃថ្នូរ ព្រមទាំងឲ្យមានប្រសិទ្ធភាពដើម្បីបំរើប្រជាពលរដ្ឋឲ្យ​បាន​ដិត​ដល់ ។ ក្នុងនោះផង​ដែរដូចជាគ្រូបង្រៀន ដើម្បីឲ្យពួកគាត់បង្រៀនកូនរបស់យើងឲ្យ​បាន​ដិត​ដល់ ដើម្បីឲ្យកូនចៅយើងមានអនាគតភ្លឺថ្លាទៅថ្ងៃមុខ មានចំណេះវិជ្ជាខ្ពង់ខ្ពស់ គឺទាម​ទារ​យ៉ាង​ដាច់ខាតត្រូវ​តែផ្តល់ប្រាក់ខែជូនគ្រូបប្រៀនឲ្យពួកគាត់បានរស់នៅសមរម្យ សម្រាប់​ដោះ​ស្រាយជីវភាព​ប្រចាំថ្ងៃដែលជាតម្រូវការដ៏ចាំបាច់របស់ពួកគាត់ ។

ដូច្នេះសរុបសេចក្តីមកមានតែគណបក្ស សង្គ្រោះជាតិ តែមួយប៉ុណ្ណោះដែលយកចិត្តទុកដាក់ យ៉ាងខ្លាំងចំពោះមន្រ្តីរាជការ បុគ្គលិករដ្ឋ លោកគ្រូ-អ្ន​កគ្រូ កម្មករ-កម្មការីនី ចាស់ជរា យុវជន និងប្រជាពលរដ្ឋទូទៅ ក៏ដូចជាប្រទេសជាតិផងដែរ ដើម្បីធ្វើឲ្យជាតិមានការរីកចំរើនជឿន​លឿន ដែលមានការទទួលស្គាល់ជាអន្តរជាតិ ៕