លោក អាង គឹមអៀង បានមានប្រសាសន៍ថា "ខ្មែរយើង ឆ្នាំនេះ ឃើញថា ចេញទៅខាងចិនច្រើន។ ខ្មែរយើងចេញទៅចិន រហូតដល់យើង អត់មានសំបុត្រកប៉ាល់ហោះ លក់ឲ្យគាត់។ ខ្មែរយើង ក៏មានចេញ ទៅកាន់ប្រទេសជិតខាង ដូចជា ថៃ និងវៀតណាម សម្រាប់បុណ្យឆ្លងឆ្នាំសកលនេះផងដែរ។ ក្នុងឱកាសចេញទៅក្រៅប្រទេស នៅថ្ងៃបុណ្យឆ្លងឆ្នាំសកលនេះ ក្រៅតែពីកំសាន្ត ខ្មែរយើងក៏ចេញទៅក្រៅប្រទេស ដើម្បីពង្រីកឱកាសជំនួញផងដែរ ដូចជា ទៅរកផលិតផលថ្មី និងទៅរកដៃគូពាណិជ្ជកម្មផងដែរ"។
ងាកទៅមើលនៅតាមតំបន់រមណីយដ្ឋានទេសចរណ៍ នៅក្នុងស្រុកវិញ ដូចជា នៅសៀមរាប កំពង់សោម និងភ្នំបូកគោ ខេត្តកំពត ជាដើម ក៏ត្រូវបានលោកប្រធានសមាគមទីភ្នាក់ងារទេសចរណ៍កម្ពុជា លើកឡើងថា តាមសណ្ឋាគារផ្ទះសំណាក់ ត្រូវបានភ្ញៀវចូលស្នាក់នៅពេញៗ។
យ៉ាងណាក៏ដោយ លោក អាង គឹមអៀង ក៏បានអំពាវនាវដល់អ្នកផ្តល់សេវាកម្មទេសចរណ៍ ពិសេសការតម្លើងថ្លៃបន្ទប់ស្នាក់នៅ អ្នកលក់ម្ហូបអាហារ និងកន្លែងជួលតូបអង្គុយ តាមតំបន់កម្សាន្តនោះ គួរតែកែប្រែ កុំគិតលុយថ្លៃជាងថ្ងៃធម្មតាពេក លើអ្នកទៅកំសាន្ត ដែលនាំឲ្យអ្នកទេសចរ រាងចាល ហើយចុងក្រោយតំបន់ទេសចរណ៍នោះទាំងមូល ទៅថ្ងៃក្រោយ នឹងលែងមានអ្នកទៅកំសាន្តតែម្តង។
ដោយឡែក នៅតាមសណ្ឋាគារធំៗ នៅភ្នំពេញ ដូចជា សណ្ឋាគារ ណាហ្គា វើល និងសណ្ឋាគារ កាំបូឌីយ៉ាណា ជាដើម ក៏មានរៀបចំពិធីរាប់ថយក្រោយ Count Down ដើម្បីឆ្លងឆ្នាំសកល ឆ្នាំ២០១២ ចូលឆ្នាំ២០១៣ នៅយប់ថ្ងៃទី៣១ ខែធ្នូ ឆ្នាំ២០១២ ផងដែរ។ នេះបើតាមការបញ្ជាក់របស់លោក អាង គឹមអៀង៕
No comments:
Post a Comment
yes