សមរង្ស៊ី៖ទាល់តែមានការផ្លាស់ប្តូរអ្នកដឹកនាំសព្វថ្ងៃហើយជ្រើសរើសអ្នកដឹកនាំថ្មីដែល ស្រ លាញ់ជាតិស្រលាញ់ប្រជារាស្រ្តស្រលាញ់យុត្តិធម៌ស្រលាញ់ខ្មែរគ្នាឯងទើបយើងអាច សង្គ្រោះប្រទេសជាតិបាន

លោក សម រង្ស៊ី ប្រធានគណបក្ស សង្គ្រោះជាតិ

ប្រទេសកម្ពុជាក្រោមការដឹកនាំរបស់លោក ហ៊ុន សែន អស់រយៈពេលជាច្រើនឆ្នាំកន្លងមកនេះ បាននិងកំពុងតែជួបគ្រោះអាសន្នយ៉ាងច្រើនអនែកដែលមិនអាចរកអ្វីមកគណនាបានឡើយ ។

ជាមួយគ្នានេះលោក ហ៊ុន សែន ក៏ជាមេដឹកនាំដែលគ្មានសមត្ថភាពថែមទៀតផង ដែលមិន​ខុសគ្នាទៅនិងការលើកឡើងរបស់ថ្នាក់ដឹកនាំចលនាប្រជាធិបតេយ្យសង្គ្រោះជាតិនោះទេ ដែលបានមានប្រសាសន៏ថា លោក ហ៊ុន សែន គឺជាមេដឹកនាំដែលចេញមកពីសាលាកំទិច ដូច្នេះរូបលោក​មិនអាចធ្វើការដឹកនាំប្រទេសឲ្យមានការរីកចំរើនបានឡើយ ។

ក្នុងនោះផងដែរ លោក ហ៊ុន សែន ក៏បាននិងកំពុងតែបើកដៃយ៉ាងខ្លាំងដោយបណ្តោយឲ្យ ជន​ជាតិយួនចូលមករស់នៅក្នុងប្រទេសកម្ពុជាយ៉ាងអនាធិបតេយ្យបំផុត និងបានមកបំផ្លាញ ទ្រព្យសម្បត្តិធម្មជាតិរបស់ខ្មែរអស់ជាច្រើន ព្រមទាំងបានធ្វើការបង្ខិតព្រំដែនចូលមកកម្ពុជា កាន់តែជ្រៅទៅៗផងដែរទាំងព្រំដែនគោក និងព្រំដែនទឹក ។

យ៉ាងណាម៉ិញ ដើម្បីបញ្ចប់បញ្ហាទាំងអស់នេះ និងដើម្បីសង្គ្រោះប្រទេសជាតិឲ្យបានរួចផុតពី ការគ្រប់គ្រងរបស់គណបក្សប្រជាជនដែលមានលោក ហ៊ុន សែន ជានាយករដ្ឋមន្រ្តី គឺមានតែ បងប្អូនប្រជាពលរដ្ឋចូលរួមជាមួយនិងគណបក្ស សង្គ្រោះជាតិ តែមួយប៉ុណ្ណោះ ព្រោះដោយ ហេតុថាគណបក្ស សង្គ្រោះជាតិ គឺប្រមូលផ្តុំទៅដោយអ្នកស្នេហាជាតិ ស្រលាញ់លទ្ធិប្រជាធិ បតេយ្យ ។

ជាមួយគ្នានេះជារៀងរាល់ថ្ងៃថ្នាក់ដឹកនាំចលនាប្រជាធិបតេយ្យដង្គ្រោះជាតិ ក៏​បានធ្វើតំណើរ​ចុះជួបជាមួយប្រជាពលរដ្ឋគ្មានពេលទំនេរផងដែរ ក្នុងការផ្សព្វផ្សាយគោលនយោបាយ និងធ្វើ ការបង្ហាញស្លាកសញ្ញាគណបក្ស សង្គ្រោះជាតិ ឲ្យពួកគាត់បានស្គាល់និងបានដឹង ដែលជា​កត្តាមួយសម្រាប់ផ្តល់ភាពងាយស្រួលជូនពួកគាត់ នៅពេលបោះឆ្នោតជាតិអាណត្តិទី៥ថ្ងៃ​ទី២៨ខែកក្កដា ឆ្នាំ២០១៣ចូលមកដល់ ។

ព្រមជាមួយគ្នានេះ នៅមួយរយៈចុងក្រោយគណបក្ស សង្គ្រោះជាតិ គឺទទួលបានការគាំទ្រ យ៉ាង​ខ្លាំងពីប្រជាពលរដ្ឋខ្មែរដែលសន្ទុះបែបនេះមិនធ្លាប់មានទេតាំងតែពីមុនមក ដែលសកម្ម ភាពបែបនេះបង្ហាញឲ្យឃើញថា សម្រាប់ការបោះឆ្នោតជាតិឆ្នាំ២០១៣នេះ គណបក្ស សង្គ្រោះជាតិ និងទទួលបានជ័យជំនះជាក់ជាមិនខានឡើយ ។

សូមជំរាបជូនផងដែរថា នៅក្នុងពិធីជួបជាមួយប្រជាពលរដ្ឋ សកម្មជន សកម្មនារី និងអ្នកគាំ​ទ្រកាលពីពេលកន្លងទៅថ្មីៗនេះលោក សម រង្ស៊ី ប្រធានគណបក្ស សង្គ្រោះជាតិ បានមានប្រ​សា​សន៏ថា ការចូលរួមរបស់បងប្អូនប្រជាពលរដ្ឋជាមួយនិងគណបក្ស សង្គ្រោះជាតិ ដែលមាន​ចំ​នួនកាន់តែច្រើនឡើងបែបនេះ គឺជាចរន្តដែលខ្លាំងបំផុត ហើយចរន្តនេះនិងនាំមកនូវជ័យជំ នះជូនគណបក្ស សង្គ្រោះជាតិ ជូនប្រទេសជាតិ និងជូនប្រជាពលរដ្ឋខ្មែរទាំងអស់ ។

លោក សម រង្ស៊ី បានមានប្រសាសន៏បន្តទៀតថា វាជាការចាំបាច់ណាស់ ដែលអ្នកស្នេហាជាតិ អ្នកប្រជាធិបតេយ្យ ត្រូវរួបរួមគ្នាជាធ្លុងមួយ ហើយខ្មែរទាំងអស់ដែលមានឈាមជ័រជាខ្មែរ ដែលមានព្រលឹងជាខ្មែរ អ្នកស្រលាញ់ជាតិ ស្រលាញ់ទឹកដី ស្រលាញ់យុត្តិធម៌ យើងរួបរួមគ្នា ដើម្បីសង្គ្រោះប្រទេសជាតិរបស់យើងឲ្យទាល់តែបាននៅឆ្នាំ២០១៣នេះ ដែលក្នុងនោះគឺនៅ សល់តែរយៈពេលប្រាំ ប្រាំមួយខែទៀតប៉ុណ្ណោះនិងមានការបោះឆ្នោតដើម្បីធ្វើការផ្លាស់ប្តូរ ។

ប្រធានគណបក្ស សង្គ្រោះជាតិ លោក សម រង្ស៊ី បន្តទៀតថា ទាល់តែមា​នការផ្លាស់ប្តូរអ្នកដឹក នាំសព្វថ្ងៃនេះចេញ ហើយជ្រើសរើសអ្នកដឹកនាំថ្មីដែលមានទឹកចិត្តស្រលាញជាតិ ស្រលាញ់ ប្រជារាស្រ្ត ស្រលាញ់យុត្តិធម៌ ស្រលាញ់ខ្មែរគ្នាឯងទើបយើងអាចសង្គ្រោះប្រទេសជាតិរបស់ យើងបាន ។ លោក សម រង្ស៊ី បន្តថា ដាច់ខាតយើងត្រូវតែសង្គ្រោះទឹកដីរបស់យើង ព្រោះទឹក ដីយើងកំពុងតែបាត់បង់ច្រើនណាស់ដែលត្រូវបានបរទេសឈ្លានពានជាពិសេសគឺយួន ដែល​គេបានរំកឹលព្រំដែនចូលមកក្នុងទឹកដីប្រទេសកម្ពុជា ដូចអ្វីដែលបងប្អូនបានឃើញ និងបាន​យល់ យ៉ាងច្បាស់អំពីការឈ្លានពានរបស់យួនដែលលេបត្របាក់ទឹកដីរបស់យើង​ទាំងដែន​ដី​គោល និងដែនដីសមុទ្រ ។

ដូច្នេះយើងត្រូវតែសង្គ្រោះទឹកដីមាតុភូមិកម្ពុជាដែលជាទីស្រលាញ់របស់យើងទាំងអស់គ្នា ហើយដាច់ខាតនិងចាំចាប់បំផុតយើងត្រូវតែសង្គ្រោះដីធ្លី ដីស្រែ ដីចំការ ភូមិរបស់យើង វត្ត​យើង ព្រៃឈើយើង បឹងបួរ ស្ទឹងទន្លេរ រហូតទៅដល់សមុទ្រ និងកោះដែលនៅ​កណ្តាល​សមុទ្រ គឺខ្មែរយើងបានបាត់បង់អស់ជាច្រើន ដែលក្នុងនោះយួនបានយកយ៉ាងច្រើនបំផុត ។ 

ហេតុដូចនេះយើងត្រូវតែរួបរួមគ្នាសង្គ្រោះទឹកដី និងទ្រព្យសម្បត្តិជាតិរបស់យើង ព្រមទាំង​ទ្រព្យ​សម្បត្តិរបស់ប្រជារាស្រ្តដែលរដ្ឋាភិបាលសព្វថ្ងៃ បានបណ្តោយឲ្យបរទេស​ឈ្លានពាន លេបត្របាក់ទឹកដីយើង ហើយនាំក្រុមហ៊ុនឯកជនមកលួចប្លន់ដីធ្លីស្រែចំការរបស់យើង​បន្ថែម​ទៀតនោះ ។

លោក សម រង្ស៊ី បានមានប្រសាសន៏បន្តទៀតថា យើងត្រូវតែសង្គ្រោះជីវិតប្រជារាស្រ្ត​ខ្មែរ បើ​ខ្មែរអស់ដី អស់ព្រៃ អស់ត្រី មិនដឹងជាបានអ្វីរស់នោះទេ គឺត្រូវបាត់បង់ជីវិត ។ ដូចច្នេះយើង​ត្រូវតែសង្គ្រោះជីវិតប្រជារាស្រ្តខ្មែរ សង្គ្រោះជីវភាពរស់នៅរបស់ពលរដ្ឋខ្មែរ សង្គ្រោះអនាគត់​កូនចៅយើងទាំងអស់គ្នា ។

ប្រធានគណបក្ស សង្គ្រោះជាតិ បន្តថា អ្វីទាំងអស់នេះគឺជាបេសកកម្មជាប្រវត្តិសាស្រ្ត ដែល​យើង​ត្រូវតែរួបរួមគ្នាដើម្បីសង្គ្រោះជាតិមាតុភូមិ ប្រជារាស្រ្តខ្មែរ និងដើម្បីជាអនាគត​កូនចៅ​យើង ។ ជាមួយគ្នានោះលោក សម រង្ស៊ី ក៏បានសម្តែងការកោតសរសើរចំពោះថ្នាក់​ដឹកនាំ​គណ​បក្ស សង្គ្រោះជាតិ ទាំងអស់ ដែលចេះរួបរួមគ្នា និងធ្វើការជាមួយគ្នា ដែលជាគំរូដ៏ល្អ​របស់មេដឹកនាំសម្រាប់ពលរដ្ឋ ។ លោកថាឥឡូវនេះលោកមើលឃើញ ​ខ្មែរយើង​ដែលជា​អ្នក​ស្រលាញ់ជាតិដូចគ្នា ចេះធ្វើការជាមួយគ្នា ដែលក្នុងនោះមកពីគណបក្ស សម រង្ស៊ី គណបក្ស សិទ្ធិមនុស្ស ព្រមទាំងមានសមាជិកមកពីមូលដ្ឋានដែលរួមមានសមាជិកពីគណបក្ស ហ៊្វុន​ស៊ិន​ប៉ិច គណបក្ស នរោត្តម និងគណបក្សប្រជាជនជាដើម ។

ទាំងអស់នេះបង្ហាញឲ្យឃើញថា ខ្មែរគ្រប់មជ្ឈដ្ឋាន និងគ្រប់គណបក្សឥឡូវបានភ្ញាក់រលឹក និង​យល់ដឹងច្បាស់អំពីកាតព្វកិច្ចរបស់យើងម្នាក់ៗដែលចាំបាប់ត្រូវតែរួបរួមគ្នា ដើម្បី​សង្គ្រោះ​ប្រ​ទេស​កម្ពុជាឲ្យបាននៅឆ្នាំ២០១៣នេះ ។  

ជាមួយគ្នានោះ លោក សម រង្ស៊ី ប្រធានគណបក្ស សង្គ្រោះជាតិ ក៏បានសម្តែងនូវការកោត​សរ​សើរចំពោះសមាជិក សមាជិការ នៅមូលដ្ឋានពីគណបក្ស សម រង្ស៊ី និងគណបក្ស សិទ្ធិមនុស្ស ដែលស្ថិតនៅក្រោមស្លាកគណបក្ស សង្គ្រោះជាតិ ដែលយើងត្រូវតែសង្គ្រោះជាតិជាមួយគ្នា ហើយលោកបានសង្កេតឃើញទឹកចិត្តរបស់សមាជិក សមាជិការ សកម្មជន និងកម្មនារី គ្រប់​ជាន់ថ្នាក់ ដោយពួកគាត់បានចុះបំពេញភារកិច្ចការងារជារៀងរាល់ថ្ងៃយ៉ាងសកម្មបំផុត ហើយ​បានលះបង់ពេលវេលា ដើម្បីធ្វើការផ្សព្វផ្សាយគោលនយោបាយរបស់គណបក្ស សង្គ្រោះ​ជាតិ និងស្លាកសញ្ញាគណបក្ស ដើម្បីឲ្យប្រជាពលរដ្ឋពួកគាត់បានដឹង ក្នុងការផ្តល់​ភាពងាយ​ស្រួលជូនពួកគាត់នៅថ្ងៃបោះឆ្នោត ។

លោក សម រង្ស៊ី បន្តថា នៅមួយរយៈពេលចុងក្រោយនេះគណបក្ស សង្គ្រោះជាតិ ទទួលបាន ការគាំទ្រយ៉ាងខ្លាំង ដែលចរន្តនៃការគាំទ្ររបស់ពលរដ្ឋមកលើគណបក្ស សង្គ្រោះជាតិ បែប​នេះ គឺជាព្រឹត្តិការណ៏ជាប្រវត្តិសាស្រ្តបង្ហាញឲ្យឃើញថា ចរន្តនេះគណបក្ស សង្គ្រោះជាតិ និង​ឈ្នះលើការបោះឆ្នោតជាក់ជាមិនខាន ហើយលោកក៏បានស្នើរសុំឲ្យប្រជាពលរដ្ឋខ្មែរ​ទាំង​អស់​បន្តគាំទ្រ និងចូលរួមជាមួយគណបក្ស សង្គ្រោះជាតិ បន្ថែមទៀតឲ្យបានច្រើនឡើង​ជាអតិ​បរ​មា ដើម្បីនាំមកនូវជ័យជំនះសម្រាប់ជាតិយើងទាំងអស់គ្នានៅឆ្នាំ២០១៣នេះ ៕