ថ្នាក់ដឹកនាំចលនាប្រជាធិបតេយ្យសង្គ្រោះជាតិចុះជួបពលរដ្ឋផ្សព្វផ្សាយគោលនយោបាយ និងបើកវគ្កសិក្ខាសាលាដល់យុវជនភាពជាអ្នកដឹកនាំ

ចលនាប្រជាធិបតេយ្យសង្គ្រោះជាតិ ដែលជាចលនារបស់អ្នកប្រជាធិបតេយ្យ ស្នេហាជាតិ ស្រ លាញ់ប្រជាពលរដ្ឋ បាននិងកំពុងតែទទួលបានការគាំទ្រពីសំណាក់ប្រជាពលរដ្ឋយ៉ាងច្រើន លើសលប់ ដែលសកម្មភាពបែបនេះមិនដែលធ្លាប់មានទេតាំងតែពីមុនមក ។

ព្រមជាមួយគ្នានេះផងដែរ សកម្មភាពលើកស្លាកគណបក្ស សង្គ្រោះជាតិ ការផ្សព្វផ្សាយគោល នយោបាយដល់ពលរដ្ឋ គឺថ្នាក់ដឹកនាំចលនាប្រជាធិបតេយ្យសង្គ្រោះជាតិ បាននិងកំពុងតែធ្វើ យ៉ាងសកម្មបំផុត ដោយគ្មានពេលសំរាកនោះឡើយនៅរៀងរាល់ថ្ងៃទូទាំងប្រទេស ។

ក្នុងនោះនៅថ្ងៃទី២៣ ខែកុម្ភៈ ឆ្នាំ២០១៣ ពេលព្រឹកថ្នាក់ដឹកនាំចលនាប្រជាធិបតេយ្យ​សង្គ្រោះជាតិ ខេត្តបាត់តំបង ដែលដឹកនាំដោយលោកស្រី មួរ សុខហួរ ជាប្រធាន វត្តមាន​ចូល​រួមរបស់លោក អ៊ូ ចាន់រតន៏ ព្រមទាំងអមតំណើរដោយថ្នាក់ដឹកនាំខេត្ត និងស្រុក ចុះជួបពល​រដ្ឋនៅសង្កាត់ឱម៉ាល់ ក្រុងបាត់ដំបង ហើយមួយក្រុមទៀតដឹកនាំដោយលោក នូ ពិសាខា វត្ត​មានចូលរួមលោក ហ៊ុល គន្ធបូរ៉ា លោក ពិន រតនា ព្រមទាំងក្រុមការងារខេត្តនិង​ស្រុកមួយ​ចំនួនទៀត អញ្ជើញធ្វើតំណើរចុះជួបពលរដ្ឋនៅភូមិថ្មី ឃុំព្រៃតូច ស្រុកមោងឬស្សី ។

ចំណែកនៅពេលរសៀលកម្មវិធីប្រារព្វធ្វើនៅសង្កាត់ក្តុលដូនទាវ ក្រុងបាត់ដំបង ក្រោម​ការ​ដឹកនាំរបស់លោកស្រី មូរ សុខហួរ សមាជិករដ្ឋសភា និងលោក នូ ពិសាខា សមាជិករដ្ឋសភា ព្រមជាមួយនិងក្រុមការងារខេត្ត ហើយនិងស្រុក ។ ជាមួយគ្នានោះនៅថ្ងៃទី២៤ ខែកុម្ភៈ ឆ្នាំ២០​១៣ ពេលព្រឹកលោក នូ ពិសាខា សមាជិករដ្ឋសភា ក៏ដឹកនាំក្រុមការងារខេត្ត ហើយនិង​ស្រុក​ចុះជួ​​ប​​សំណេះសំណាលជាមួយប្រជាពលរដ្ឋនៅភូមិតាសាញ់ ឃុំតាសាញ់ ស្រុកសំឡូត​ផង​ដែរ បន្ទាប់មកនិងធ្វើពិធីលើកស្លាកគណបក្ស សង្គ្រោះជាតិ នៅទីស្នាក់ការកណ្តាល​ស្រុក​សំឡូត ។

រីឯនៅឯខេត្តពោធិ៍សាត់នៅថ្ងៃទី២៣ ខែកុម្ភៈ ឆ្នាំ២០១៣ នៅទីស្នាក់ការគណបក្ស សង្គ្រោះ​ជាតិខេត្តមួយថ្ងៃពេញគឺបានរៀបចំកម្មវិធីសិក្ខាសាលាដល់យុវជនក្រោមប្រធានបទភាពជា អ្នកដឹកនាំ ដែលបង្ហាញជូនដោយលោក សោរ ចាន់ដេត លោក ឡុង បូតា លោក សាន សៀក គីន និងលោក យាង ស៊ុនហួត ។ ហើយនៅពេលរសៀលលោក ថាច់ ស៊ីថា សមាជិកព្រឹទ្ធស ភា លោក ងឹម ញ៉េញ ប្រធានចលនាប្រជាធិបតេយ្យសង្គ្រោះជាតិខេត្ត អមតំណើរដោយក្រុម ការងារខេត្ត និងស្រុកមួយចំនួនទៀត បានធ្វើតំណើរចុះទៅជួបជាមួយប្រជាពលរដ្ឋនៅឃុំ អន្លងរាប ស្រុកវាលវែង ខេត្តពោធិ៍សាត់ ។

គួរជំរាបជូនថា សកម្មភាពបែបនេះថ្នាក់ដឹកនាំចលនាប្រជាធិបតេយ្យសង្គ្រោះ និងនៅតែបន្ត​ធ្វើជារៀងរហូតទូទាំងប្រទេស ដើម្បីនាំមកនូវការផ្លាស់ប្តូរនៅឆ្នាំ២០១៣ ៕