កម្មកររោងចក្រឃីងឡែន បិទកំណាត់ផ្លូវជាតិលេខ២
កម្មកររោងចក្រ ឃីងឡែន
ដែលមានទីតាំងស្ថិតនៅសង្កាត់ចាក់អង្រែក្រោម
នៅម៉ោង៩ព្រឹកថ្ងៃអាទិត្យនេះ បានចាប់ផ្តើមបិទផ្លូវជាតិលេខ២ដើម្បីបង្ខំឲ្យស្ថាប័នដោះស្រាយផ្តល់ប្រាក់អត្ថប្រយោជន៍ផ្សេងៗដល់ពួកគេបន្ទាប់ពីថៅកែរោងចក្ររត់ចោលរោងចក្រ
។
កម្មករបានឲ្យដឹងថា ពួកគេមិនចង់បិទផ្លូវទេប៉ុន្តែថា
ជម្រើសចុងក្រោយគឺមានតែការបិទផ្លូវបែបនេះឯង ។
នៅក្នុងនោះដែរកម្មករបានសំណូមពរលោកនាយករដ្ឋមន្ត្រី
ហ៊ុន សែន ឲ្យជួយដោះស្រាយផ្តល់ប្រាក់ខែដល់ពួកគេផងដែរ ដោយពួកគេបញ្ជាក់ថាពួកគេបានចំណាយពេលប្រមាណពីរខែមកហើយ
ដើម្បីសុំអន្តរាគមន៍ពីស្ថាប័នផ្សេងៗឲ្យមានដំណោះស្រាយ ។
នៅម៉ោងជាង៩ព្រឹក គេសង្កេតឃើញមានកម្លាំងសមត្ថកិច្ចជាច្រើន
នៅតំបន់រោងចក្រឃីងឡែន ដែលមានទីតាំងនៅក្នុងសង្កាត់ចាក់អង្រែក្រោម
រាជធានីភ្នំពេញនេះ ។ ចំណែកចរាចរណ៍វិញបានកកស្ទះយ៉ាងខ្លាំង ។ ទោះជាយ៉ាងណាគេមិនទាន់ឃើញមានការប៉ះទង្គិចគ្នារវាងក្រុមបង្ក្រាប
និងកម្មករនៅឡើយទេ ។
សូមបញ្ជាក់ថា ថៅកែរោងចក្រឃីងឡែន
ដែលមានទីតាំងស្ថិតនៅក្នុងសង្កាត់ចាក់អង្រែក្រោម រាជធានីភ្នំពេញ
បានរត់ចោលរោងចក្រតាំងពីដើមខែមករា ឆ្នាំ២០១៣
ដោយមិនបានទូទាត់ប្រាក់ខែចុងក្រោយ
និងប្រាក់អត្ថប្រយោជន៍ផ្សេងៗជូនកម្មករនោះទេ ។ ចាប់ពីពេលនោះមក
កម្មករបាននាំគ្នាបិទរោងចក្រ
ដោយមិនឲ្យមានការដឹកសម្ភារៈផ្សេងៗចេញពីរោងចក្រនោះទេ ៕
No comments:
Post a Comment
yes