សង្គមស៊ីវិលចំនួនបួន បង្ហាញការខកចិត្តក្នុងសេចក្តីថ្លែងការមួយ ដែលតុលាការកំពូលច្រានចោលសំណើរសុំនៅក្រៅឃុំរបស់សកម្មជនដីធ្លី នៅសហគមន៍បឹងកក់ អ្នកស្រី យ៉ោម បុប្ផា នៅព្រឹកថ្ងៃពុធនេះ។
សាលាដំបូងរាជធានីភ្នំពេញ កាលពីចុងឆ្នាំ២០១២ បានចោទប្រកាន់សកម្មជនដីធ្លីរូបនោះថា ជាអ្នកប្រើហិង្សាវាយបុរសអ្នករត់ម៉ូតូឌុបពីរនាក់ឲ្យរងរបួស និងត្រូវផ្តន្ទាទោសឲ្យជាប់ពន្ធនាគារ៣ឆ្នាំ ដោយពិន័យជាប្រាក់៦០លានរៀល។
អង្គការទាំងបួននោះ រួមមាន សមាគមធាងធ្នោត អង្គការសមធម៌កម្ពុជា អង្គការលីកាដូ និងមជ្ឈមណ្ឌលអប់រំច្បាប់សម្រាប់សហគមន៍។
អង្គការទាំងបួន លើកឡើងក្នុងសេចក្តីថ្លែងការណ៍ចេញផ្សាយថ្ងៃពុធនេះថា អ្នកស្រី យ៉ោម បុប្ផា មិនបានប្រព្រឹត្តអំពើដូចបទចោទរបស់សាលាដំបូងទេ។ អង្គការទាំងបួន អំពាវនាវឲ្យតុលាការកំណត់កាលបរិច្ឆេតរបស់សវនាការសាលាឧទ្ធរណ៍ និងបញ្ចប់ការលូកដៃផ្នែកនយោបាយណាមួយក្នុងករណីនេះ៕
No comments:
Post a Comment
yes