លោកអេងឆៃអ៊ាងលោកអ៊ូចាន់ឬទ្ធិបានជួបពលរដ្ឋនៅខេត្តបាត់ដំបងចំណែកលោក អ៊ូ ចាន់រ័ត្នអនុប្រធានចលនាប្រជាធិបតេយ្យសង្គ្រោះជាតិខេត្តបន្ទាយមានជ័យចុះជួបពលរដ្ឋនៅស្រុកថ្មពួក រីឯក្រុមការងារខេត្តកំពង់ឆ្នាំងក៏ធ្វើតំណើរចុះជួបពលរដ្ឋនៅតាមមូលដ្ឋាននានា ក្នុងស្រុកកំពង់ត្រឡាចផងដែរ

ដោយសារតែប្រព័ន្ធផ្សព្វផ្សាយរបស់គណបក្ស សង្គ្រោះជាតិ ត្រូវបានរដ្ឋាភិបាលរបស់លោក ហ៊ុន សែន ធ្វើការរារាំងមិនឲ្យផ្សព្វផ្សាយមានភាពទូលំទូលាយនោះ ថ្នាក់ដឹកនាំគណបក្ស​ សង្គ្រោះជាតិ បានធ្វើការសម្រេចយុទ្ធសាស្រ្តក្នុងការចុះជួបពលរដ្ឋនៅតាមមូលដ្ឋានដោយ​ផ្ទាល់ ដើម្បីធ្វើ ការសំ ណេះសំណាល ជួបសួរសុខទុក្ខ និងផ្សព្វផ្សាយគោលនយោបាយរបស់ គ​ណបក្ស សង្គ្រោះជាតិ ដល់ពួកគាត់ឲ្យបានដឹង ក៏ដូចជាការបង្ហាញស្លាកសញ្ញារបស់​គណ​បក្សសង្គ្រោះជាតិឲ្យពលរដ្ឋ បាន ស្គាល់ផងដែរ ដែលគណបក្ស សង្គ្រោះជាតិ មានរូបសញ្ញា​ព្រះ​អាទិត្យរះ និងមានពន្លឺកាំរស្មី ចំនួ ន ២៤នៅព័ទ្ធជុំវិញ ។

គួរជំរាបជូនផងដែរថា នៅថ្ងៃទី២៨ ខែមីនា ឆ្នាំ២០១៣លោក អេង ឆៃអ៊ាង និងលោក អូ ចាន់ ឬទ្ធិ បានធ្វើតំណើរចេញពីខេត្តពោធិ៍សាត់ឆ្ពស់ទៅខេត្តបាត់ដំបងដើម្បីជួបជាមួយប្រជាពល​រដ្ឋរស់នៅទីនោះ ដែលក្នុងនោះចែកចេញពី២ក្រុម ក្រុមទី១ដឹកនាំដោយលោក អេង ឆៃអ៊ាង អមតំណើរដោយក្រុមការងារខេត្តនិង​ស្រុក បានធ្វើតំណើរចុះជួបពលរដ្ឋនៅភូមិលាវ ឃុំ​បន្ទាយ​ត្រែង ស្រុកថ្មគោល និងនៅពេល​រសៀលលោក អេង ឆៃអ៊ាង បានបន្តដំណើរ​ចុះជួប​ពលរដ្ឋនៅភូមិស្តៅ ឃុំបាយដំរាំ ស្រុកបាណន់ ។

ចំណែកក្រុមទី២ដឹកនាំដោយលោក អ៊ូ ចាន់ឬទ្ធិ អមតំណើរដោយក្រុមការងារខេត្ត និងស្រុក​ផងដែរ បានធ្វើដំ​ណើរចុះជួបពលរដ្ឋពេលព្រឹកនៅភូមិសម្តេច ឃុំតាប៉ុន ស្រុកសង្កែ ពេល​

រសៀលនៅភូមិសំ​រោង ឃុំសំរោង ស្រុកឯកភ្នំ ។

គួរជំរាបជូនផងដែរថា កាលពីថ្ងៃទី២៧ ខែមីនា ឆ្នាំ២០១៣ យុវជនសង្គ្រោះជាតិរបស់គណ​បក្សសង្គ្រោះជាតិខេត្តបាត់ដំបង ដែលដឹកនាំដោយលោក ជា ជាវ និង កញ្ញា ស៊ិន រ៉ូហ្សេត បាន​ដឹកនាំក្រុម​ការងារ ចុះជួបពលរដ្ឋពេលព្រឹកនៅភូមិកូនក្អែក ឃុំរបស់មង្គល ស្រុកមោង​ឬស្ស៊ី ចំណែកពេល រសៀលបានចុះជួបពលរដ្ឋនៅភូមិគា១ ឃុំគា ស្រុកមោងឬស្ស៊ី ដដែល ។

ជាមួយគ្នានោះ នៅថ្ងៃទី២៨ ខែមីនា ឆ្នាំ២០១៣ លោក អ៊ូ ចាន់រ័ត្ន ដែលជាអនុប្រធានចលនា ប្រជាធិបតេយ្យសង្គ្រោះជាតិបន្ទាយមានជ័យ ក៏បានដឹកនាំក្រុមការងារខេត្ត ហើយនិងស្រុក​ចុះជួបពលរដ្ឋ ពេល​ព្រឹកនៅភូមិប​ន្ទាយឆ្មាខាងលិច ឃុំបន្ទាយឆ្មា ស្រុកថ្មពួក និងពេល​រសៀល​លោក អ៊ូ ចាន់ រ័ត្ន បានដឹកនាំក្រុមការងារបន្តចុះជួបសំណេះសំណាល ក៏ដូចជាធ្វើ​ការ​ផ្សព្វផ្សាយគោល​នយោបាយរបស់គណបក្ស​ សង្គ្រោះជាតិ ដល់ប្រជាពលរដ្ឋនៅភូមិថ្មពួក ឃុំថ្មពួក ស្ថិតនៅក្នុង ស្រុកថ្មពួកដដែល ។

រីឯនៅខេត្តកំពង់ឆ្នាំងឯណោះវិញ ក្រុមការងារចលនាប្រជាធិបតេយ្យសង្គ្រោះជាតិខេត្តដែល ដឹកនាំដោយលោក ប៉ុល ទិត្យធានី បានចុះជួបពលរដ្ឋពេលព្រឹកនៅភូមិជំទាវសុខ ឃុំច្រេស ស្រុកកំពង់ត្រឡាច ហើយនៅពេលរសៀលកម្មវិធីបានប្រារព្វធ្វើនៅភូមិពានី ឃុំពានី ស្ថិតនៅ​​ក្នុងស្រុកកំពង់ត្រឡាចដដែល ៕