លោកអ៊ូចាន់រត្ន័អនុប្រធានចលនាប្រជាធិបតេយ្យសង្គ្រោះជាតិខេត្តបន្ទាយមានជ័យចុះជួប ពលរដ្ឋនៅតាមមូលដ្ឋានចំណែកក្រុមការងារខេត្តសៀមរាបចុះជួសជុលស្លាកគណបក្ស សង្គ្រោះជាតិនៅស្រុកពួកចំនួន១៤ស្លាកនិងចុះជួបជាមួយប្រជាពលរដ្ឋនៅក្រុងសៀមរាប រីឯនៅខេត្តបាត់ដំបងយុវជនគណបក្សសង្គ្រោះជាតិខេត្ត ដឹកនាំដោយលោកសួនចំរើននិង កញ្ញាស៊ិនរ៉ូហ្សេតក៏ចុះជួបពលរដ្ឋនៅមូលដ្ឋានដូចគ្នាផងដែរ

សកម្មភាពរបស់ថ្នាក់ដឹកនាំចលនាប្រជាធិបតេយ្យសង្គ្រោះជាតិ សព្វថ្ងៃនេះបាននិងកំពុងតែ​បំពេញធ្វើយ៉ាងផុសផុលបំផុត​ រួមទាំងយុវជនរបស់គណបក្ស​ សង្គ្រោះជាតិផងដែរ ក្នុងកា​រ​ចុះ​ជូបប្រជាពលរដ្ឋនៅតាមមូលដ្ឋាន ដើម្បីផ្សព្វផ្សាយនូវគោលនយោបាយរបស់គណបក្ស​ សង្គ្រោះជាតិ ឲ្យពួកគាត់បានដឹងបន្ថែមលើអ្វីដែលពួកគាត់ធ្លាប់បាន​ទទួលនាពេល​កន្ល​ង​មក ។

ជាក់ស្តែនៅថ្ងៃទី២៣ ខែមីនា ឆ្នាំ២០១៣លោក អ៊ូ ចាន់រត្ន័ អនុប្រធានចលនាប្រជាធិបតេយ្យ សង្គ្រោះជាតិខេត្តបន្ទាយមានជ័យ ដែលអមតំណើរដោយលោក កែ សម្ផស្ស សមាជិកក្រុម​ប្រឹក្សា​ខេត្តជាប់ឆ្នោត លោក ឱម ឈិនគ្រុយ សមាជិកក្រុមប្រឹក្សាខេត្តជាប់ឆ្នោត រួមជាមួយ​និងក្រុមប្រឹក្សាស្រុកជាច្រើនរូបទៀត ពេលព្រឹកបានធ្វើតំណើរចុះជួបពលរដ្ឋនៅភូមិទ្រាស ឃុំគោកកឋិន ស្រុកថ្មពួក និងពេលរសៀល កម្មវិធីសំណេះសំណាលបានប្រារព្វធ្វើនៅ​ភូមិ​តា​យឹង ឃុំគំរូ ស្រុកថ្មពួក​ ហើយបន្ទាប់មកលោក អ៊ូ ចាន់រ័ត្ន និងបន្តតំណើរទៅជួបពលរដ្ឋបន្ត​ទៀត​នៅភូមិថ្មី ឃុំគោក​រមាត ស្ថិតនៅក្នុងស្រុកថ្មពួកដដែល ។

រីឯនៅខេត្តសៀមរាបវិញ ក្រុមការងារចលនាប្រជាធិបតេយ្យសង្គ្រោះជាតិស្រុកពួក រួមជាមួយ និងឃុំ បានចុះជួសជុលស្លាករបស់គណបក្ស​ សង្គ្រោះជាតិ ចំនួន១៤ស្លាកទូទាំងស្រុក នៅ តាមបណ្តាឃុំនីមួយៗ បន្ថែមលើស្លាកជាច្រើនដែលបានលើក និងជួសជុលរួចរាល់នៅក្នុង​

ស្រុកពួកកាលពីពេលកន្លងទៅ ។

បន្ទាប់មកនៅពេលរសៀលថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តសៀមរាប ដែល​ដឹកនាំដោយលោក សុខ គឹមសេង បានចុះទៅជួបសំណេះសំណាលជាមួយប្រជាពលរដ្ឋ នៅសង្កាត់សំបួរ ក្រុងសៀមរាប ដែលក្នុងនោះមានពលរដ្ឋយ៉ាងច្រើនចូលរួមស្តាប់​នូវសារ​នយោ​បាយរ​ប​ស់គណបក្ស សង្គ្រោះជាតិ ជាសារអទិភាពចំនួន៧ចំណុច ជំរាបជូនដោយ​លោក សុខ គឹមសេង ក្រុមការងារខេត្ត ដែលសារទាំងនេះ និង ត្រូវយកទៅអនុវត្តន៏ភ្លាមៗនៅ​បន្ទាប់ការ​ទទួល​បានជ័យជំនះរបស់គណបក្ស សង្គ្រោះ​ជាតិ លើការបោះឆ្នោតថ្ងៃអាទិត្យ ទី២៨ ខែកក្កដា ឆ្នាំ២​០​១៣នេះ ។

ដោយឡែកនៅឯខេត្តបាត់ដំបងឯណោះវិញ យុវជនសង្គ្រោះជាតិ របស់គណបក្ស សង្គ្រោះ​ជាតិ ក៏បានបន្តសកម្មភាពរបស់ខ្លួនជាបន្តបន្ទាប់ផងដែរ ក្នុងការចុះទៅតាមមូលដ្ឋាននានា ដើម្បីធ្វើការផ្សព្វផ្សាយគោលនយោបាយរបស់គណបក្ស សង្គ្រោះជាត ក៏ដូចជាបន្តរកការគាំ​ទ្រ​បន្ថែមរបស់ពលរដ្ឋ មកលើគណបក្ស សង្គ្រោះជាតិបន្តទៀត លើចំនួននៃការគាំទ្ររបស់​ពល​រដ្ឋមកដល់គណបក្ស សង្គ្រោះជាតិ ដែលមានចំនួនយ៉ាងច្រើនអនេកហើយនោះ ។

ដោយនៅថ្ងៃទី២៣ ខែមីនា ឆ្នាំ២០១៣ យុវជនសង្គ្រោះជាតិ ខេត្តបាត់ដំបង ដែលដឹកនាំដោយ លោក សួន ចំរើន និងកញ្ញា ស៊ិន រ៉ូហ៊្សេត បានចុះទៅជួបពលរដ្ឋនៅភូមិកាប់រទេស ឃុំកំពង់ ព្រាង ស្រុកសង្កែ ។ អ្វីទាំងនេះ ក៏ជាការចង់ពង្រឹងពីសមត្ថភាពរបស់យុវជនឲ្យពួកគាត់មាន ភាពក្លាហានក្នុងការចុះជួបពលរដ្ឋនៅតាមមូលដ្ឋាន ព្រោះដោយហេតុថា ពួកគាត់ទាំងនោះនៅថ្ងៃអនាគត ក៏​និងក្លាយទៅជាអ្នកដឹកនាំផងដែរ ៕