មន្រ្តីគណៈកម្មាធិការ ជាតិរៀបចំ ការបោះឆ្នោត គ.ជ.បឲ្យដឹងថា គិតមកត្រឹមរសៀលថ្ងៃទី២៩ មេសា ២០១៣នេះ មានគណបក្សនយោបាយចំនួន៣ បានទៅចុះបញ្ជី គណបក្ស នយោបាយ ឈរឈ្មោះ បោះឆ្នោត និងចុះបញ្ជី បេក្ខជន ឈរឈ្មោះ បោះឆ្នោត នៅទីស្នាក់ការ គណៈកម្មាធិការ ជាតិរៀបចំ ការបោះឆ្នោត ដើម្បីចូលរួម ការបោះឆ្នោតជ្រើសតាំង តំណាងរាស្ត្រ នីតិកាលទី៥ ដែលនឹងប្រព្រឹត្តទៅ នៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ។
មន្រ្តីដដែលបព្ជាក់ថា គណបក្សនយោបាយចំនួន៣ គឺមានគណបក្សប្រជាជនកម្ពុជា គណបក្សសញ្ជាតិកម្ពុជា និងគណបក្សហ្វ៊ុនស៊ិនប៉ិច បានដាក់បញ្ជីបេក្ខជនរបស់ខ្លួន និងបានចុះឈ្មោះនៅគ.ជ.ប ជាផ្លូវការ ហើយគ.ជ.បបានទទួលរួចរាល់ហើយ ។
សូមបញ្ជាក់ថា ការចុះបញ្ជី គណបក្ស នយោបាយ ឈរឈ្មោះ បោះឆ្នោត និងការ ចុះបញ្ជីបេក្ខជន ឈរឈ្មោះ បោះឆ្នោត សម្រាប់ការ បោះឆ្នោត ជ្រើសតាំង តំណាងរាស្ត្រ នីតិកាលទី៥ ប្រព្រឹត្តទៅ ចាប់ពីថ្ងៃទី ២៩ ខែមេសា ដល់ថ្ងៃទី១៣ ខែឧសភា ឆ្នាំ២០១៣៕
No comments:
Post a Comment
yes