ពិធីប្រកាសសុពលភាពប្រធាន-អនុប្រធានក្រុមការងារគណបក្សសង្គ្រោះជាតិខេត្តស្វាយរៀងនិងបេក្ខភាពតំណាងរាស្រ្តអាណត្តិទី៥

កាលពីថ្ងៃទី១៨ ខែឧសភា ឆ្នាំ២០១៣ គណបក្សសង្គ្រោះជាតិខេត្តស្វាយរៀង បានធ្វើពិធីប្រ​កាស​ការតែងតាំងជាផ្លូវការ និងដំបូងគេបង្អស់នូវប្រធាន និងអនុប្រធានក្រុមការងារគណ​បក្ស​សង្គ្រោះជាតិជាផ្លូវការ ដែលក្នុងនោះវត្តមានប្រកាសសុពលភាពរបស់ប្រធាន និងអនុប្រធាន​ក្រុមការងារគណបក្សសង្គ្រោះជាតិរួមមានលោក គង់ គាំ ឧត្តមទីប្រឹក្សានយោបាយ​គណបក្ស​សង្គ្រោះជាតិ លោក យឹម សុវណ្ណ ប្រធានគណៈកម្មាធិការប្រតិបត្តិគណបក្សសង្គ្រោះជាតិ លោក យ៉ែម បុញ្ញឬទ្ធិ អគ្គនាយករដ្ឋបាលគណបក្ស សង្គ្រោះជាតិ ។

ក្នុងនោះគណបក្សបានសម្រេចតែងតាំងលោក រៀល ខេមរិន្ទ្រ ជាប្រធានក្រុមការងារគណ​បក្សសង្គ្រោះជាតិខេត្តស្វាយរៀង លោក គង់ សភា ជាអនុប្រធានក្រុមការងារគណ​បក្ស​សង្គ្រោះ​ជាតិខេត្តស្វាយរៀង ៕