ពលរដ្ឋជាអ្នកទេសចរនៅប្រាសាទព្រះវិហារ ថ្ងៃទី១០ វិច្ឆិកា
គណៈកម្មាធិការបេតិកភណ្ឌពិពលោករបស់ថៃ បានប្រកាសថា ខ្លួននឹងជំទាស់ទៅនឹងគម្រោងផែនការគ្រប់គ្រងប្រាសាទព្រះវិហាររបស់កម្ពុជា រហូតទាល់តែជម្លោះដែនដីជុំវិញប្រាសាទត្រូវបានដោះស្រាយជាស្ថាពរ។ ការប្រកាសបែបនេះបានធ្វើឡើងខណៈដែលគណៈកម្មាធិការបេតិកភណ្ឌពិភពលោក (WHC) គ្រោងបើកកិច្ចប្រជុំនៅខែមិថុនាឆ្នាំ ២០១៤ នៅឯប្រទេសកាតា និងបន្ទាប់ពីតុលាការក្រុងឡាអេបានសម្រេចកាលពីថ្ងៃ ១១ វិច្ឆិកាថា ដែនដីជុំវិញប្រាសាទព្រះវិហារជារបស់កម្ពុជា។
បើទោះបីជាតុលាការក្រុងឡាអេសម្រេចថា ដែនដីនៅជុំវិញប្រាសាទព្រះវិហារជារបស់កម្ពុជាក៏ដោយ ក៏ថៃនៅតែជំទាស់ទៅនឹងគម្រោងគ្រប់គ្រងប្រាសាទព្រះវិហាររបស់កម្ពុជាដដែល។ នេះបើយោងតាមអ្នកជំនាញការថៃដែលត្រូវបានកាសែតបាងកកប៉ុស្ត៍ ស្រង់សម្តីមកចុះផ្សាយនៅថ្ងៃសុក្រនេះ។
លោក Pithaya Pookaman ប្រធានគណៈកម្មាធិការបេតិកភណ្ឌពិភពលោកថៃបានព្រមានថា ផែនការគ្រប់គ្រងប្រាសាទព្រះវិហាររបស់កម្ពុជាត្រូវតែដកចេញពីរបៀបវារៈនៃកិច្ចប្រជុំរបស់គណៈកម្មាធិការបេតិកភណ្ឌពិភពលោក រហូតទាល់តែការកំណត់ពីព្រំដែនជុំវិញប្រាសាទត្រូវបានព្រមព្រៀងរវាងប្រទេសទាំងពីរជាមុនសិន។
រយៈពេលប៉ុន្មានថ្ងៃចុងក្រោយនេះ មន្ត្រីថៃបាននាំគ្នាចេញមុខប្រឆាំងដោយចំហផង និងដោយប្រយោលផង ទៅនឹងសាលដីកាតុលាការក្រុងឡាអេ កាលពីថ្ងៃទី១១ វិច្ឆិកា។ កាលពីថ្ងៃពុធ នៅក្នុងកិច្ចប្រជុំសភា គណបក្សប្រឆាំងថៃបានទាមទារឲ្យរដ្ឋាភិបាលក្រុងបាងកកបដិសេធចោលសាលដីកាតុលាការក្រុងឡាអេ។
នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា ក៏បានបញ្ជាក់នៅក្នុងអង្គសភាដែរថា លោកស្រីមិនដែលបានសន្យាថានឹងទទួលយកសាលដីកានេះទេ។ ប្រមុខរដ្ឋាភិបាលថៃថែមទាំងបានអះអាងពីការមិនព្រមដកទ័ពចេញពីតំបន់ព្រះវិហារទៅតាមសាលដីការបស់តុលាការទៀតផង។
គួរបញ្ជាក់ថា ប្រាសាទព្រះវិហារត្រូវបានអង្គការយូណេស្កូដាក់បញ្ចូលជាសម្បត្តិបេតិកភណ្ឌពិភពលោក កាលពីខែកក្កដា ឆ្នាំ២០០៨ បើទោះបីជាថៃបានតវ៉ាជំទាស់យ៉ាងខ្លាំងក៏ដោយ។ ទោះជាយ៉ាងណា ថៃនៅតែតវ៉ាជំទាស់ទៅនឹងផែនការគ្រប់គ្រង និងអភិវឌ្ឍន៍ប្រាសាទព្រះវិហារជារៀងរហូតមក។
ជាក់ស្តែង ខណៈដែលគណៈកម្មាធិការបេតិកភណ្ឌពិភពលោកគ្រោងបើកកិច្ចប្រជុំ នៅខែមិថុនា ឆ្នាំ២០១៤ខាងមុខនេះ នៅឯប្រទេសកាតា ថៃក៏ប្រកាសជំទាស់ទៅនឹងផែនការគ្រប់គ្រងប្រាសាទព្រះវិហារជាថ្មីទៀត។
យ៉ាងណាក៏ដោយ កម្ពុជាធ្លាប់បានពន្យល់ជាច្រើនលើកហើយថា ផែនការគ្រប់គ្រងប្រាសាទព្រះវិហារ គឺជាកិច្ចការរបស់កម្ពុជាដែលត្រូវធ្វើជាមួយអង្គការយូណេស្កូ ក្នុងនាមកម្ពុជាជាម្ចាស់កម្មសិទ្ធិលើប្រាសាទព្រះវិហារ៕
នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា ក៏បានបញ្ជាក់នៅក្នុងអង្គសភាដែរថា លោកស្រីមិនដែលបានសន្យាថានឹងទទួលយកសាលដីកានេះទេ។ ប្រមុខរដ្ឋាភិបាលថៃថែមទាំងបានអះអាងពីការមិនព្រមដកទ័ពចេញពីតំបន់ព្រះវិហារទៅតាមសាលដីការបស់តុលាការទៀតផង។
គួរបញ្ជាក់ថា ប្រាសាទព្រះវិហារត្រូវបានអង្គការយូណេស្កូដាក់បញ្ចូលជាសម្បត្តិបេតិកភណ្ឌពិភពលោក កាលពីខែកក្កដា ឆ្នាំ២០០៨ បើទោះបីជាថៃបានតវ៉ាជំទាស់យ៉ាងខ្លាំងក៏ដោយ។ ទោះជាយ៉ាងណា ថៃនៅតែតវ៉ាជំទាស់ទៅនឹងផែនការគ្រប់គ្រង និងអភិវឌ្ឍន៍ប្រាសាទព្រះវិហារជារៀងរហូតមក។
ជាក់ស្តែង ខណៈដែលគណៈកម្មាធិការបេតិកភណ្ឌពិភពលោកគ្រោងបើកកិច្ចប្រជុំ នៅខែមិថុនា ឆ្នាំ២០១៤ខាងមុខនេះ នៅឯប្រទេសកាតា ថៃក៏ប្រកាសជំទាស់ទៅនឹងផែនការគ្រប់គ្រងប្រាសាទព្រះវិហារជាថ្មីទៀត។
យ៉ាងណាក៏ដោយ កម្ពុជាធ្លាប់បានពន្យល់ជាច្រើនលើកហើយថា ផែនការគ្រប់គ្រងប្រាសាទព្រះវិហារ គឺជាកិច្ចការរបស់កម្ពុជាដែលត្រូវធ្វើជាមួយអង្គការយូណេស្កូ ក្នុងនាមកម្ពុជាជាម្ចាស់កម្មសិទ្ធិលើប្រាសាទព្រះវិហារ៕
No comments:
Post a Comment
yes