អ្នកស្រីទេព វណ្ណី សកម្មជនដីធ្លីតំបន់បឹងកក់ ផ្ដល់កិច្ចសម្ភាស
ដល់វិទ្យុបារាំងអន្ដរជាតិ ថ្ងៃទី១៧កុម្ភៈ ឆ្នាំ២០១៤
សកម្មជនដីធ្លី អ្នកភូមិបឹងកក់ បុរីកីឡា និងថ្មគោលប្រមាណជា ៥០ នាក់ បានរងការគំរាមកំហែង បន្ទាប់ពីមានក្មាន់កាំភ្លើងម្នាក់បានបាញ់កាំភ្លើងទៅលើរថយន្តក្រុងធ្វើដំណើររបស់ពួកគេ ទៅជិតខាងមុខមណ្ឌលសុខភាព គល់ស្ពានជ្រោយចង្វារ កាលពីម៉ោង ៨យប់ថ្ងៃសៅរ៍ ទី ២២ មីនា។ អ្នកស្រីទេព វណ្ណី តំណាងសកម្មដីធ្លីអ្នកភូមិបឹងកក់ បានបញ្ជាក់ថា ប្រសិនបើសមត្ថកិច្ចរកមុខជនល្មើសមិនឃើញនោះ អ្នកដែលនៅពីក្រោយក្រោយហេតុការណ៍នេះ គឺជាអាជ្ញាធរ។
ក្រុមសកម្មជនដីធ្លី អ្នកភូមិបឹងកក់ បុរីកីឡា និងថ្មគោល បានដាក់ពាក្យបណ្តឹងទៅកាន់ប៉ុស្តិ៍ប៉ូលីសសង្កាត់ស្រះចករួចរាល់ហើយនៅថ្ងៃអាទិត្យនេះ បន្ទាប់ពីសកម្មជនដីធ្លីប្រមាណជា ៥០ នាក់ ដែលធ្វើដំណើរលើរថយន្តក្រុង ដែលត្រលប់មកពីចូលរួមវេទិកានៅស្រុកជីក្រែង ខេត្តសៀមរាប បានរងការវាយប្រហារដោយក្មាន់កាំភ្លើងម្នាក់ កាលពីម៉ោង ៨យប់ថ្ងៃសៅរ ទី ២២ មីនា នៅត្រង់មុខមណ្ឌលសុខភាព គល់ស្ពានជ្រោយចង្វារ។
អ្នកស្រី ទេព វណ្ណី តំណាងសកម្មជនដីធ្លីអ្នកភូមិបឹងកក់បានបញ្ជាក់ប្រាប់វិទ្យុបារាំងអន្តរជាតិ RFI នៅព្រឹកថ្ងៃអាទិត្យនេះថា សកម្មភាពដែលបានកើតឡើងនេះ គឺជាការគំរាមកំហែងដល់អាយុជីវិតរបស់សកម្មជនដីធ្លី អ្នកភូមិបឹងកក់ បុរីកីឡា និងថ្មគោល ពីព្រោះ គ្រាប់កាំភ្លើងបានបាញ់សំដៅក្រុមសកម្មជន មិនមែនបាញ់សំដៅអ្នកបើករថយន្តនោះទេ។
បន្ទាប់ពីហេតុការណ៍នោះភ្លាម ក្រុមសកម្មជនទាំងអស់ក៏បានដាក់ពាក្យប្តឹងទៅកាន់ មន្ត្រីប៉ូលីសនៅក្នុងសង្កាត់ស្រះចករួចរាល់ហើយ ដើម្បីទាមទារឲ្យអាជ្ញាធរស្វែងរកអ្នកដែលប្រព្រឹត្តបទល្មើសនេះ។ អ្នកស្រីទេព វណ្ណីបានបញ្ជាក់ថា ប្រសិនបើសមត្ថកិច្ចរកមិនឃើញជនល្មើសនោះ ករណីគំរាមកំហែងនេះ ប្រាកដជា ជាប់ពាក់ព័ន្ធនឹងអាជ្ញាធរជាមិនខាន។
សូមបញ្ជាក់ថា នេះគឺជាលើកទីមួយហើយដែលសកម្មជនដីធ្លីអ្នកភូមិបឹងកក់ បុរីកីឡា និងថ្មគោលរងការគំរាមកំហែងដោយគ្រាប់កាំភ្លើងបែបនេះ ព្រោះកន្លងមកពួកគេធ្លាប់តែបានទទួលរងការគំរាមកំហែងដោយពាក្យសំដីនោះទេ។ នេះបើតាមការអះអាង របស់អ្នកស្រី ទេព វណ្ណី។ ក្នុងហេតុការណ៍បាញ់ប្រហារនេះ ពុំមានអ្នកទទួលរងគ្រោះនោះទេ៕
បន្ទាប់ពីហេតុការណ៍នោះភ្លាម ក្រុមសកម្មជនទាំងអស់ក៏បានដាក់ពាក្យប្តឹងទៅកាន់ មន្ត្រីប៉ូលីសនៅក្នុងសង្កាត់ស្រះចករួចរាល់ហើយ ដើម្បីទាមទារឲ្យអាជ្ញាធរស្វែងរកអ្នកដែលប្រព្រឹត្តបទល្មើសនេះ។ អ្នកស្រីទេព វណ្ណីបានបញ្ជាក់ថា ប្រសិនបើសមត្ថកិច្ចរកមិនឃើញជនល្មើសនោះ ករណីគំរាមកំហែងនេះ ប្រាកដជា ជាប់ពាក់ព័ន្ធនឹងអាជ្ញាធរជាមិនខាន។
សូមបញ្ជាក់ថា នេះគឺជាលើកទីមួយហើយដែលសកម្មជនដីធ្លីអ្នកភូមិបឹងកក់ បុរីកីឡា និងថ្មគោលរងការគំរាមកំហែងដោយគ្រាប់កាំភ្លើងបែបនេះ ព្រោះកន្លងមកពួកគេធ្លាប់តែបានទទួលរងការគំរាមកំហែងដោយពាក្យសំដីនោះទេ។ នេះបើតាមការអះអាង របស់អ្នកស្រី ទេព វណ្ណី។ ក្នុងហេតុការណ៍បាញ់ប្រហារនេះ ពុំមានអ្នកទទួលរងគ្រោះនោះទេ៕
No comments:
Post a Comment
yes