លោក រ៉ុង ឈុន ប្រធានសហភាពសហជីពកម្ពុជា (រូបថត៖ តាត ឧត្តម)
ប្រធានសហភាពសហជីពកម្ពុជា លោក រ៉ុង ឈុន
នឹងទៅបំពេញបេសកកម្មក្រៅប្រទេសចាប់ពីថ្ងៃទី២៦ ខែមីនា ដល់ថ្ងៃទី៧
ខែឧសភា ឆ្នាំ២០១៤
ដើម្បីស្វែងរកការគាំទ្រឲ្យដោះលែងសកម្មជនមួយចំនួនឲ្យមានសេរីភាព។
សេចក្តីប្រកាសព័ត៌មានរបស់សហភាពសហជីពកម្ពុជា
ចេញផ្សាយនៅថ្ងៃទី២៥ខែមីនា ឲ្យដឹងថា ដំណើរបេសកកម្មនេះ
នឹងត្រូវធ្វើឡើងនៅប្រទេសចំនួនពីរ គឺកាណាដា និងសហរដ្ឋអាមេរិក។
លោក រ៉ុង ឈុន នឹងជួបជាមួយអង្គការសិទ្ធមនុស្សសហជីព
និងសហគមន៍ខ្មែរនៅកាណាដា និងសហរដ្ឋអាមេរិក
ដើម្បីស្វែងរកសំឡេងគាំទ្រក្នុងការដោះលែងមេដឹកនាំសមាគម សកម្មជនដីធ្លី
និង កម្មករទាំង២១នាក់ ដែលកំពុងជាប់ឃុំនៅពន្ធនាគារត្រពាំងផ្លុង
ឲ្យមានសេរីភាព ដោយគ្មានលក្ខខណ្ឌ និងការដំឡើងប្រាក់ឈ្នួលគោល ១៦០
ដុល្លារ។
ការបំពេញបេសកកម្មនេះ មានរយៈពេល៦សប្តាហ៍ ហើយលោក រ៉ុង ឈុន
នឹងធ្វើបទបង្ហាញពីព្រឹត្តិការណ៍ ដែលបានកើតឡើងមកលើកម្មករ
និងស្ថានភាពនៃការរំលោភសិទិ្ធមនុស្សនានានៅកម្ពុជាដល់សហគមន៍ខ្មែរ
និងមេដឹកនាំសហជីពអន្តរជាតិ៕
No comments:
Post a Comment
yes