លោកអនុប្រធានកឹមសុខាទទួលការស្វាគមន៏យ៉ាងកក់ក្តៅពីសំណាក់សកម្មជននិងពលរដ្ឋខ្មែរនៅប្រទេសញូហ្សឡែនក្នុងដំណើរបេសកកម្មការងារជាអន្តរជាតិ

នៅបន្ទាប់ពីបំពេញបេសកកម្មការងារក្នុងស្រុកយ៉ាងមមារញឹក លោកអនុប្រធាន កឹម សុខា បាន បន្តដំណើរទៅប្រទេសញូហ្សេឡែន ដើម្បីជួបជាមួយពលរដ្ឋខ្មែររស់នៅទីនោះ និងមន្រ្តីសំខាន់ៗ​នៃប្រទេសនេះ ទទួលយកអនុសាសន៏ ក្នុងការរកដំណោះស្រាយ ដើម្បីបញ្ចប់ការជាប់គាំង​នយោ​បាយ​នៅក្នុងប្រទេសកម្ពុជា ដែលបានអូសបន្លាយជាង១០ខែមកហើយនោះ ។

ការជាប់គាំងនយោបាយនៅក្នុងប្រទេសកម្ពុជា រហូតមកទល់និងពេលនេះ ដើមចមបណ្តាលមក ពីគណបក្សប្រជាជន និង គជប ដែលមិនយុត្តិធម៌ ត្រឹមត្រូវ និងឯករាជ្យ រួមគ្នាប្លន់យកឆន្ទះពល​រដ្ឋ ដែលបានបោះឆ្នោតគាំទ្រគណបក្សសង្គ្រោះជាតិ មានចំនួនយ៉ាងច្រើនលើសលប់​ដើម្បីឲ្យ​គណ​បក្សសង្គ្រោះជាតិ ដឹកនាំរដ្ឋាភិបាលថ្មី កាលពីថ្ងៃទី២៨ កក្កដា ២០១៣កន្លងទៅ ។

សូមជំរាបថា នៅបន្ទាប់ពីវត្តមានរបស់លោកអនុប្រធាន កឹម សុខា អញ្ជើញដល់ប្រទេសញូហ្សេ ឡែន សកម្មជនគណបក្ស និងពលរដ្ឋខ្មែររស់នៅប្រទេសនោះ បានទទួលស្វាគមន៏លោកអនុប្រ ធាន កឹម សុខា យ៉ាងកក់ក្តៅបំផុត ព្រមជាមួយគ្នានោះ លោកអនុប្រធាន កឹម សុខា ក៏បានជួប សំណេះសំណាលជាមួយពួកគាត់ និងធ្វើការជំរាបជូនការវិវឌ្ឍន៏នយោបាយនៅកម្ពុជា និងគោល ជំហ៊ររបស់គណបក្ស ក្នុងការជួបចរចារជាមួយគណបក្សប្រជាជនកន្លងមក ដើម្បីទំលាយការ ជាប់​គាំងនយោបាយបច្ចុប្បន្ន ។

លោកថា គណបក្សប្រជាជន ជានិច្ចជាកាល គឺគ្មានគោលជំហ៊រក្នុងការរកដំណោះស្រាយជាតិ​ឡើយ ដោយមិនបានឯកភាពលើចំណុចសំខាន់ៗដែលគណបក្សសង្គ្រោះជាតិ ដាក់ជូនដើម្បី ស្នើឲ្យមានតម្លាភាពគ្នារវាងគណបក្សទាំងពីរ ក្នុងប្រព័ន្ធផ្សព្វផ្សាយ និងការរៀបចំស្ថាប័ន គជប ឲ្យក្លាយទៅជាស្ថាប័នធម្មនុញ្ញ ដែលឯករាជ្យ យុត្តិធម៌ ត្រឹមត្រូវ ដើម្បីបំរើផលប្រយោជន៏ទូទៅ ពលរដ្ឋ និងប្រទេសជាតិ តែត្រូវបានគណបក្សប្រជាជន ធ្វើការបដិសេធជាដរា ។

ក្នុងនោះការគិចវេសរបស់គណបក្សប្រជាជន ដែលមិនចង់រៀបចំប្រទេសជាតិ ឲ្យក្លាយទៅ​ជា​

ប្រទេស មានលទ្ធិប្រជាធិបតេយ្យ ត្រឹមត្រូវ ពិតប្រាកដនោះ ទទួលរងការរិះគន់ធ្ងន់ៗពីសំណាក់​ពលរដ្ឋម្ចាស់ឆ្នោត ព្រមទាំងអង្គការ សង្គមស៊ីវិលជាតិ និងអន្តរជាតិផងដែរ ។

លោកអនុប្រធាន កឹម សុខា នៅបន្ទាប់ពីជួបសំណេះសំណាលជាមួយពលរដ្ឋ សកម្ម​​ជនគណបក្ស នៅប្រទេសញូហ្សេឡែន លោកក៏និងអញ្ជើញចូលជួបពិភាក្សា​ការងារ​ជា​មួយមន្រ្តីជាន់ខ្ពស់ សមាជិករដ្ឋសភា ប្រទេសនេះផងដែរ ។

គួរជំរាបជូនថា លោកអនុប្រធាន កឹម សុខា លោកបានចេញដំណើរទៅកាន់ប្រទេសញូហ្សេឡែន កាលពីថ្ងៃទី ១២ មិថុនា ២០១៤ និងវិលមកកម្ពុជាវិញ នៅថ្ងៃទី១៧ មិថុនា ២០១៤ បន្ទាប់មក​លោក និងលោក ប្រធាន សម រង្ស៊ី ព្រមទាំងថ្នាក់ដឹកនាំគណបក្សសង្គ្រោះជាតិ និងបន្តចុះ​ជួបជា​មួយពលរដ្ឋនៅ​តាមបណ្តាខេត្តនានាបន្ត ក៏ដូចជាការបន្តជជែកចរ​ចាររវាងក្រុមការងារ​បច្ចេក​ទេស​គណបក្ស​សង្គ្រោះជាតិ និងគណបក្សប្រជាជន ដើម្បីបញ្ចប់ការជាប់កគាំង​នយោបាយនៅ​កម្ពុជា ៕