សម រង្ស៊ីៈ ចង់រំដោះប្រទេសចេញពីរបបផ្តាច់ការ និងអោយ ហ៊ុន សែន ចុះពីតំណែង

នៅថ្ងៃទី១៦ ខែតុលា ឆ្នាំ២០១០ វេលាម៉ោង១១.00ដល់ម៉ោង១១.៤២នាទី នៅក្នុងស្នាក់ការ
គណបក្ស សម រង្ស៊ី បានធ្វើសន្និសីទកាសែតដោយលោក សម រង្ស៊ី ពីប្រទេសហ្វាំងឡង់ដោយមាន
ការចូលរួមពីមន្រ្តីសមាជិក សមាជិកា និង លោក យន្ត ថារូ អ្នកតំណាងរាស្រ្តមណ្ឌលបន្ទាយមានជ័យ
លោក នុត រំដួល អ្នកតំណាងរាស្រ្តមណ្ឌលកំពង់ស្ពឺ និង អ្នកសារព័ត៏មានជាតិ អន្តរជាតិ។
នៅក្នុងសន្និសីទកាសែតលោក សម រង្ស៊ី បានលើកឡើងថា៖
១ ការតស៊ូរបស់អ្នកស្រី មាស ស្រី និង លោក ព្រំ ជា បានធ្វើអោយប្រជាពលរដ្ឋខ្មែរនិងពិភពលោក
បានដឹងថា វៀតណាមចូលយកដីខ្មែរ
២ គណបក្ស សម រង្ស៊ី ចេញមុខការពារបូរណភាពទឹកដី និង ការពារដីស្រែប្រជាកសិករ។
៣ ប្តឹងសម្តេច ហ៊ុន សែន ក្នុងនាមប្រជាពលរដ្ឋខ្មែរដែលបាត់បង់ជីវិតក្នុងផែនការ ក៥ ដែលមាន
សម្តេច ហ៊ុន សែន ហេង សំរិន ដឹកនាំ។
៤ ថ្ងៃណាមួយសម្តេច ហ៊ុន សែន ត្រូវគេអូសកកមកាត់ទោសពាក់ព័ន្ធករណីគប់គ្រាប់បែកថ្ងៃ៣០ មិនា
១៩៩៧ ការសម្លាប់មន្ត្រីជាន់ខ្ពស់គណហ្វ៊ុនស៊ិនប៊ិចក្នុងព្រឹត្តិការណ៏ថ្ងៃ៥ ៦ កក្កដា ការបង្រ្កាបបាតុករ
ក្នុងឆ្នាំ១៩៩៨។
៥ រដ្ឋាភិបាលបានលូកដៃចូលទៅកិច្ចការផ្ទៃក្នុងប្រទេសជិតខាងក្នុងករណីតែងតាំង
លោក ថាក់ ស៊ីនស៊ីណាវ៉ាត្រា ជាទីប្រឹក្សា។
៦ បំណងចង់រំដោះប្រទេសចេញពីរបបផ្តាច់ការនិងចង់អោយសម្តេចហ៊ុន សែន ចុះចេញពីតំណែង។
៧ ដាក់ពាក្យបណ្តឹងនៅថ្ងៃទី២៤ ខែកញ្ញា ឆ្នាំ២០១០​នៅក្រុងញូវយ៉ក​សហរដ្ខអាមេរិចប្តឹង សម្តច ហ៊ុន សែន និង អ្នកពាក់ព័ន្ធឯកឧត្តម ហ៊ីង ប៊ុនហៀង និង ឯកឧត្តម ហ៊ុយ ពិសិដ្ឋ​។
៨ បោះពុម្ពផ្សព្វផ្សាយពាក្យបណ្តឹងប្តឹង សម្តច ហ៊ុន សែន និង អ្នកពាក់ព័ន្ធ។
៩ ធ្វើពីធីរលឹកខួប១៩ឆ្នាំ(២៣តុលា១៩៩១ ២៣តុលា២០១០)កិច្ចព្រមព្រៀងទីក្រុងប៉ារីសដោយលើក
យកបញ្ហារំលោភសិទ្ធិមនុស្ស និង ការជម្លៀសប្រជាពលរដ្ឋចេញពីលំនៅដ្ឋាន៕