លោក សម រង្ស៊ី ផ្ញើរូបមន្តនៃការបង្រួបបង្រួម
ប្រធាន គណបក្ស សម រង្ស៊ី ដែល កំពុង ស្ថិត នៅ ក្រៅ ប្រទេស បាន ធ្វើ លិខិត ផ្ញើទៅ ប្រធាន គណបក្ស សិទ្ធិមនុស្ស លោក កឹម សុខា ពីការ បង្រួប បង្រួម អ្នក ស្នេហា ជាតិ និង អ្នក ប្រជា ធិប តេយ្យ ក្នុង ការ ជម្រុញ អោយ មាន ការ ផ្លាស់ ប្តូរ របៀបគ្រប់គ្រងបច្ចុប្បន្ន។
នៅក្នុងលិខិតរបស់លោក សម រង្ស៊ី ផ្ញើទៅលោក កឹម សុខា កាលពីថ្ងៃទី២៤ មករា ដែលត្រូវបានckn-media ទទួលបាននៅថ្ងៃទី២៨ មករា ដោយលោក សម រង្ស៊ី សូមស្នើរូបបន្តនៃការរួបរួមគ្នារវាងគណបក្ស សម រង្ស៊ី និងគណបក្ស សិទ្ធិមនុស្ស ដូចជា រក្សាឈ្មោះគណបក្ស សម រង្ស៊ី ជាគណបក្សរួម ហើយឈ្មោះគណបក្សនេះនិងផ្លាស់ប្តូរនៅពេលលទ្ធផលនៃការបោះឆ្នោតនាពេលខាងមុខដែលទទួលបានយ៉ាងតិចមួយភាគបីនៃអាសនៈសភាទាំងមូល។ ផ្តល់សិទ្ធិជូនថ្នាក់ដឹកនាំគណបក្ស សិទ្ធិមនុស្ស នូវតួនាទី ជាអនុប្រធាន និងអគ្គលេខាធិការរង រួមទាំងតំណែងផ្សេងៗទៀត ក្នុងរចនាសម្ព័នគណបក្សចំនួន១ភាគ៤(អាសនៈ១ភាគ៤នេះគិតទៅតាមសមាមាត្រនៃសន្លឹកឆ្នោតដែលគណបក្សសម រង្ស៊ី និងគណបក្ស សិទ្ធិមនុស្ស បានទទួលក្នុងការបោះឆ្នោតជាតិ២០០៨)មេបក្សប្រឆាំង សម រង្ស៊ី បានប្រាប់ទៅលោក កឹម សុខា ថា ដោយស្ថានភាពប្រទេសកម្ពុជា ក្នុងអំណាចត្រួតត្រារបស់គណបក្សប្រជាជនកម្ពុជា ដែលបានប្រើប្រាស់អំណាច និងឥទ្ធិពលរបស់ខ្លួន ទៅបំពានលើអំណាចនៃស្ថាប័នជាតិនានាគាបសង្កត់ បំបិទសិទ្ធិសេរីភាពប្រជាពលរដ្ឋគ្រប់បែបយ៉ាងទាំងអយុត្តិធម៌ហើយរំខានដល់ចលនាអ្នកនយោបាយគណបក្សប្រជែងនានា។
សូមជម្រាបថា គណបក្ស សម រង្ស៊ី និងគណបក្ស សិទ្ធិមនុស្ស កាលពីថ្ងៃទី១៥ មករា ឆ្នាំ២០០៩ បានធ្វើការចុះហត្ថលេខាលើពិធីសារបង្កើតចលនាប្រជាធិបតេយ្យដើម្បីការផ្លាស់ប្តូរ។ ប៉ុន្តែមកដល់ពេលនេះនៅមិនទាន់ចេញជារូបរាងនិងជាដុំកំភួននៅឡើយទេ៕
No comments:
Post a Comment
yes