សារព័ត៌មានជួយខ្មែរ
Tuesday, January 11, 2011
សាលាដំបូងរាជធានីភ្នំពេញផ្អាកសវនាការពាក់ពន្ឋ័នឹងជនបរទេស៣នាក់ដែលបាន បញ្ចោញលិខិតអនាមិកគំរាមស្ថានទូតអូស្ត្រាលី អង់គ្លេសនិងសហរដ្ឋអាមេរិកប្រចាំនៅកម្ពុជា
សវនាការនៅព្រឹកថ្ងៃទី១១ ខែមករា ឆ្នាំ២០១១ ជាប់ពាក់ពន្ឋ័នឹងជនបរទេស៣នាក់ដែលបាន បញ្ចោញលិខិតអនាមិកគំរាមស្ថានទូតអូស្ត្រាលី អង់គ្លេសនិងសហរដ្ឋអាមេរិកប្រចាំក្នុង ព្រះរាជាណាចក្រកម្ពុជា នោះ បានត្រូវសាលាដំបូងរាធានី សម្រេចផ្អាកសវនាការនេះសិន ហើយបន្តទៅថ្ងៃទី២១ ខែមករា ឆ្នាំ២០១១ខាង មុខនេះវិញបន្ទាប់ពីបានសាកសួរជនបរទេស បានចំនួន២នាក់រួចមកទល់នឹងម៉ោងជាង១២ថ្ងៃត្រង់។កាលពីរសៀលថ្ងៃទី២៩ ខែធ្នូ ឆ្នាំ២០១០ សាលាដំបូងរាជធានីភ្នំពេញបានសម្រេចលើកពេល សវនាការរឿងក្តីរបស់ជនបរទេស៣នាក់នេ់ះ ដោយសារពុំមានវត្តមានតំណាងស្ថានទូតទាំង៣ ព្រមទាំងពុំមាន វត្តមានអ្នកបកប្រែចូលរួមក្នុងពេលសវនាការ។ បុរសបីរូបនោះមានឈ្មោះ D.P.POUDYAL ហៅ DIP អាយុ៤៤ឆ្នាំ ជនជាតិនេប៉ាល់ មានទីលំ នៅផ្ទះលេខ១៥៨ ផ្លូវលេខ៦៣ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ,ឈ្មោះ RAFIQUL ISLAM ហៅ KALAM អាយុ៤២ឆ្នាំ ជនជាតិបង់ក្លាដេស មុខរបរបើកភោជនីយដ្ឋានលក់ ម្ហូបឥណ្ឌា មានទីលំនៅផ្ទះលេខ៣៦ ផ្លូវលេខ១៧២ សង្កាត់ផ្សារកណ្តាល ខណ្ឌដូនពេញ រាជធានីភ្នំពេញ និងឈ្មោះ MIAH MOHAMMAD HAYM អាយុ៤៥ឆ្នាំ ជនជាតិបង់ក្លាដេស។បុរសទាំងនេះបានត្រូវសមត្ថកិច្ចប៉ូលិសនាយកដ្ឋានសន្តិសុខផ្ទៃ ក្នុងក្រសួងមហាផ្ទៃ ឃាត់ខ្លួន ជាបន្តបន្ទាប់ កាលពីថ្ងៃទី២ ខែមិថុនា ឆ្នាំ២០១០ និងខែកញ្ញា ឆ្នាំ២០១០ ដើម្បីយកមកធ្វើការសាកសួរ ពីករណីលិខិតអនាមិកគំរាមស្ថានទូតអូស្ត្រាលី អង់គ្លេស និងសហរដ្ឋអាមេរិក ប្រចាំព្រះរាជាណាចក្រ កម្ពុជាកាលពីខែមេសា ឆ្នាំ២០១០កន្លងទៅ។លិខិតអនាមិកដែលគំរាមនេះបានទៅដល់ស្ថានទូតទាំងបីតែម្តង ដែលក្នុងលិខិតនោះមានការ ជាប់ពាក់ពន្ឋ័នឹងការគំរាមកំហែងប៉ុនប៉ងធ្វើភេវរកម្ម។ លិខិតអនាមិកនោះដាក់ចំណងជើងថា “ភេវរករ ចំនួន៤នាក់នៃក្រុមអាល់កៃដាអាស៊ីអាគ្នេយ៍កំពុងមានវត្តមាននៅ រាជធានីភ្នំពេញ”។លិខិតអនាមិកដេលផ្ញើមកនេះមានចុះហត្ថលេខាដោយមនុស្ស៦នាក់មាន ឈ្មោះ DEEP-SHIVA-RAJ-KUMAR-MIYAN និង EDRIS ។ នៅក្នុងលិខិតនោះក៏បានបញ្ជាក់ចោទប្រកាន់ទៅលើ មនុស្ស៤នាក់ ផ្សេងទៀតថា មានជាប់ពាក់ពន្ឋ័នឹងអំពើភេវរកម្ម។ឆ្លងតាមការស្រាវជ្រាវ និងធ្វើកោសល្យវិច្ច័យលើស្នាមអក្សរសរសេរដៃជាភាសាអង់គ្លេសនៅលើ លិខិតអនាមិកនោះរួចមកប៉ូលិសបានរៀបចំកសាងសំណុំរឿងបញ្ជូនបុរសទាំង បីនាក់ មកតុលាការដើម្បីចាត់ការតាមច្បាប់៕
Subscribe to:
Post Comments (Atom)
No comments:
Post a Comment
yes