ប្រធានអង្គការយូណេស្កូ សម្ដែងកង្វល់ចំពោះការប៉ះទង្គិចគ្នា
នៅតំបន់ព្រំដែនកម្ពុជាថៃ
លោកស្រី អ៊ីរីណា បូកូវ៉ា ប្រធានអង្គការយូណេស្កូ បានសម្ដែងកង្វល់ទាក់ទងនឹងការប៉ះទង្គិចគ្នានៅតំបន់ប្រាសាទ ព្រះវិហារ ក្នុងប៉ុន្មានសប្ដាហ៍កន្លងទៅនេះ ដោយបានសង្កត់ធ្ងន់ថា សម្បត្តិវប្បធម៌បេតិកភណ្ឌពិភពលោកមួយនេះ
មិនគួរជាដើមចមនៃជម្លោះនោះទេ។
លោក ម៉ាស៊ូអ៊ូរ៉ា ដែលជាអតីតអគ្គនាយកនៃអង្គការយូណេស្កូ ពីឆ្នាំ១៩៩៩ ដល់ឆ្នាំ២០០៩ និងជាអតីតប្រធានគណៈកម្មាធិការសម្បត្តិបេតិកភណ្ឌពិភពលោក
ឆ្នាំ១៩៩៩ ក៏នឹងពិនិត្យមើលលើភាគីទាំងពីរផងដែរ ពីវិធីកាត់បន្ថយ
ភាពតានតឹង និងជំរុញឲ្យមានការពិភាក្សាជុំវិញការថែរក្សា និងអភិរក្សប្រាសាទព្រះវិហារ។
នៅក្នុងសេចក្ដីប្រកាសព័ត៏មានរបស់អង្គការយូណេស្កូបានបន្ត ឲ្យដឹងទៀតថា ប្រាសាទព្រះវិហារដែលបានសាងសង់កាលពីសតវត្សទី១១ ហើយបានចុះក្នុងបញ្ជីជាសម្បត្តិបេតិកភណ្ឌពិភពលោក ក៏ព្រោះប្រាសាទនេះមានតម្លៃជាសកលស្របទៅតាមអនុសញ្ញាបេតិកភណ្ឌពិភពលោក ឆ្នាំ១៩៦២ ដែលបានផ្ដល់សច្ចាប័នដោយប្រទេសកម្ពុជា និងថៃ ហើយថា ការរក្សានូវអនុសញ្ញានេះ បណ្ដាប្រទេសពាក់ព័ន្ធត្រូវទទួលស្គាល់ថា បេតិកភណ្ឌបែបនេះជាបេតិកភណ្ឌពិភពលោក ដែលការការពារ គឺជាកាតព្វកិច្ចរបស់សហគមន៍អន្តរជាតិទាំងមូលចូលរួមសហការ៕
No comments:
Post a Comment
yes