គណបក្សប្រឆាំងពីរជួបគ្នាដើម្បីស្វែងរកការបង្រួបបង្រួម
បន្ទាប់ពីការបរាជ័យក្នុងការចរចារគ្នាកាលពីខែមករាកន្លងទៅ នៅព្រឹកថ្ងៃព្រហស្បត្តិ៍នេះ ក្រុមមន្រ្តីគណបក្សសមរង្ស៊ីគណបក្សសិទ្ធិមនុស្ស
បានជួបប្រជុំគ្នាសាជាថ្មីដើម្បីស្វែងរកការបង្រួបបង្រួម ក្រោមអ្វីដែលហៅថា សម្ព័ន្ធភាពចលនាប្រជាធិបតេយ្យ។
ប៉ុន្តែយ៉ាងណាក៏ដោយ លទ្ធផលនៃជំនួបនៅព្រឹកមិញនេះ ពុំទាន់ត្រូវបានគេទម្លាយឲ្យដឹងនៅឡើយទេ។ លោក យឹម សុវណ្ណ អ្នកនាំពាក្យគណបក្សសមរង្ស៊ី គ្រាន់តែបានបង្ហើបឲ្យដឹងថា ជំនួបនោះក៏មានការចូលរួមពីគណបក្សតូចៗផងដែរ។សូមរំលឹកផងដែរថាគណបក្សសមរង្ស៊ី និងគណបក្សសិទ្ធិមនុស្សកាលពីឆ្នាំ២០០៩បានស្វះស្វែងរកការបង្រួប បង្រួមបញ្ចូលគ្នាឲ្យទៅជាគណបក្សប្រឆាំងតែមួយ ប៉ុន្តែគម្រោងនោះត្រូវបរាជ័យ ហើយក៏ត្រូវបានធ្វើការផ្តើមជាថ្មីឡើងវិញកាលពីអំឡុងខែមករាកន្លងទៅ ក៏ប៉ុន្តែទោះជាយ៉ាងណាក៏ដោយក៏ពុំទទួលបានសញ្ញាវិជ្ជមានណាមួយផងដែរ ដោយខាងគណបក្សសិទ្ធិមនុស្សលើកឡើងថា រូបមន្តដែលផ្តល់ឲ្យដោយលោក សម រង្ស៊ី សម្រាប់ការបង្រួបបង្រួមនោះ បានធ្វើឲ្យគណបក្សសិទ្ធិមនុស្សបាត់បង់ឈ្មោះរបស់ខ្លួន៕
No comments:
Post a Comment
yes