កម្ពុជាមានឯកសារគ្រប់គ្រាន់បញ្ជាក់ថា
ប្រាសាទព្រះវិហារជារបស់ខ្មែរ
មន្ត្រីជំនាញផែនទី និងភូមិសាស្ត្រកម្ពុជា បានបញ្ជាក់ថា ប្រទេសកម្ពុជា មានផែនទី និងសន្ធិសញ្ញាបារាំង-សៀម តម្កល់នៅឯអង្គការសហប្រជាជាតិរួចហើយ ដើម្បី បង្ហាញទៅអន្តរជាតិឲ្យដឹងថា ប្រាសាទព្រះវិហារគឺជាកម្មសិទ្ធិរបស់កម្ពុជា តែមួយគត់ នៅគ្រាដែលក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំជាបន្ទាន់មួយនៅថ្ងៃ១៤ ខែកុម្ភៈ នៅទីក្រុងញូវយ៉ក សហរដ្ឋអាមេរិក។
ដោយ សុខ សេរីការអះអាងនេះ គឺនៅស្របពេលដែលមន្ត្រីអ្នកនាំពាក្យក្រសួងការបរ
ទេស បារាំង ត្រូវបានប្រភពព័ត៌មានអន្តរជាតិ បានដកស្រង់ប្រសាសន៍ថា ក្រសួងការបរទេសបារាំង ត្រៀមនឹងផ្ដល់ផែនទីបារាំង-សៀម បើសិនណាកម្ពុជាត្រូវការ។ ប្រធានគណៈកម្មការចម្រុះកិច្ចការងារព្រំដែននៃរដ្ឋាភិបាលកម្ពុជា លោក
វ៉ា គឹមហុង ជាទេសរដ្ឋមន្ត្រី បានមានប្រសាសន៍ប្រាប់វិទ្យុអាស៊ីសេរីថា កម្ពុជាមានផែនទីនេះតម្កល់នៅអង្គការសហប្រជាជាតិរួចហើយ។ លោកបន្តថា ៖ «ជាផែនទីដែលយើងធ្វើបន្ទាប់ពីអនុសញ្ញា ១៩០៤ និងសន្ធិសញ្ញា ១៩០៧។ មានទាំងអស់ ៧ផ្ទាំង។ ខ្ញុំថា ផែនទីមានកំណត់ព្រំដែនអន្តរជាតិរួចទៅហើយ។ នៅសល់តែយើងទៅអនុវត្តនៅលើដីជាក់ស្ដែងបន្ថែមទៀតក្នុងការរុករក បង្គោលចាស់ និងបោះបង្គោលបន្ថែមថ្មីបន្ថែមនៅកន្លែងណាដែលមិន
មានបង្គោល ហ្នឹងជាតួនាទីរបស់អនុស្សរណៈនៃការយោគយល់គ្នាឲ្យភាគីទាំង២ ចុះធ្វើកិច្ចការនេះ»។ លោកបានបញ្ជាក់ថា ប្រទេសកម្ពុជា មានខ្សែបន្ទាត់
ព្រំដែនជាមួយថៃ ចំនួន ៨០៥គីឡូម៉ែត្រ និងបានបោះបង្គោលព្រំដែនចំនួន ៧៣បង្គោលនៅក្នុងសម័យបារាំង។ បង្គោលព្រំដែនចំនួន ២៥ ត្រូវបានរកឃើញ និង
បានឯកភាពគ្នារវាងកម្ពុជា និងថៃ។ នៅសល់បង្គោលព្រំដែនចំនួន ៤៨ទៀត កំពុងតែស្វែងរក។ មន្ត្រីអ្នកនាំពាក្យក្រសួងការបរទេសកម្ពុជា លោក កុយ គួង
បានមានប្រសាសន៍ថា កម្ពុជាត្រូវការផែនទីដទៃទៀតដែលមានការពាក់
ព័ន្ធគ្នា ៖ «រដ្ឋាភិបាល កម្ពុជា នឹងណែនាំស្ថានទូតកម្ពុជា នៅក្នុងទីក្រុងប៉ារីស ឲ្យទាក់ទងជាមួយក្រសួងការបរទេសបារាំង ដើម្បីពិនិត្យលទ្ធភាពថា តើយើងត្រូវ
ការផែនទីប្រភេទណាខ្លះទៀត?»។ ប្រធានក្រុមប្រឹក្សាសន្តិសុខរបស់អង្គការសហ
ប្រជា ជាតិ បានកោះហៅប្រជុំជាបន្ទាន់មួយនៅថ្ងៃទី១៤ ខែកុម្ភៈ ដើមសប្ដាហ៍ខាងមុខនេះ រវាងរដ្ឋមន្ត្រីការបរទេសកម្ពុជា លោក ហោ ណាំហុង រដ្ឋមន្ត្រីក្រ
សួងការបរទេសថៃ លោក កាស៊ីត ភិរម្យ (Kasit Piromya) និងរដ្ឋមន្ត្រីក្រសួងការបរទេស
ឥណ្ឌូណេស៊ី លោក ម៉ាទី ណាតាទ្បេហ្គាវ៉ា (Marty Natalegawa) ដែលជាប្រធានសមាគមអាស៊ាន ឲ្យចូលរួមប្រជុំដើម្បីដោះស្រាយជម្លោះរវាងកម្ពុជា-ថៃ។
ទាក់ទងទៅនឹងការអន្តរាគមន៍របស់ប្រទេសបារាំងនេះ កាសែតបាងកក ប៉ុស្តិ៍ (Bangkok Post) របស់ថៃ នៅថ្ងៃទី១០ ខែកុម្ភៈនេះ បានស្រង់សម្ដីលោក អាភីស៊ិត វេតឆាឈីវ៉ាក់ (Abhisit Vejjajiva) នាយករដ្ឋមន្ត្រីថៃ ដែលបាននិយាយថា លោកបដិសេធចោលចំពោះការស្ម័គ្រចិត្តអន្តរាគមន៍របស់បារាំងនេះ៕ប្រភពពីវិទ្យុ អាស៊ីសេរី
No comments:
Post a Comment
yes