តុលាការកំពូល រក្សាការសំរេចរបស់សាលាឧទ្ធរណ៏
លើសំណុំរឿងលោក សម រង្ស៊ី លោក ព្រំ ជា
និងអ្នកស្រី មាស ស្រី
តុលាការកំពូលបានសំរេចរក្សាការសំរេចរបស់សាលាឧទ្ទរណ៏លោកសមរង្ស៊ីជាប់ពន្ធ័នាគាររយៈពេល២ឆ្នាំនិងបង្គាប់ឲ្យលោកសមរង្ស៊ីនិងកសិករ២នាក់រួមគ្នាបង់ប្រាក់ផាកពិន័យនិងជំងឺចិត្តជាង៦០លានរៀល។សូមជំរាបថាការប្រកាសសាលក្រមរបស់តុលាការកំពូលនៅថ្ងៃទី១មិនានេះគឺបន្ទាប់ពីតុលាការកំពូលបានបើកសវនាការជំនុំជម្រះកាលពីថ្ងៃទី២៣កុម្ភះឆ្នាំ២០១១។
មេធាវីការពារក្តីឲ្យលោកសមរង្ស៊ីនិងកសិករពីរនាក់លោកជូងជូងីបានឲ្យដឹងថាការសំរេចសេចក្តីនេះមិនត្រឹមត្រូវទេអយុត្តិធម៌
ណាស់សំរាប់កូនក្តីរបស់លោកនិងកសិករពីរនាក់។ទង្វើរលោកសមរង្ស៊ីធ្វើមិនមែនចង់បំផ្លាញបង្គោលព្រំដែនទេគឺលោកមានបំណងចង់ឲ្យមានដំណោះស្រាយបោះបង្គោលព្រំដែន។លោកសមរង្ស៊ីចង់ឲ្យមានការធានាថាការបោះបង្គោលព្រំដែនត្រូវបានគោរពតាមរដ្ឋធម្មនុញ្ញធានាបានការគោរពបូរណភាពទឹកដីខ្មែរ។
លោកហូរវ៉ាន់អ្នកតំណាងរាស្រ្តគណបក្សសមរង្ស៊ីមណ្ឌលភ្នំពេញបានឲ្យដឹងថារឿងលោកសមរង្ស៊ីជារឿងនយោបាយគួរដោះស្រាយតាមផ្លូវនយោបាយត្រូវមានការចរចាគ្នារឺលើកលែងទោសដើម្បីការពារផលប្រយោជន៏ប្រជាពលរដ្ឋប្រទេសជាតិដូចជាការពារបូរណភាពទឹកដីទាំងខាងលិចនិងខាងកើត។
គួរបញ្ជាក់ថាលោកសមរង្ស៊ីនិងប្រជាកសិករគឺលោកព្រំជានិងលោកស្រីមាសស្រីបានដកតំរុយបង្គោលព្រំដែនកាលពីថ្ងៃទី២៥ខែតុលាឆ្នាំ២០០៩នៅស្រុចន្ទ្រាខេត្តស្វាយរៀង។ហើយនៅថ្ងៃទី២៦ខែតុលាឆ្នាំ២០០៩អភិបាលស្រុកចន្ទ្រាបានដាក់ពាក្យបណ្តឹងប្តឹងទៅ តុលាការស្វាយរៀងរហូតដល់ថ្ងៃទី២៧មករាឆ្នាំ២០១០តុលាការស្វាយរៀងផ្តន្ទាសទោសលោកសមរង្ស៊ីឲ្យជាប់ពន្ធនាគារ២ឆ្នាំកសិករចំនួន២នាក់លោកព្រំជានិងលោកស្រីមាសស្រីម្នាក់១ឆ្នាំនិងបង្គាប់ឲ្យអ្នកទាំងបីបង់ប្រាក់ផាកពិន័យជំងឺចិត្តរួមគ្នា៦៣លានរៀល៕
No comments:
Post a Comment
yes