រញ្ជួយដីនៅជប៉ុនសម្លាប់មនុស្សជិត ១០.០០០នាក់ហើយ
មកទល់នឹងល្ងាចថ្ងៃអាទិត្យ ទី១៣ មីនានេះ អ្នកស្លាប់ដោយឧប្បត្តិហេតុរញ្ជួយដីនៅប្រទេសជប៉ុន បានកើនឡើងដល់ចំនួនជិតមួយម៉ឺននាក់ហើយ និងមានមនុស្សចំនួនប្រមាណជាងមួយម៉ឺននាក់ទៀតបានបាត់ខ្លួន។
AFP PHOTO/YOMIURI SHIMBUNរលកយក្ស (Tsunami) បណ្ដាលឲ្យឆេះផ្ទះនៅទី
ក្រុង Natori នៃប្រទេសជប៉ុន។
រូបថតថ្ងៃទី១១ មីនា ២០១១
នេះជាឧប្បត្តិហេតុរញ្ជួយដីធំបំផុតលើកទីមួយហើយ ដែលកើតមានឡើងក្នុងរយៈពេល ១០០ឆ្នាំនៅ តំបន់ឦសានប្រទេសជប៉ុន កាលពីថ្ងៃសុក្រ ទី១១ មីនា កន្លងទៅនេះ។
នៅថ្ងៃនេះ កាសែ New York Times បានផ្សាយឲ្យដឹងថា ចំនួនមនុស្សស្លាប់
និងអ្នកបាត់ខ្លួនអាចនឹងកើនឡើងទៀត។ ក្រុមអ្នកសង្គ្រោះកំពុងបន្តការស្រាវជ្រាវរុករកមនុស្យដែលបាត់ ខ្លួននៅតាមភូមិ និងសហគមន៍ ដែលស្ថិតនៅតាមឆ្នេរសមុទ្រនោះ និងអ្នកដែលកំពុងជាប់កប់នៅក្រោមផ្ទះ និងនៅក្រោមគំនរបាក់បាក់បែក។
គ្រោះមហន្តរាយដ៏ធំបំផុតសម្រាប់ប្រទេសជប៉ុននៅពេលនេះ គឺរលកយក្ស (tsunami) ដែលមានកម្ពស់ប្រមាណ ១០ម៉ែត្រ ផ្ទុះឡើងបន្ទាប់ការរញ្ជួយដីដ៏ធំនេះ។ បានបណ្ដាលឲ្យមានគ្រោះមហន្តរាយទឹកជំនន់លេចលង់ផ្ទះសម្បែង និងហេដ្ឋារចនាសម្ព័ន្ធ៕
ពីវិទ្យុ អាស៊ីសេរី
No comments:
Post a Comment
yes