យុវជនម្នាក់ដែលទើបនឹងត្រឡប់មកពីសិក្សាប្រទេសអូស្ដ្រាលី បែរ ជាដេកស្លាប់ក្នុងថ្លុកឈាមក្នុងបន្ទប់លេខ១០៨ ជាន់ទី១ នៃសណ្ឋាគារមរកត ស្ថិត នៅផ្លូវលេខ១០៧ កែងមហាវិថីកម្ពុជាក្រោម ខណ្ឌ៧មករា រាជធានីភ្នំពេញ ដោយត្រូវគ្រាប់កាំភ្លើងមួយគ្រាប់ចំសៀតថ្កាផ្នែកខាងស្ដាំហាក់ដូចជាមាន អាថ៌កំបាំង ។
ហេតុការណ៍នេះបានកើតឡើងកាល ពីវេលាម៉ោង១០ព្រឹក ថ្ងៃទី២៨ ខែកញ្ញា ឆ្នាំ២០១១ ដែលសមត្ថកិច្ចឱ្យដឹងថា ជន រងគ្រោះដែលស្លាប់ដោយគ្រាប់កាំភ្លើង មានឈ្មោះកាំង ជីងសាន អាយុ២២ឆ្នាំ ស្នាក់នៅផ្ទះលេខ៤៩BE0 ផ្លូវលេខ៣ សង្កាត់ទន្លេបាសាក់ ខណ្ឌចំការមន ទើបត្រឡប់មកពីប្រទេសអូស្ដ្រាលី ហើយ ជនរងគ្រោះបានមកស្នាក់នៅក្នុងសណ្ឋា គារមរកតនេះតាំងពីថ្ងៃទី២៥ ខែកញ្ញា ឆ្នាំ២០១១ ។
ប្រភពខ្លះបានឱ្យដឹងថា កាលមកស្នាក់ នៅដំបូងក្នុងសណ្ឋាគារនេះ ជនរងគ្រោះ ស្នាក់នៅតែម្នាក់ឯងទេ លុះក្រោយមក មានមិត្ដភក្ដិប្រមាណ២-៣នាក់ មក ស្នាក់នៅជាមួយ ។ ក្នុងថ្ងៃកើតហេតុមិត្ដ ភក្ដិទាំងនោះបានមកគោះទ្វារ តែបន្ទប់ ទី១០៨នេះត្រូវបានខ្ទាស់សោពីខាងក្នុង ហើយអ្នកមើលការខុសត្រូវបានព្យាយាម បើកទ្វារនេះ ទើបឃើញយុវជនរងគ្រោះ ដេកស្លាប់ ដោយត្រូវគ្រាប់កាំភ្លើងមួយ គ្រាប់ចំសៀតថ្កាផ្នែកខាងស្ដាំដោយគ្រាប់ កាំភ្លើងខ្លីម៉ាកប៉េអាកុល ស្ថិតក្នុងភាពអាថ៌កំបាំងនៅឡើយ ។
កន្លងទៅសណ្ឋាគារមរកតនេះក៏ធ្លាប់ មានជនជាតិឥណ្ឌាមួយរូបបានស្លាប់ ដោយមិនដឹងមូលហេតុផងដែរ ប៉ុន្ដែ ដំណើរការអាជីវកម្មនៅតែបន្ដដោយ ពុំឃើញបិទការធ្វើអាជីវកម្ម ដើម្បីស៊ើប អង្កេតដូចជាករណីយុវជនកាំង ជីងសាន បានស្លាប់ដោយសារគ្រាប់កាំភ្លើង ហើយសមត្ថកិច្ចនៅតែព្យាយាមអះអាងថា ជាករណីធ្វើអត្ដឃាត ។
លោកយិន សាន អធិការនគរបាល ខណ្ឌ៧មករា បាននិយាយថា ការស្លាប់ របស់កាំង ជីងសាន មិនមែនជាឃាតកម្ម ដោយលោកលើកឡើងថា គឺជាករណី អត្ដឃាតបាញ់សម្លាប់ខ្លួនឯងដោយកន្លែង កើតហេតុ បន្ទប់ត្រូវបានចាក់ខ្ទាស់សោ ទ្វារពីខាងក្នុង និងនៅក្បែរសាកសពមាន បន្សល់ទុកកាំភ្លើងមួយដើម ។
លោកហៀង សុភ័ក្រ ព្រះរាជអាជ្ញា រងសាលាដំបូងរាជធានីភ្នំពេញបានឱ្យ ដឹងថា យោងតាមរបាយការណ៍របស់ នគរបាលព្រហ្មទណ្ឌកម្រិតធ្ងន់រាជធានី ភ្នំពេញ លោកចាត់ទុកថា ការស្លាប់របស់ ជនរងគ្រោះ គឺជាករណីអត្ដឃាត ដោយ លោកបញ្ជាក់ថា យុវជននេះបានទទួល បញ្ញើជាលុយមកពីក្រៅប្រទេស ប៉ុន្ដែ គេយកទៅលេងល្បែងនៅក្នុងកាស៊ីណូ ណាហ្គាចាញ់អស់ ។ ដោយសារមានករណី អត្ដឃាតបែបនេះ លោកក៏បានឱ្យសមត្ថ កិច្ចបិទទ្វារសណ្ឋាគារនេះមួយរយៈ ប៉ុន្ដែ តម្រូវឱ្យបើកវិញនៅថ្ងៃ ទី២៩ ខែកញ្ញា ឆ្នាំ២០១១នេះ បន្ទាប់ពីក្រុមគ្រួសាររបស់ សាកសពបញ្ជាក់ប្រាប់សមត្ថកិច្ចថា កូន របស់ខ្លួនអាចសម្លាប់ខ្លួនឯង ទើបសមត្ថ កិច្ចបានប្រគល់សាកសពឱ្យទៅក្រុម គ្រួសារធ្វើបុណ្យតាមប្រពៃណី ។
គួររំលឹកថា សមត្ថកិច្ចគួរតែពិនិត្យ ឱ្យបានគ្រប់ជ្រុងជ្រោយផងដែរ ហេតុអ្វី អ្នកមើលការខុសត្រូវមិនបានត្រួតពិនិត្យ ទៅលើអាវុធចំពោះអ្នកដែលមកស្នាក់ នៅនេះជារឿងដែលមិនធានាទៅលើសន្ដិ សុខសម្រាប់អ្នកដែលចូលមកស្នាក់នៅ ក្នុងសណ្ឋាគារមរកតនេះទេ ៕
ពីគេហទំព័រ៖ នគរវត្ត
No comments:
Post a Comment
yes