បុរសម្នាក់ស្រវឹងដើរដួលអុកគូទចូលខ្ទះស្ងោរនំអន្សម លិចត្រឹមមួយកំណាត់ខ្លួនចុះក្រោម បណ្តាលឱ្យរលួយត្រឹមដើមទ្រូងរហូតដល់ជង្គង់ ពងស្វាស និងដៃសងខាង ដូចកណ្តុររលូតគួរឱ្យស្ងើបបំផុត ។
បើតាមស្ត្រីឈ្មោះមុំ ហុង អាយុ៥៥ឆ្នាំ ត្រូវជាប្រពន្ធរបស់ជនរងគ្រោះបានប្រាប់កោះសន្តិភាពថា ជនរងគ្រោះជាប្តីរបស់គាត់ឈ្មោះគង់ ផន អាយុ៤៧ឆ្នាំ នៅភូមិស្គារ ឃុំគោកខ្ចក ស្រុកកំពង់ត្របែក ខេត្តព្រៃវែង។ មុនពេលកើតហេតុ បុរសជាប្តី បានបបួលមិត្តភក្តិចំនួន៤នាក់ ផឹកស៊ីនៅផ្ទះបងប្អូន ចាប់តាំងពីម៉ោង៦ព្រឹកថ្ងៃទី១៤ កញ្ញា ២០១១ ដល់ម៉ោង២រសៀល រហូតម្នាក់ៗមានសភាពស្រវឹងជោកជាំ ក៏ចែកផ្លូវគ្នាទៅផ្ទះរៀងៗខ្លួន រីឯប្តីរបស់គាត់បានចុះពីលើគ្រែ បំណងដើរឡើងទៅលើផ្ទះ ស្រាប់តែដួលអុកគូទចូលទៅក្នុងខ្ទះចាវស្ងោរនំអន្សម ដែលមានទឹកកំពុងពុះ បណ្តាលឱ្យលិចត្រឹមចុងដង្ហើម រហូតដល់ជង្គង់។ ពេលនោះជនរងគ្រោះខំប្រឹងយកដៃច្រត់ឡើង បណ្តាលឱ្យរលួយរលាកដៃទាំងសង រួមទាំងខ្នង ត្រគាក ភ្លៅទាំងពីរ ជាពិសេសពងស្វាស និងលិង្គរលួសអស់ស្បែកគួរឱ្យរន្ធត់បំផុត៕
ពីគេហទំព័រ៖ កោះសន្តិភាព
No comments:
Post a Comment
yes